2 SAMUEL 8:15 - OTSAO BAIBEL (BSI)

¹⁵ Dawid-e Israel nok pangwüi thakma apün ilaxle chix khünak noknusa to tomwüi ajit-awale tamchu changle apün-awang.

2 SAMUEL 8:15 ပူးပေါင်းရင်းမြစ်များ

AMOS 5:15

Chem ochax hex ija thua anulax, chem supuix ija to mongkünlax, ilaxle khwa ma sukya kaxfün koxle chang angkya to hulax. Ile jangthüiningle owatsing, athax atale toxkya khünakbu to Jowanpae chingchakya tüiüi.

MÜNCHUAK-TSAI 89:14

Nang wangting chifün a otsao üntoxle sukya changle; nange mokkya pangnu khato chialekya mongong hia mongkün ahole.

MÜNCHUAK-TSAI 72:2

ikoxle tix chixe nang khünaknu thakma sukya kaxfün fakya füi apün-ada angkya hanpakma üntoxle mixfang to thomkyabu to otsao ma apün-ada angkya hanpakma.

AMOS 5:24

Itülüi, sukya kaxfün a shuasa ningle jenle ju ang tomkox, ilaxle otsao a tamchu chizopkya shuanu ningle jen ang tomkox.

ISAIA 9:7

Chix chongwang janzüi a chong ang chong ang sütüi; chix wangting a jento tumüi-mongsom ma ngoüi. Chixe Wanghompa Dawid mantswon chongwang ningle apünüi, changkya hia sukya a chix tsak-zong chifün ang laxüi, athax makhange oshuk hanpak alople. Jowanpa Khüthak Zang-e ibu pangwüi mok angkya mongzang wündaoa.

MÜNCHUAK-TSAI 75:2

Zang-e thüi: “Kue kaxfün angkya hanpak tyadaoa, ilaxle kue masüi-mix-chilüile kaxfün faüi.

1 PUKAX-PANGAO 18:14

Dawid-e Israel haxtok komkaile apün ilaxle chix khünak pangnusa to tomwüile müile hu ang othuithuima azong.

2 SAMUEL 5:5

Chixe Hebron makhange Judah nok thakma zanglao anüt lyetjang azok apün, ilaxle Jerusalem makhange Judah hia Israel nok pangnyi thakma zanglao 33 apün.

2 SAMUEL 3:12

Abnar-e Hebron to ngokya Dawid hato ija zangwün füi kaxhomix akat: “Ija haxtok owae apünüi? Ku füi kaxfün tsuak hüi ilaxle Israel nok pangwüi nangchi to ahüi angkya bama kue nang to asun fang.”

IBRI 11:33

Mongong makhange hwome chaxwannu füi azan ilaxle ibu to anao. Chem supuix hwome ija mok üntoxle Zang kaxtsao tüikya hwome atak.

2 SAMUEL 8:14

Edom nok pangkha towüi chixe süpahibu pom zai ilaxle khünaknu a chix wangpün ang achang. Pangnu chito wüi Jowanpae Dawid ang wüi lütkya kox.

2 SAMUEL 8:16

Zarüiah sasün Joap a chix süpahi khama lompa tuita changkya. Ahilud sasün Jehusafat a kaxkhün kopmix mwot ma thom;

1 WANGHOMBU 10:9

Jowanpa nang Zang achuak kox Nang Israel nok wanghom ang achang laxle nang füi chix mongzom ibukux müipule ahodaoa, chemthüikoxle Israel hanpakma tüikya chix mongkün a oshuk chitüikya changle, ikhoma nange chix wanlom to laxle sukya kaxfün thom angkya hanpakma chixe nang wanghom ang zingpu.”

MÜNCHUAK-TSAI 119:121

Kue chem supuix tamchu müipuix ija mokdaoa; ku a zanpabu chak to taxdan!

1 SAMUEL 14:47

Sol Israel nok ma wanghom ang achangkya füima, chixe chix zanpabu füi pangnu chito azanle hüi: Moab nok, Amon nok, Edom nok, Zebah wanghombu füi, ilaxle Filistia, ibu pangwüi füi azan. Azankya pangnu chix-chixe wüi anao.

2 SAMUEL 15:3

Absalom-e thüi: “Hulax, wanlom a nangchi ma sele tüile, ikoxle nang zangwün to apa ang wanghom chikao tokhange owawa ngaxchu chitüi.”

2 SAMUEL 20:23

Joap ang Israel nok süpahibu akhokya ang ngole tüikya; Jehoiada sasün Benaiah a Dawid nyetmix hwom khama akhokya ang ngokya;

1 WANGHOMBU 4:1

Solomon a Israel nok pangnu wanghom changkya,