2 SAMUEL 9:6 - OTSAO BAIBEL (BSI)

⁶ Chemtue Mefibosheth, Jonathan sasün tamchu Sol susün nguipuix, chix chathua zakya ahole Dawid chitong ma akhuxle shwom. Dawid-e nyak: “Mefibosheth.” Ilaxle chixe lan: “Alixachong, ku nang thotha manzai ang ikhama tüile.”

2 SAMUEL 9:6 ပူးပေါင်းရင်းမြစ်များ

1 PUKAX-PANGAO 9:40

Jonathan a Meribbal, hopa changkya ilaxle Meribbal a Mikah hopa changkya.

1 PUKAX-PANGAO 8:34

Jonathan a Meribbal, hopa changkya, Meribbal a Mikah hopa changkya.

2 SAMUEL 16:4

Wanghompa-e Ziba ang thüi: “Mefibosheth kux nang ma athax chempang tüipuix, ibu pangwüi nang kux changpu.” Zeba-e lan: “Ku a nang dapa tuita changle, ku a jento nang ang mong amüile thom ang ngoüi!”

1 SAMUEL 25:23

Chemtue Abigail-e Dawid ngünle laxpuix, nonokhaile she mantsak-kho angkya thai ilaxle she tsangtsa haxkha tswonle awütle

1 SAMUEL 20:41

Ija naosün chatkya füima, longbu athünle tüikya nuk tokya Dawid ajongle lai ilaxle chix chitong ma othom azom ma shwom. Jonathan hokhi akün laxle tata füi tun apongle sop; Dawid mongmae Jonathan mongma to kaile.

PONGWANG LAIPEX 33:3

Chix a hwom pangnu tunthoma le. Chixe othom anüt ma hax to akhuxlaxle, hotüi ha ma-alop ma-alople ile aham.

PONGWANG LAIPEX 18:2

Chixe ngom laoxle hukoxle ikhama mixsün azom ajongle ngokya ngünlelax. Chixe hwom ngünkya füitomle, chix a hwom füi apong ang zikle lai. Chixe thün hax to lyetle akhux,

2 SAMUEL 4:4

Mama Sol osix-oli a Jonathan sasün Mefibosheth changkya. Sol hia Jonathan nyi langpongma chix a zanglao aga ma dantox. Chemtue Jezril tokhange hokhi zikya kax atat ang koppuix, chix kople atsünkya naokopnue chix a laxlaxle pao; ikoxle she a müimamale akhangle zikkya khoma naosa adüt ilaxle ofai-oshuk khünak ang achang.

2 SAMUEL 9:5

Ikhoma wanghompa Dawid-e chix apüi ang tsanle apao.

2 SAMUEL 1:7

Ijama chix akhople hu, ku ngünle lax, ilaxle chixe ku nyak. ‘Ui, alixachong’ le ku tsa.

2 SAMUEL 21:7

Ikoxlechu Jonathan füikya huxsa tsaotsüt tüikya khoma Dawid-e Jonathan sasün Mefibosheth sünle tüi. Chix a Sol susün changkya.