2 SAMUEL 7:26 - OTSAO BAIBEL (BSI)

²⁶ Nang mün a huanuma chongüi, ilaxle khünaknue jento thüiüi: ‘Jowanpa Khüthak Zang a Israel nok khangkho ma jento ngole.’ Ilaxle nange ku wangting othuithuima sünle thomüi.

2 SAMUEL 7:26 ပူးပေါင်းရင်းမြစ်များ

MATHI 6:9

Idaile hünzome Zang ile joplax: ‘Zangkangting to ngokya Apa; Nang otsao mün naxachuak;

JUHAN 12:28

Apa, nang mün hato fuazang apüi ang tomhüi!” Ifüima ding tokya ozing tuita laile akax: “Kue ija fuazang apüidaoa, üntoxle anaolechu wüi fuazang ang tomüi.”

MÜNCHUAK-TSAI 115:1

Ojem chifünkya mongkün hia chialekya mongong nang ma tüingokoxle, nang tata ang, O Jowanpa, nang tata ang tix; fuazangkya kwom ang kox angkya jao münchang.

MÜNCHUAK-TSAI 89:36

Chix ang jento sixlibu tüile ngoüi, üntoxle kue chix wangting to zanghan tüile ngokya kople hule ngoüi.

PONGWANG LAIPEX 17:18

Chixe Zang ma atüi: “Ishmael ang ku mantswon angkya büthüikoxle chitom angkya?”

2 SAMUEL 7:25

“Ilaxle athax, Jowan Zang, nange ku tamchu ku su-sa hwom hanpak ang tsaokya, pangwüi changle kotok to ngai ang tomfa. Nange moküihex-ole tsaokya pangwüi mokle fahüi.

1 WANGHOMBU 18:36

Tsomfüi tö koxtu wama ajepa Elija tö-tsap hato hüi ilaxle zangjop: “O Jowanpa, Abraham Zang, Isak Zang, Jakop Zang! Athaxpi nang a Israel nok Zang changpu ilaxle ku a nang dapa changpu tamchu ibu mwot pangwüi kaxtom ma mokle hüikya changpule angaikox.

1 WANGHOMBU 18:37

Ku zangjop to lanhüi! Jowanpa, ku zangjop to lanhüi, ikoxle tix ibu khünakbue Jowanpa a Zang changpu ilaxle nange hwom nang hato tamchatle ahüi ngopu le awan ang kopüi.”

MÜNCHUAK-TSAI 61:7

O Zang, chixe nang ngwotnui makhange okuilole apün-ada ang laxkox; tamchu chizakkya nang mongong hia mongkün füi chix kho-awale kopkox.