2 SAMUEL 7:15 - OTSAO BAIBEL (BSI)

¹⁵ Ikoxlechu Sol dantoxkya lailaile chihu-chimele kue chix mündantox. Sol a kue nang wanghompa ang achang tsuak angkya kuxmale apaopu.

2 SAMUEL 7:15 ပူးပေါင်းရင်းမြစ်များ

1 SAMUEL 15:23

Chix zongto chichangle tüikya a tuita chajik-muashem mwot thatha ma amakya changpu, ilaxle ija a kaxma ma alanle chapa to shwomle changkya tukuxkya oma mwot changpu. Nange Jowanpa kaxtom kax ma chilaxle tekya khoma chixe nang a wanghom ang chilaxle awütdaoa.”

MÜNCHUAK-TSAI 89:28

Kue othuithuima chix füikya ku kaxtsao otia ma thomüi, ilaxle chix füikya ku Tsaotsüt tsüntsün to ngoüi.

1 SAMUEL 15:28

Samuel-e chix ang thüi: “Jowanpae anyix nang chak angkya Israel nok wangting akyetle changdaoa ilaxle ija wangting a nang füi sümüikya khünak owawa chak to koxle changdaoa.

ISAIA 9:7

Chix chongwang janzüi a chong ang chong ang sütüi; chix wangting a jento tumüi-mongsom ma ngoüi. Chixe Wanghompa Dawid mantswon chongwang ningle apünüi, changkya hia sukya a chix tsak-zong chifün ang laxüi, athax makhange oshuk hanpak alople. Jowanpa Khüthak Zang-e ibu pangwüi mok angkya mongzang wündaoa.

1 WANGHOMBU 11:13

Ikoxle kue chix chak angkya wangting komkaile paoüile münchang, ikoxlechu ku dapa Dawid hia kue makux ang zingdaokya Jerusalem tokya chingcha khoma, kue chix chak ma oli-okan tuita danle toxüi.”

2 SAMUEL 7:14

Ku a chix hopa ang changüi. Kue chix to hopa tuitae samakya ningle samale tüiüi.

1 SAMUEL 16:14

Jowanpa Chasae Sol danle tox, ilaxle Jowanpae ahüikya haxshix chasae chix to sikngün kox.

ISAIA 37:35

Kue ija tingnu kho-awaüi ilaxle sünle kopüi; ija a ku münchuak hanpak ang tamchu kue ku dapa Dawid füi tsaosaxle changdaokya hanpakma ile changüi.’”

MÜNCHUAK-TSAI 89:34

Chix füikya Tsaotsüt kue münama chichangba chix füikya ku tsaosüt achatle münlax.

2 SAMUEL 7:16

Nang ang jento sixlibu tüile ngoüi, ilaxle kue nang wangting a oshuk chitüile tsünlole ngo ang tomüi. Nang wangting ma oshuk müntüiüi.’”

ISAIA 55:3

“Athax apalax, ku khünaknu, ilaxle ku hato nguilax; ku hato nguilax, jangchangba nang ang khüzün tüiüi! Kue nang füi otsün lo angkya tsaotsütle changüi ilaxle kue Dawid ang koxüile tsaokya mohiman nang ang koxüi.

1 SAMUEL 19:24

Samuel tunthoma chixe ma nyi-za siklaxle azüizüithale akhong, ilaxle ija nyix hia ija chix a nyi-za chilax homtoxle ojunplo ma ngo. (Imakhange ija a wanwünkax tuita ang achang: “Sol ngaxchu wüi ajepa ang achang pi?”)

MÜNCHUAK-TSAI 89:33

Ikoxlechu kue Dawid to mongkünkya münzak chichangba chix füikya ku tsaosüt chithom homle müntüi.

MÜNCHUAK-TSAI 89:49

Jowanpa, amipongma nang mongkün ahokünu omamaxün? Nange Dawid füi tsaosaxkyanu omalaxdao?

1 SAMUEL 15:26

Samuel-e lan: “Ku a nang füito pao ang müntsuak. Nange Jowanpa kaxtom ahaile changkya khoma chixe nang a Israel nok wanghompa ang chilaxle awütdaoa.”

MÜNCHUAK-TSAI 89:31

hwome kue adangle fakya ema chilaxle jangchang üntoxle ku kaxtombu chithomle jangchang,