2 SAMUEL 7:23 - OTSAO BAIBEL (BSI)

²³ Hwom nang khünaknu ang lax angkya hanpakma Israel nok lailaile da ang ngokya nange danle changkya chaxwannu mama jat-li owachu müntüi. Hwom hanpakma nange mokkya chongkya tamchu ohünotün mwotbu tokhange nang mün chongkya zangfang pangnu khato ule. Nang khünaknu ang, Ijip nok chak to da ang ngokya nang khünaknu nguikya zuma nange mixjat-mixli hia hwom baozangbu jwonle apao.

2 SAMUEL 7:23 ပူးပေါင်းရင်းမြစ်များ

TSAITONG-KAXTONG 10:21

Chix achuak kox: Chix a hünzom Zang, ilaxle hünzome ma mik füijao, chixe hünzom hanpakma ohünotün hia khomtsikya mwotbu mokkya hünzome ngünle laxdaoa.

TSAITONG-KAXTONG 9:26

Ilaxle kue zangjop, ‘Jowanpa Khüthak Zang, nang tsak-zong chongkya füi azün laxle Ijip nok tokya danle apüikya nang khünaknu max ang taxtom.

MÜNCHUAK-TSAI 147:20

Chixe mixjat-mixlibu hanpakma ile chimok; hwome chix wanlombu chitsing. Jowanpa achuak kox!

MÜNCHUAK-TSAI 111:9

Chixe chix khünaknu khangkho angaile dan ilaxle hwom füi oshuk chitüikya longzüt-kax füi zing. Chix a otsao tamchu taitax changle!

NEHEMIA 1:10

“Jowanpa, ibu a nang dabu changle, nang khünaknu a. Nang tsak-zong chongkya füi nange hwom khosünle koppu.

TSAITONG-KAXTONG 33:29

Israel, nang mong chemkuxma müipuix! Nang lailaikya owachu müntüi, Jowanpae sünle thomkya jat-li tuita a. Nang di hia changlo a Jowanpa chixjao changpu, chixe nang khosele ilaxle lütkya koxle. Nang zanpabu nang hato chingcha jule hüiüi, ilaxle nange hwom to cha füi tingle akhünüi.

TSAITONG-KAXTONG 15:15

Hünzom chuwüi Ijip nok to da ang ngodaokya Jowanpa hünzom Zang-e danpu, ikhoma anyix kue hünzom ang ija kaxtom fapu.

EZEKEL 20:9

Ile chang koxle ku münma angwüi changüile thütlaxle kue ile chimok, chemthüikoxle hwom tomwüi ngole tüikya mixnokbu tunthoma Israel nok hato kue hwom Ijip chaxwan tokya alaile pao angkya kax ngaile kop.

MÜNCHUAK-TSAI 40:5

Nange kwom hanpakma tüle-tüle tsuakle hüidaoa, O Jowanpa, kwom Zang; nang lailaikya owachu müntüi! Nange kwom hanpakma ohünotün mwotthobu tüle-tüle zingdaoa. Kue ibu pangwüi bama akax ang thofang münchang: ibu a okiak chithole changle!

MIKNGÜN-OHÜN 5:9

Hwome tsaizün ile ngao: “Laitün lax üntoxle, shintop dap ang asule tüile; chemthüikoxle nang a lang daoa, tö koxle nang zikya füi; nange Zang hanpakma, pangnu jat-li tamchu kax-ngao; chaxwan longkho hia li-kan tokya, khünaknu shakdaoa.

TITA 2:14

Müikya mwot mok ang tsuakkyabu kem opang chix kux ang ngopuix, ibu chisumüikya pangnu olom tokya azün laxle tsaotha le achang ang, chixe ma alüile kem hanpakma kox.

EFISIA 1:6

Chix chingcha fuazang, chix mongkün Hosa ma kem ang amuamua le koxkya chix hingho, ibu hanpakma keme Zang achuak hax!

MÜNCHUAK-TSAI 145:6

Khünaknue chongkya nang mwotbu mo wünle changüi, ilaxle kue nang chongkya khuapule changüi.

MÜNCHUAK-TSAI 65:5

Nange kwom to zan to lüt ang koxle lan, ilaxle kwom khosün angkya hanpakma nange ohünotün mwot mok. Zangfang angkya khünak pangnusae tinu ta to ngokyabue ngaxchu nang to mongongle.

1 PUKAX-PANGAO 17:21

Chaxwannu ma Israel nok lailaikya nok mama müntüi. Israel nok a da ang ngokya nange sünle koppu ilaxle nange hwom a nang khünaknu ang zingpu. Nange hwom hanpakma chongkya hia ohünotün mwot mokle hüikya füi zangfang pangnok-jating to nang zangkya mün fuale tüile. Nange nang khünaknu Ijip nok tokya khosünpu ilaxle hwom nguikya füi tomle, ija haxtok angkya mixnokbu pangwüi jwonle apaopu.

JIHUSUA 7:9

Kanan nok hia ija haxtok ma tüipupu pangnusae ija zing atatüi. Hwome kwom akhople koplaxle kwom pangwüi langle awüt angkya changle! Ifüima nange ma münchong-ngampai khosün ang chem moklaxüi?”

LAIPAO 12:12

“Ija ja ku Ijip haxtok pangnu khato ahamüi; ilaxle müikha angkyachu üntoxle khünakchu, tüichongsasa komle langle toxüi. Ile Jowanpa kue Ijip nok zanpabu ang sikngün koxle leüi.

LAIPAO 9:16

Ikoxlechu chix tsak-zong aho ang tamchu chix mün zangfang pangnu khato fuale naxpao ang nang ozün ma thompu ta.

1 PITAR 2:9

Ikoxlechu zangnaknu khatokya khompua atsikkya zangngai hato Zang ohünotün mwotbu apuk-apua angkya hanpakma kamle kopkya jat-li, chongwang nguapabu, otsao ting-nok, Zang zongto ma khünaknu a hünzom changle.

MÜNCHUAK-TSAI 66:3

Zang ang thüikox: “Nange mokkya mwotbu chemtukuxle ohünotünhex! Nang tsak-zong huanu changpu zanpabue zalaxle nang tong to puile.

MÜNCHUAK-TSAI 106:22

Chixe ikhato ohünotün mwotbu tüle mok! Khikya Tinu ma chemtukuxle abütle changkya dai!

HUAKE LAIPEX 6:27

Ilaxle Jowanpae thüi: “Israel khünaknu to mohiman ang ku mün lünle jangchang kue hwom to mohimanüi.”

JEREMIA 32:21

Kwom zanpabu za ang tomkya ohünotün hia khomtsikya mwotbu makhange nange nang tsak-zong hia janzüi, Ijip nok tokya nang khünaknu apüi ang twonpu.

LAIPAO 6:7

Kue hünzom ku khünaknu ang achangüi ilaxle ku a hünzom Zang ang ngoüi. Chemtue kue hünzom Ijip nok da ang ngokya chak tokya danle changüihex, ipongma hünzome ku a Jowanpa hünzom Zang changpule awan ang kopüi.

LAIPAO 9:15

Nang to tamchu nang khünakbu to okak-olak füi fit ang chix chak jangajong thüikoxle hünzom pangwüi olithule changdaose ta.

LAIPAO 33:16

Nang kwom füi tomle chihüi jangthüi: khünaknu füi tamchu ku füi nang mongzom müile le owawae chemle awanle laxüi? Nang kwom füi tomle womle tüikoxtix, kwom a chaxwannu angkya khünakbu füi chixlili changle le awan ang tsuaküi.”

2 SAMUEL 7:24

Nange Israel nok a othuithuima nang khünaknu ang zing, ilaxle Jowanpa, nang a hwom Zang ang achang.

MÜNCHUAK-TSAI 44:3

Nang khünakbue ija haxtok to hwom chang hwom paxbu füi lütkya chichangpu; hwome ija hwom tsak hwom zong füi lütkya chichangpu; nangtsak-nangzong füitix lütle tsuakpu, nang womle tüikya mongchen füitix tsuakpu, ijaetix hwom tokya nang mongkün ahopu.

JEREMIA 32:20

Kaitanto Ijip nok to nange ohünotün hia khomtsikya mwotbu mokpu, ilaxle nange ibu chizakle anyix chuwüi mokle hüipu, Israel haxtok machu tamchu mixjat-mixli hwom khato chuwüi, ikhoma athax nang mün a pangnu khato awan ang koppu.