2 TIMOTHI 1:10 - OTSAO BAIBEL (BSI)

¹⁰ ikoxle athax ija a kem khosünpa, Khrista Jisu nguikya makhange kem hato angaile tüile. Chixe zi angkya zong ashuk ang koxdaoa üntoxle kaxho Müikya tokhange chizi angkya tsün ngaile ahole.

2 TIMOTHI 1:10 ပူးပေါင်းရင်းမြစ်များ

1 JUHAN 1:2

Otue ija khüzün ngün ang tsuak le chang, kwome ija ngünpu; idaile kwome ija bama akaxpu üntoxle Hopa füi tomle tüikya oshuk chitüikya khüzün oja kwom ang awan ang tompuix ija mo kwome hünzom hama wünpu.

ROM NOK HATO ZAKYA POL LAIZA 16:26

Ikoxle, athax a, ija otsingtsing a ajebu chakza makhange kotok to angai daoa; ilaxle noke ong angkya hia ija kax ma lax angkya kuxma, oshuk chitüikya Zang kaxtom makhange ija a nok chaxwan longkhoe awan ang koxdaoa.

2 PITAR 3:18

Üntoxle kem Jowanpa tamchu khosünpa Jisu Khrista chingcha ma thuithui le tsongle hüilax. Athax üntoxchu othuithuima fuazang chix kux ang naxchang! Amen.

TITA 2:11

Chemthüikoxle khünaknüsa khosün hanpak ang Zange chix chingcha ngaile ahodaoa.

1 KORIN 15:26

Anao angkya akiakya zan a zik changle.

ROM NOK HATO ZAKYA POL LAIZA 2:7

Züizüi khünake mwot müikyakya wüi mokle ngole, ilaxle fuazangkya, üntoxle otuechu chizi chimax angkya tsün lomle; Zange hwom ang oshuk chitüikya tsün khüzün koxüi.

2 TIMOTHI 1:1

Zang mongtex makhange Jisu Khrista wangshem tuita, owae kem Khrista Jisu füikya notom ma tsaole thomkya tsün khüzün bama apuk ang tsanle apaopuix, ija Pol tokhange:

EFISIA 1:9

Chix hwon-je üntoxle tsing-wankya pangnu ma Zange chix chaktung chem hex ija mokle, ilaxle Khrista makhange tsuak angkya chix mong ma zangwün tsuak daokya huxsa mwottho keme awan ang koxle.

JUHAN 14:6

Jisu-e chix ang thüi: “Lomtang; Otsingtsing tamchu Khüzün a ku changpu; ku makhange chichang thüikoxle Apa hato owachu ngui ang müntho.

HOSIA 13:14

Amalum pan chak tokya kue ibu khünaknu kho münsün chichangba zikmüt-mangkho chak tokya hwom münazün. Apüihüi hünzom kaklakbue, zikmüt-mangkho a! Apüihüi hünzom thamae, amalumting a! Athax kue ibu khünaknu to chingchajajale münchang.

MIKNGÜN-OHÜN 22:17

Chasa hia Tuipa-e thüi: “oman!” Ija atatkya noknusae wüichu, thüi angkya changle, “Oman!” Oman, opangsa ang ti alan laxpuix; laxse tsukya pange wüi, ija khüzün ti, hingho ang pongle koplax.

MIKNGÜN-OHÜN 22:14

Ma zapua sole atsao daokyabu mohiman, chemthüikoxle khüzün pün angkya pünziak sax ang tamchu ngailombu makhange tingnu to dong ang hwome ataküi.

MIKNGÜN-OHÜN 18:1

Ifüima zangkangting tokya kaxtaimix mama tuita jukya kue ngün. Chix ma apün-ada angkya chongkya zong tüikya, üntoxle chix fuazangkyae chaxwannu pangnu khato nyan.

MIKNGÜN-OHÜN 2:7

“Na azaizaie müimüithombu füi chasae wünkya zangwün to apalax! “Zang tsawat khama nyemle tüikya khüzün pün angkya oziak, opange tholün daolaxpuix, kue hwom ang sax ang tomüi.

2 PITAR 3:2

Ku laiza pangnyi ma wüi, otsao ajebue kaiwüi akaxkya kaxbu üntoxle hünzom wangshembu makhange hünzom ang akaxle fakya Jowanpa tamchu khosünpa Jisu Khrista kaxtom hünzom mongto texle atak ang tomkya füi kue tsaothakya tutex hünzom mong ma azwot ang tompu.

2 PITAR 2:20

Ama angkya chaxwannu zong chak tokya, kem Jowanpa tamchu khosünpa Jisu Khrista tsingwankya makhange khünak paole azang ang tsuak; üntoxle ifüima ibue hwom chatle kop ilaxle hwom to lütle jangchangba, iningkya khünakbu oshuk, ami owang pongkya füi ngaxchu onüi ziama ang changle tüiüi.

2 PITAR 1:11

Chemthüikoxle iningle tix kem Jowanpa tamchu khosünpa Jisu Khrista oshuk chitüikya wangting to hünzom ngui ang tomüi.

2 PITAR 1:3

Owae ma fuazang hia ataxle müikya süntswon ang kem sele laxpuix, keme chix awanle laxkya makhange, kem ozün ma tüipongma tamchu otsingtsing zanglom tsün ngopongma laxli komle Zang otsao tsakzong makhange kem ang fadaoa.

IBRI 10:32

Tho to hünzom füi chemle changdao laxpuix texle ataklax. Itukwane, Zang wünyane hünzom to nyan füima, olom-olom ma hünzome sikngün apong hupu, ikoxlechu ibu chax-zane hünzom to lüt ang chitho.

TITA 3:4

Ikoxlechu otue kem khosünpa Zang chingcha hia mongkün ngaile ahopuix,

TITA 2:13

Zang kem Khosünpa Jisu Khrista nguikya nyix chix fuazang angkya to monghom füi ija mohimankya nyix tanle ngotanto keme ile chang angkya changle.

2 THESALONIKA 2:8

Ifüima chisumüikya mix sün ahoüi, ikoxle Jowanpa Jisu nguikya zuma chix a zakmütle langüi üntoxle fale nyankya füi chix womkyae chix oli thuüi.

EFISIA 1:18

Tamchu, chem hato chixe hünzom nyakpuix, ija monghom a chemhex, chix khünaknu hanpakma chixe tsaosax le tüikya ohünotün mohiman a otukux ahak-alua puix, (chix to ongkyabu kem ma mokle tüikya chix mwot otukux zongle tüipuix),

GALATIA 5:4

Wanlom tokya makhange opang Zang zongto sukya ang achang ang azong laxpuix, hünzom a Khrista füi janüna. Hünzom a Zang chingcha ziamong ma müntüi.

2 KORIN 5:4

Ija chaxwannu nyihom ma ngotanto, kem mixfang to ngokya tukuxle zoshunpu; keme chaxwannu tsangtsa füi atsaiünse le münchang, ikoxle maxün angkya tsün chimax angkya tuita khüzüne ole thomse le texpu.

1 KORIN 4:5

Idaile asukhakle otu nguile mahüi tanto hünzome owa angchu kaxfün taxfa. Jowanpa mangui tanto oshuk kaxfün bama tanngo angkya changle. Chixe zangnak khato pyenle thomkya jali zangngai to alaiüi ilaxle khünak mong angkya huxsa mongjang otok to angaiüi. Üntoxle mae kopsese münchong Zang tokhange pangnusae wüi kopüi.

ROM NOK HATO ZAKYA POL LAIZA 6:6

Ilaxle ija keme awanle: Kem ochax da ang achangle chingo angkya hanpakma, tsangtsa ma tüikya ochax zong amüt ang, kem tsün-zang Khrista füi tomle chix pünsak ma langdaoa.

ROM NOK HATO ZAKYA POL LAIZA 3:31

“Hwome Jisu Khrista to mongongkya makhange Zange khünaknu chix füi muamüi ang koxle”, le thüikoxle keme wanlom kax ma chilaxle ahaikya kax chang laxcha? Ile ojao münchang; itülüi, oting ma sütle keme wanlom fün mix amongpu.

WANGSHEMBU MWOT 13:23

Chix kaxtsao ningle Zange Israel khosün mix ang achang angkya, Dawid homjen makhange hüi angkya mix a ija Jisu changkya.

WANGSHEMBU MWOT 5:31

Israel khünak ang monglüi angkya hanpak kox üntoxle hwom ochaxbu thailak kox angkya bama, lompa hia khosünpa tuita ningle Zange chix ma tsaxchi ma, chix füi tomwüile nwonpu.

JUHAN 20:31

Ikoxchu Jisu a Khrista, Zang Hosa changpu le hünzome ong angkya hanpakma, tamchu ong laxle chix mün ma hünzome tsün khüzün atak angkya kuxma, ija kax zapu.

JUHAN 5:40

Ikoxlechu hünzom a khüzün kop ang ku hato hüise le chitsu.

JUHAN 4:42

Ilaxle hwome ija mixcha ang thüi: “Athax kwomechu ongpu, nang kax khomale chichangle kwom tomtatae chix zangwün atat ang kopkya khoma, athaxpi chix a otsingtsing chaxwannu khosünpa changpu le kwome awan ang kople.”

JUHAN 1:9

Chix a zangngai tsingtsing, zangngai ojae chaxwannu hato nguilaxle khünaknusa to nyanlaxpuix.

KAXHO MÜIKYA LUK 13:7

Üntoxle chixe ija haxtok mozangkya mix ang thüi: ‘Hulax, Ija fupsa pün hato oziak lomle ku zanglao azom nguiüna, ikoxle oziak tuita ngaxchu chibang hom. Ija dakdao; hax ama lanle chemto thomngoüi.’

KAXHO MÜIKYA LUK 11:36

Ikoxle nang tsangtsa pangnukha zangnak chemchu chitüi le zangngai e awangle jangngoba, wüntike nyan koxle nang ang zangngai koxkya ningle, nang tsangtsa zangngai e awangle ngoüi.”

KAXHO MÜIKYA LUK 2:11

Anyix kha Dawid tingsho ma Jowanpa Khrista hünzom khosünpa puxle tüile!

ISAIA 45:21

Ngui laxle khwa ma hünzom tsetwon-zangwün apüilax; hwome tata ma tikshole naxlaxkox. Chempangle changüihex ija kaiwüi owae ajele thom? Chix khünaknu khosünkya Zang, ija Jowanpa ku münchang hexmi? Iboma mama baozang owachu müntüi.

ISAIA 45:15

Israel nok Jowanpa, owae chix khünaknu khosünle koppuix, chix a azwonle ngokya Zang changpu.

ISAIA 43:3

Chemthüikoxle Jowanpa hünzom Zang ku a, Israel nok otsao Zang, hünzom khosünkya mix changle. Hünzom khangkho sün angkya hanpakma kue Ijip nok dantoxdaoa; Kue Etheopia ilaxle Seba dantoxüi.

1 JUHAN 4:14

Hopae Hosa chaxwannu to khosünpa ang ajokya changpu le kwome ngün ang kop ilaxle mix hama apuapu.

2 PITAR 1:1

Jisu Khrista wangshem tamchu chix da tuita Simon Pitar tokhange: Zang hia khosünpa Jisu Khrista otsao ma hwom füi tomle tuita thalix mongong kopkyabu hato:

MIKNGÜN-OHÜN 20:14

Ifüima zik hia lumtingbu tinu ningle tüikya okham-wün khato tswonle awüt. (Ija tinu ningle tüikya okham-wün a anyi lükya zik changpu).

2 TIMOTHI 1:8

Kem Jowanpa bama kaxkhi fa angkya azakle taxtüi; chichangba Khrista khoma kun to thomkya mix changündai le ku bama azakkya taxtüi. Itülüi, Zange nang ang ija mok angkya zong koxle tüikya ningle, Kaxho Müikya bama sikngün apongkya atom-ahanle tüilax.

2 TIMOTHI 4:1

Zang üntoxle Jisu Khrista owae ozün hia omang kaxfün angkya hex, tamchu chix chongwangpa le apün-awang ang ngui angkya changkoxle, hwom thüntho ma kue hünzom ang,

2 TIMOTHI 4:8

Ilaxle athax a sukya tsün ngole hüikyabu ang kox angkya tholünkya hinghoe ku tanle ngole. Ija hingho a, Jowanpa, sukya kaxfünpae ku ang ija nyix faüi ilaxle ku tata angle münchang ikoxle chix ngai angkya tanle mongkün füi ngokyabu pangnu ang koxüi.