2 SAMUEL 7:3 - OTSAO BAIBEL (BSI)

³ Nathan-e lan: “Nang mong ma chemle hüipuix ile mokkox, chemthüikoxle Jowanpa a nang füi tüile.”

2 SAMUEL 7:3 ပူးပေါင်းရင်းမြစ်များ

1 PUKAX-PANGAO 22:7

Dawid-e chix ang thüi: “Ku sasün, kue Jowanpa ku Zang achuak-achen ang Zangshwom-Hom tuita zaisele texhupu.

1 PUKAX-PANGAO 28:2

Dawid a, hwom pangwüi tunthoma ajong ilaxle pünzün-wangsaile akax: “Ku wangpünnu, ku kax to apahüi. Kem Jowanpa chiting nui, chix longza-Kaxfün Suak hanpakma othuithuima lax ang kue hom tuita zaile alaise tsupu. Kue chix achuak-achenle chang angkya hanpakma Zangshwom-Hom zai angkya achwon-athale changdaoa,

2 WANGHOMBU 4:27

ikoxle chemtue she Elisha hato nguile changpuix, she chix tunthoma akhux ilaxle chix cha to twon Gehazi-e she achale apao ang thüipongma Elisha-e thüi: “She to taxpokox. Nange she tüle künmax-mongshanle changkya münngün hia? Jowanpae ku hama ija bama chemle chu chiwün.”

1 SAMUEL 16:7

Ikoxle Jowanpae chix ang thüi: “Nange chix pum-tsa hia osün müikya to taxhu. Kue chix münlax, chemthüikoxle kue khünake hukya lailaile kotok to hukya münchang ikoxle kue kün-hi-mong khato hupu.”

1 JUHAN 2:27

Ikoxlechu hünzom hanpak ang a Khrista-e chix chasa hünzom ma thokle fadaoa. Chix chasa hünzom ma ngokya kople hünzom hanpakma anwot-ano le fa angkya mix lax ngo angkya chem mwot müntüi. Chemthüikoxle pangnusa bama chix Chasae anwot-anole changüi, ilaxle chixe anwot-anokya ma thaikya müntüi, otsingtsing changle. Idaile Chasa hwon-nwot kax ma laxle tüilax ilaxle Khrista füi notom le ngolax.

MÜNCHUAK-TSAI 37:4

Nange ma mongmüi Jowanpa ma lomlax, nang mong ma atsutsu chixe nang ang faüi.

MÜNCHUAK-TSAI 20:4

Nang mong ma sungkya chixe nang ang naxfakox, ilaxle nang katzua pangwüi tsuakle le ang naxtomkox.

1 SAMUEL 10:7

Chemtue ibu changüihex, Zang-e nang ochito azuiüihex ija ningle moklax.

2 SAMUEL 7:4

Ikoxle ija ja Nathan füi Jowanpa akax,

1 SAMUEL 14:7

Ija naosüne lan: “Nange chem mokse thüipuix, ku a nang füifüi.”

1 WANGHOMBU 1:8

Ikoxlechu nguapa Zadok, Jehoiada sasün Benaiah, ajepa Nathan, Shimei, Rei, ilaxle Dawid nyetmixbu, ibu a Adonijah chima chitüi.

1 PUKAX-PANGAO 29:29

Wanghompa Dawid pukax, owang makhange oshuk alople, Samuel, Nathan, hia Gad, nguapa hwom azom laizabu ma komkaile zale tüile.

2 PUKAX-PANGAO 29:25

Wanghompa Dawid hama, ajepa Gad hia ajepa Nathan makhange Jowanpae adangle fakya olom tole, chixe Liwi hwom a, thuaput-waxmai hia khopsyabu koplaxle Zangshwom-Hom ma ngo ang tsan.