2 SAMUEL 7:24 - OTSAO BAIBEL (BSI)

²⁴ Nange Israel nok a othuithuima nang khünaknu ang zing, ilaxle Jowanpa, nang a hwom Zang ang achang.

2 SAMUEL 7:24 ပူးပေါင်းရင်းမြစ်များ

TSAITONG-KAXTONG 26:18

Chixe hünzom füi tsaosaxkya lailaile, Jowanpae anyix hünzom ma khünaknu ang pongle laxdaoa; ilaxle chix wanlom pangwüi kax ma laxle ngo angkya chixe hünzom ang kaxtom koxle.

1 PITAR 2:10

Hanpak tuita ma hünzom a, Zang khünaknu chichangkya; ikoxlechu athax hünzom a, chix khünaknu changle; hanpak tuita ma hünzome, chix chingcha chitsingkya; ikoxlechu athax hünzome, chix chingcha pongle kopdaoa.

JUHAN 1:12

Bachutix züizüie chix pongle koplaxle chix to ong; ija khoma chixe hwom ang Zangsu Zangsabu ang achang angkya tsakzong kox.

JEREMIA 31:33

Tsaotsüt hozün kue Israel nok füi thom angkya a ija changpu: Kue ku wanlom hwom mongkha to shoüi ilaxle hwom mongtsang ma zale thomüi. Ku a hwom Zang changüi ilaxle hwom a ku khünaknu changüi.

ISAIA 12:2

Zang a ku khosünpa changle; Kue chix to mongongüi ilaxle chazakya müntüiüi, Jowanpae ku ang tsak-zong hia janzüi koxle; chix a ku khosünpa.

MÜNCHUAK-TSAI 48:14

“Ija Zang a othuithuima kem Zang changle; mahüikya hanpak pangnu ma chixe kem lomzunüi.”

PONGWANG LAIPEX 17:7

“Oshuk-chitüikya Tsaotsüt tuita ang kue ku kaxtsao füichima nang füi tamchu nang su-sa hwom füi thom ang tomüi. Ku a nang Zang tamchu nang su-sa hwom Zang ang ngoüi.

ZEKARIA 13:9

Ilaxle othom tuita atale tüikyabu to kue wanle anoüi ilaxle wün füi khop atsaokya lailaile kue hwom atsaoüi. Kue hwom to hun to wanle anokya ningle wanle anoüi. Ifüima hwome ku to zangjopüi, ilaxle kue hwom zangjop to lanüi. Kue hwom hama hwom a ku khünakbu changle le akaxüi, ilaxle hwomechu ku a hwom Zang changpule ngaiüi.”

HOSIA 1:10

Israel khünaknu a tinu angkya fix büta tsaüi; ibu a e ang tamchu thüt ang chithole changüi. Athax Zang-e hwom füi akax: “Hünzom a ku khünakbu münchang”, Ikoxlechu chixe hwom füi: “Hünzom a ozün ma tüikya Zang su-sabu changpu!”, le akax angkya hanpak hüile ngole.

JEREMIA 32:38

Ifüima hwom a ku khünaknu ilaxle ku a hwom Zangle ngo angkya changle.

JEREMIA 31:1

Jowanpae thüi: Israel homjen pangnusa hanpakma ku Zang ang ngo angkya tunu nguile hüile, ilaxle hwom a ku khünaknu ang ngoüi.

1 PUKAX-PANGAO 17:22

Nange Israel khünaknu a jento nang khünaknu ang achang üntoxle Jowanpa, nang a hwom Zang ang achangpu.

2 SAMUEL 7:23

Hwom nang khünaknu ang lax angkya hanpakma Israel nok lailaile da ang ngokya nange danle changkya chaxwannu mama jat-li owachu müntüi. Hwom hanpakma nange mokkya chongkya tamchu ohünotün mwotbu tokhange nang mün chongkya zangfang pangnu khato ule. Nang khünaknu ang, Ijip nok chak to da ang ngokya nang khünaknu nguikya zuma nange mixjat-mixli hia hwom baozangbu jwonle apao.

TSAITONG-KAXTONG 27:9

Ifüima Mosa-e nguapabu, Liwi hwom füi tomle Israel nok füi akax: “Israel khünaknu, hünzome kuchi to mongkoxhüi ilaxle ku kax apahüi. Anyix hünzom a Jowanpa, hünzom Zang khünaknu ang achangpu;

LAIPAO 15:2

Jowanpa a kutsak-kuzong tamchu ku kho-awapa; Ku khosünle kopkya a chix changpu. Chix a ku Zang, kue chix achuaküi, ku apa Zang, kue chix chongkya achuakle tsai ngaoüi.

LAIPAO 6:7

Kue hünzom ku khünaknu ang achangüi ilaxle ku a hünzom Zang ang ngoüi. Chemtue kue hünzom Ijip nok da ang ngokya chak tokya danle changüihex, ipongma hünzome ku a Jowanpa hünzom Zang changpule awan ang kopüi.

PONGWANG LAIPEX 17:8

Athax nang püntüi tuita ang achangle tüikya ija haxtok kue nang ang tamchu nangsu-nangsa hwom ang koxüi. Kanan haxtok komkaile othuithui hanpak ang nangsu-nangsa hwom haxtok ang achangüi ilaxle ku a hwom Zang ang ngoüi.”

TSAITONG-KAXTONG 32:6

Hünzome Jowanpa to ile hwon angkya olom changcha, hünzom ongat, tutex mong chizaikyabu? Chix a hünzom hopa, hünzom zingpupa, jat-li tuita ang hünzom chixe zingpu.

2 SAMUEL 7:25

“Ilaxle athax, Jowan Zang, nange ku tamchu ku su-sa hwom hanpak ang tsaokya, pangwüi changle kotok to ngai ang tomfa. Nange moküihex-ole tsaokya pangwüi mokle fahüi.