2 TIMOTHI 1:13 - OTSAO BAIBEL (BSI)

¹³ Nange tole azui angkya olom tuita ningle, kue nang hama wündaokya otsingtsing kaxbu to nange mongle kün koplax, ilaxle Khrista füikya notom ma kem kux ang tüikya mongong hia mongkün ma chiatsai le ngolax.

2 TIMOTHI 1:13 ပူးပေါင်းရင်းမြစ်များ

TITA 1:9

Lai kax otong füi notomkya mongong tangkya kaxho to chixe mongle kop angkya changle. Iningle chixe otsingtsing hwon-nwot makhange mix ang zong adün ang thoüi ilaxlechu ija füi opüima tüikyabu hama hwom thaikya kha aho ang thoüi.

2 TIMOTHI 3:14

Ikoxle nange a, nang hama apua daokya tamchu nang mongong shingmongle tüikya otsingtsing ma thuithui le ngolax. Nang zongto nwotmixbu opang changkya hex nange awan ngopu,

FILIPI 4:9

Ku kax-ngao hia süt-mwot makhange hünzome ku angkya awanle laxkya hia kopkya, ibu pangnu hünzome mwot ma twonkox. Üntoxle kwom ang mongsom koxkya Zang hünzom füi ngohüi.

ROM NOK HATO ZAKYA POL LAIZA 6:17

Ikoxlechu Zang ang münchong fahax! Chemthüikoxle hanpak tuita ma hünzom ochax dabu changkya; ikoxle hünzome pongle kopkya hwon-nwot ma bangkya otsingtsing kax ma hünzome kün-mong tokhange bakle lax.

2 TIMOTHI 2:2

Khünak obiobi thüntho ma nange atatle kue apuk-apuakya hwon-nwot koplax, ilaxle mae mongongkyabu opange mamabu hatochu anwot-ano ang thoüihex, ibu ang ija mokle pao ang laxkox.

MIKNGÜN-OHÜN 3:11

Ku lwomle ngui ngole. Nang ma chem tüipuix ija sünle thomlax, ikoxle nang chak angkya tholünkya nang hingho owaechu pale münpao.

MIKNGÜN-OHÜN 3:3

Idaile nang hama chem anwot-ano daopuix ilaxle chempang atat daopuix; ija kax ma laxlax ilaxle hünzom ochaxbu tokhange chatlax. Nang chizo jangthüiba nang hato ku ahuxmix ningle nguiüi, üntoxle ku otue nguiüihex ija hanpak hünzome awan ang müntho.

1 TIMOTHI 1:14

Ilaxle kem Jowanpa-e chix okhonguikya chingcha ku ma thokle kox ilaxle ku ang mongong hia mongkün fa, oja Khrista füikya notom ma kem tomkux changpuix.

JUD LAIZA 1:3

Ku mongkün tüinaohom, kue hünzom hato kem tom khosün bama zasele tüle mongtsule ngopongma, mongong oja tamfangma owüiole otsaobu ang koxdao laxpuix, ija mongong hanpakma hünzome zongbakle azong angkya kue hünzom hato zongsaile za angkya laile.

IBRI 10:23

Chikchexle chichang homtoxle keme tsaole ngaidaokya to monghom füi shingmongle künhax, chemthüikoxle owae tsaodao laxpuix chix a mongao chitüi angkya mix changle.

2 TIMOTHI 1:14

Otsao Chasa owa kem ma ngopuix, chix tsakzong makhange, nang ang fale tüikya amüikya oli chiamütle thomlax.

ROM NOK HATO ZAKYA POL LAIZA 2:20

ongkya khünakbu hanpakma adangle fakya mix, üntoxle naohom hanpakma anwot-ano le fakya mix changpu le nang ma monghomkya tüi. Tsingwankya hia otsingtsing komle wanlom ma tüingoüna le nange laxle.

TITA 2:1

Tsaothakya Lai kax otong füi chem motomle tüipuix, hünzome ija anwot-ano angkya changle.

1 TIMOTHI 6:3

Opange othai Baibel kaxtong anwot-ano üihex kem Jowanpa Jisu Khrista kaxbu füi ilaxle hwom zanglom hwon-nwot füi nochitomle tüipuix,

FILIPI 1:27

Khrista Kaxho Müikyae lomkya ningle hünzom zanglom saikha tüi angkya mwot changle. Ile changkoxle tix ku hünzom hato chatle ngui angkya chitsuak koxlax tsuak koxlax; Kaxho Müikya apuk angkya bama mongtex tuita ma tomle, ku füi chakta le hünzom ajongle tüikya, hünzom bama müikya kax-ngao kue atat ang kopüi.

WANWÜNKAX 23:23

Otsingtsing, je-hwon, awan-atsingkya, ilaxle müikya:ibu hanpakma otha koxkoxchu asupu, ikoxle ija nang zongto hangle chiawüt angkya thanu-juapa changle.

1 TIMOTHI 1:10

omüi-oma süile tsing ang chitsuakkyabu hanpakma, ahuxle mix kople paokyabu hanpakma, atse le zangwün ilaxle othai kaxkhi fakyabu hanpakma, tsaothale sungoünkya Baibel kaxtong füi apüile saxmokkya chemchem jangtüi thünba, iningkyabu hanpakmale zingkya changpu.

WANWÜNKAX 3:21

Ku sa, nang je-hwon hia mongje to künle thomlax. Ibu otuechu nang angkya atsaile pao ang taxtom.

MIKNGÜN-OHÜN 2:25

Ikoxle hünzom ma chem tüipuix ija to ku mahüi mahüile shingmongle künlax ngo angkya changle.

IBRI 4:14

Athaxpi kem ang zangkangting akai daokya Nguakho tuita, Jisu Khrista, Zang Hosa tüikya daile, keme ngaile tsaokya mongong ma shingmongle ngohax.

IBRI 3:6

Ikoxle Hosa ningle Khrista a Zang hom ma Opupa changle. Keme monghomkya ma kem mongchyen tamchu mongong jangthom thüiba kem a chix zong to hom tuita changpu.

TITA 2:8

Wün chihai angkya tsaothakya kax zexkox, ikoxle tix kem bama mowün ama le zangwün angkya olom chiatak koxle nang zanbue thünzak kopüi.

1 THESALONIKA 5:21

Pangnu li to thwonle anokox; oja müipuix ija thomkox

KOLOSI 1:4

Chemthüikoxle Khrista tokya hünzom mongong üntoxle Zang khünaknu tokya hünzom mongkün bama kwome atatle.

WANWÜNKAX 4:13

Nange awanle kopdaokyabu jento texle ataklax. Tsingwankya a nang khüzün changpu: ija to müile nyethomlax.

WANWÜNKAX 3:18

Jetüi-hwonlangkya mix ang achangkya a mongmüi mix changpu; je-hwone hwom ang khüzün faüi.

WANWÜNKAX 8:14

Kue mwottho zingpu ilaxle ibu mokle paopu. Ku ma awan-atsingkya tüipu, ilaxle ku a tsak-zongle tüile.

2 TIMOTHI 1:1

Zang mongtex makhange Jisu Khrista wangshem tuita, owae kem Khrista Jisu füikya notom ma tsaole thomkya tsün khüzün bama apuk ang tsanle apaopuix, ija Pol tokhange:

2 TIMOTHI 4:3

Khünaknue changkya anwot-anokya to na chitha angkya hanpak hüiüi, ikoxle ma küntsu monglua lom to leüi ilaxle hwom mongto apase le bule tüikyabu mo wün angkya nwotmixbu hwome süchongchongle asüiüi.