2 SAMUEL 7:22 - OTSAO BAIBEL (BSI)

²² Nang a chemkuxma chongpuix, Khüthak Jowanpa! Nang lailaikya owachu müntüi; Zang a nang tata wüile kue jento awanle hüipu.

2 SAMUEL 7:22 ပူးပေါင်းရင်းမြစ်များ

MÜNCHUAK-TSAI 86:10

Nang a tsak-zong ma akhokya mix üntoxle ohünotün mwotbu mokle; Zang a nang tata tixwüi.

MÜNCHUAK-TSAI 86:8

O Jowanpa, nang lailaikya zang owa müntüi, nange mokkya mwot owaechu mamok.

LAIPAO 15:11

“Jowanpa, baozangbu khama nang lailaikya owa tüi? Otsao ma ohünotün nang lailaikya owa tüi? Nange mokkya ningle ohünotün hia khomtsikya mwotbu a owae moktho?

MIKA 7:18

O Jowanpa, nang lailaikya Zang mama owachu müntüi; atale tüikya nang khünaknu thaikyabu nange alak-hüi. Nang othuithuima mongtsik-mongmale taxngo, ikoxle kwom hato chizakkya mongkün ahokya ma nang ang mongmüi.

1 PUKAX-PANGAO 16:25

Jowanpa a achongkya le achuak angkya wüi, baozang pangnu thakma chix thua za angkya wüi.

ISAIA 45:5

“Ku a Jowanpa changpu; mama baozang owachu müntüi. Kue nang ang nange laxse tsak-zong koxüi, nange ku owahex chitsing koxlechu.

TSAITONG-KAXTONG 3:24

‘Khüthak Jowanpa, nange achwonle tüikya ohünotün mwot ku hato ahokya owang tix changpule kue awanpu. Ding hia hax ma nange mokkya ohünotün mwot moktsuak angkya baozang owachu müntüi!

1 SAMUEL 2:2

“Jowanpa lailaikya otsao owachu müntüi; chix lailaikya owa müntüi, kem Zang lailaikya khosünpa owa müntüi.

MÜNCHUAK-TSAI 89:8

Jowanpa Khüthak Zang, nang lailaile tsak-zongkya owachu müntüi; O Jowanpa, nang a pangnuli to chialekya mongong füi ngopu.

MÜNCHUAK-TSAI 89:6

Jowanpa, zangkangting to nang lailaikya owachu müntüi; ding tokya zünmok tütali chu nang füi tawüi le thüi angkya müntüi.

MÜNCHUAK-TSAI 96:4

Jowanpa a chongkya changle üntoxle chix a achuakle nwon angkya wüi changle; baozangbu pangnu thak to chix chathua za angkya wüi changpu.

TSAITONG-KAXTONG 4:35

Jowanpae hünzom hato ija ahodaoa; ija a: Zang chix tata wüi, chix boma mama owachu müntüile aho angkya hanpakma changle.

ISAIA 40:18

Zang a owa füi tomta apyenüi? Chix iningle tüile le nange chemle akhix-akhanüi?

MÜNCHUAK-TSAI 48:1

Jowanpa a chongkya changle ilaxle chix a ding to achuak angkya wüi changpu, chix tingnu ma tamchu chix otsao haxkho ma.

MÜNCHUAK-TSAI 145:3

Jowanpa a chongkya changle ilaxle chix a ding to achuak angkya changpu; chix chongkya a khünake tsingang chithokya changpu.

MÜNCHUAK-TSAI 135:5

Chemthüikoxle kue tsingle, Jowanpa a chongkya changle, ilaxle kem Jowanpa a baozangbu pangnu thak angkya changle.

MÜNCHUAK-TSAI 44:1

Kwom na makhange jao kwome ija atatdaoa, O Zang: kwom pupa hwome ija bama kwom hama wünpu, hwom tsün ma nange mokkya ohünotünbu bama a, kaile pupa hwom tsün to a;

EZEKEL 36:22

“Idaile athaxpi, hwom hanpakma ku, Jowanpa Khüthak Zang ma tüikya kaxho Israel nok hato laxkox. Kue chem mok angkya tüipuix ija a hünzom Israel nok hanpakmale münchang, ikoxle hünzom apaopao pangnu khato amale thomdaokya ku otsao mün hanpak ang changpu.

ISAIA 45:22

“Athaxpi ku hato mong chatlax ilaxle khosünle koplax, zangjang angkya khünaknu! Zang tuita wüi tüikya ija a ku.

ISAIA 45:18

Jowanpae zangdingkhobu zing — Zang a chix tix changpu! Chaxwannu a chixe zing ilaxle alai — chixe ija othuithui hanpak ang zing. Chixe ija khünak chingole awüt tox ang zingkya chichang, ikoxle khünaknu ngo angkya kha ang zing. “Ku a Jowanpa changpule chixe thüipu, ilaxle zang mama owa müntüi.

ISAIA 40:25

Otsao Zang a owa füi apyenüi? Chix lailaikya owawa tamtüi chami?

2 PUKAX-PANGAO 2:5

Kue Zangshwom-Hom chongle zaile alai ang ajong ngole, chemthüikoxle kwom Zang a mama baozangbu pangnu thakma achongkya Zang changle.

TSAITONG-KAXTONG 32:39

“Ku, Ku tata tix, Zang changpu; mama baozang otsingtsing tuita müntüi. Mik kue amütpu ilaxle khüzün kue koxpu, mak kue khapu ilaxle kue wüi amüile koxpu, ilaxle kue mokkya mwot owaechu abax ang chitho.

EZEKEL 36:32

Israel khünaknu, kue ibu ile mokkya a hünzom hanpak ang mokkya münchangle hünzome awankoxle müisele thütpu. Hünzome mokle ngokya bama hünzom ang thünzak hia mongmakya naxtüi le texpu. Ija kax, Jowanpa Khüthak Zang, kue akaxpu.”

LAIPAO 10:2

Anaole chu ohünotün mwot makhange kue Ijip nok wanghompa ongat ang achangpuix, ija bama nange hünsu-hünsa hwom hama wün angkya hanpakma ile changpu. Ile changkox tix hünzom pangnusae wüi ku a Jowanpa changpule awanüi.”

LAIPAO 8:10

Ifüima wanghompa-e lan: “Ku hanpakma ngainyix jop-hüi.” Mosa-e lan: “Nange akaxkya ningle kue jopüi, ifüima Jowanpa kwom Zang ningkya owachu müntüile nange awan ang kopüi.

LAIPAO 9:14

Izuma chixe nang wangshembu hia nang khünaknu tata ang sikangünüi münchang ikoxle nang ang chuwüi sikngün ang tomüi, ikoxle tix nange chaxwannu ma chix ninglükya owachu müntüile awan ang kopüi ta.

1 WANGHOMBU 8:23

ilaxle zangjop: “Jowanpa, Israel nok Zang, thakchi ding to tamchu fangchi hax to nang lailaikya zang owachu müntüi! Nange nang khünaknu füikya tsaotsüt thom ilaxle hwome kün-hi-mong makhange abakle nang kax ma laxle changpongma nange hwom hato nang mongkün aho.

DANEL 2:45

Owaechu ponole chichang khato haxkho tokya longnu hele dütle akhix paokyachu nange ngünle laxpu ilaxle ija longe, jan, long komhax, khop hia hun, ibu füi zingle tüikya chapa to thuple changkyachu nange ngünpu. Wanghompa, achongkya Zang-e athax füichi ma chemle chang angkya hex ibu nang füi zangwünkya kax changpu. Nange ngünkya wünmang chemle ngünpuix ija kue nang hama wünle koxdaoa, ilaxle ija chem hanpak-hex ijachu otsingtsing wünle fadaoa.”

LAIPAO 8:6

Ikhoma Arun-e Ijip haxtok ma tüikya ti pangnu ding to kiathox füi ma chak thüi; ilaxle ibu khatokya luknubu laile Ijip haxtok awang.

TSAITONG-KAXTONG 4:39

Idaile anyixkya texle ataklax ilaxle Jowanpa a zangkangting hia chaxwannu ma Zang changpule chemtuechu taxalak. Chatle mama Zang tümüntüi.

2 SAMUEL 22:32

Jowanpa chix tata wüi Zang a; Kem ziakop pan long katuk a chix tata wüi.