2 SAMUEL 7:13 - OTSAO BAIBEL (BSI)

¹³ Ku hanpakma Zangshwom-Hom zing angkya a chix tix changüi. Kue thüipu, chix wangting a othuithuima ngoüi.

2 SAMUEL 7:13 ပူးပေါင်းရင်းမြစ်များ

1 WANGHOMBU 8:19

Ikoxlechu tütue chu nange zaile münalaiüi. Ku Zangshwom-Hom zai angkya a hünsa tix changüi.’

1 WANGHOMBU 5:5

Jowanpae ku apa Dawid füi, ‘Nang sasün owa kue nang füima wanghom ang zingle changüihex, chixe tix ku ang Zangshwom-Hom zaile alaiüi’ le tsaosax. Ilaxle athax kue Jowanpa ku Zang to shwom angkya hanpakma ija Zangshwom-Hom zingüile kue mongzangwünle changdaoa.

MÜNCHUAK-TSAI 89:4

‘Nang sixli makhange jento wanghom ang achang ngoüi; kue nang wangting tsüntsün hanpak ang sünthomüi.’” Selah

1 WANGHOMBU 6:12

“Nang ku wanlombu hia kaxtombu pangwüi kax ma laxle jangtüi, kue hünpa Dawid füi tsaotsütle changdaokya nang ang mokle koxüi.

ZEKARIA 6:13

Ija zingle alai angkya tamchu wanghompa münchong kop angkya mix a chix tix changpu. Chixe chix khünaknu thakma apün-awangle changüi. Nguapa tuita chix tüntong tunthoma ajongüi, ilaxle hokhie tumüi hia mongsom ma tomtomle moküi’ le chix hama wünkox.

ISAIA 9:7

Chix chongwang janzüi a chong ang chong ang sütüi; chix wangting a jento tumüi-mongsom ma ngoüi. Chixe Wanghompa Dawid mantswon chongwang ningle apünüi, changkya hia sukya a chix tsak-zong chifün ang laxüi, athax makhange oshuk hanpak alople. Jowanpa Khüthak Zang-e ibu pangwüi mok angkya mongzang wündaoa.

MÜNCHUAK-TSAI 89:29

Zangding ningle chix wangting a othuithuima ngoüi; ilaxle chix su-sa hwom khakha angkya wüi wanghom ang ngoüi.

2 SAMUEL 7:16

Nang ang jento sixlibu tüile ngoüi, ilaxle kue nang wangting a oshuk chitüile tsünlole ngo ang tomüi. Nang wangting ma oshuk müntüiüi.’”

1 PITAR 2:5

Ozün ma tüikya longbu ningle hünzom chix hato hüilaxle, Jisu Khrista makhange Zange pongle koptsuakkya lima chasa tö koxkya khato otsao nguapabu ang achang ang tamchu chasa zangshwom-hom zing angkya to hünzom twon ang laxkox.

IBRI 3:3

Hom popo füi owae ija zingle alai laxpuix chixe wüi achuak achenkya süchongle atakpu. Ilailaile Mosa füi Jisu-e wüi achuak achenkya süchongle kopkoxle asu le tüipu.

ISAIA 49:8

Jowanpae chix khünaknu ang thüi: “Chemtue nang khosün angkya hanpak nguipuix, ku nangchi ma seüi ilaxle nang sopkya to lanüi. Kue nang nyeüi ilaxle kho-awaüi ilaxle nang makhange khünaknu pangnusa füi tsaotsüt zingle. Kue nang a tamchatle otingsütle ngo ang tomüi athax kua awütle thomkya hünzom haxtok ma.

MÜNCHUAK-TSAI 89:21

Ku janzüi othuithuima chix füi ngoüi, ku tsak-zong makhange chix zongtüi ang tomüi.

1 PUKAX-PANGAO 28:10

Jowanpae nang a, chix Zangshwom-Hom zai angkya khünak ang kamle laxdaoale nange awan angkya wüi changpu. Athax ija ile moklax: ilaxle ija a chatsu-mongluakya füi moklax.”

MATHI 16:18

Ija khoma kue nang ang thüipu: Pitar, nang a long changle ilaxle ija long tok ma kue ku müimüithom zing angkya changle. Zike ngaxchu ija to lüt ang müntho.

2 SAMUEL 7:27

Khüthak Jowanpa, Israel nok Zang! Kue ija zangjop jop angkya to mongchongle, chemthüikoxle nange ku nang dapa hato ibu pangwüi ngaile aho, ilaxle nange, ku su-sa hwom wanghom ang achangüihex-ole thüi.

1 WANGHOMBU 2:4

Nange chix kax ma laxle jangtüi, hwome mong hia chasa makhange zongbakle ku kax ma laxle tüi angkya bama hwom khünkhikya füi tüile ngokya kople kusix-kuli Israel haxtok ma apün-awangle ngo angkya chixe tsaosaxkya chix tsaotsüt chixe thomüi.

1 WANGHOMBU 2:24

Ikhoma athax Jowanpa owae ku ajong ang tompuix ilaxle owae ku apa Dawid tüntong ma thung ang tompuix üntoxle owae ma tsaotsüt ningle kako tan ang tompuix, chix ngokya kople anyix wüi Adonijah mik amütüi!”

1 WANGHOMBU 2:45

Ikoxle chixe ku to mohimanüi ilaxle Dawid wangting jento thomüi.”

1 WANGHOMBU 8:13

Athaxpi kue nang hanpak ang chongkya Zangshwom-Hom tuita zingdaoa, ikhama oshuk chitüile nang ngo angkya hanpakma.”

1 WANGHOMBU 8:15

Chixe thüi: “Jowanpa, Israel nok Zang achuak kox! Chixe apa Dawid füi,

2 WANGHOMBU 21:4

Zangshwom-Hom ma chixe songsari tö-tsap zing, ija a Jowanpae chix shwom angkya nui hex-ole thüikya kha changkya.

2 PUKAX-PANGAO 33:4

Jowanpa jento chix shwomkya onui hex-ole kamle kopdaokya Zangshwom-Hom ma chixe songsari baozangbu to shwomkya tö-tsapbu zing.

PONGWANG LAIPEX 49:10

Judah chak ma chongwang kiathox twonüi, ilaxle chix sixli hwome jento apün-adale ngoüi. Jat-libue chix hato süidünüi, ilaxle chix kax ma laxle akhuxüi.

2 SAMUEL 22:51

Zang-e chix wanghompa ang zan to lütkya chongkya kox; chixe zünle kopkya mix to chixe chizakkya mongkün aho, othuithuima Dawid hia chix sixli hwom to a.

2 WANGHOMBU 8:19

ikoxlechu Jowanpae Judah a amüt-sele chitsu, chemthüikoxle chix dapa Dawid füi, chix sixli hwome chizakle apün-awangle ngo angkya hex-ole tsaosaxkya chix tsaotsüt tüikya khoma chixe ile pan-dan.

2 WANGHOMBU 21:7

Chixe Zangshwom-Hom ma baozangchanu Asherah münwan thom. Ija onui bama Jowanpae Dawid hia chix sasün Solomon hokhi füi ile akax: “Ikha a Jerusalem ma, ija Zangshwom-Hom ma, Israel haxtok ma hwom homjen 12 khama, ku to shwom angkya onui hex-ole kamkya kha changle.

2 PUKAX-PANGAO 6:16

Ilaxle athax, Jowanpa, Israel nok Zang, hwome khünkhikhile nang Wanlom kax ma laxle jangchang thüiningle, Israel haxtok apün angkya hanpakma wanghom a jento chix sixli kha angkya wüi ngo angkya changle le apa Dawid füikya nang tsaotsütchu otya ma wüi thom hüile kue nang to joppu.

JOB LAIPEX 36:7

Opang otsao changpuix hwom chixe sünle; chixe hwom ang wanghombu lailaile apün ang tomle, ilaxle hwom a jento achuakle chathua za ang tomle.

MÜNCHUAK-TSAI 72:17

Wanghompa mün otuechu chialakle naxngokox; zanghannu tsün lokya tukuxle chix mün fua-hi-zangle naxngokox. Pangnu jat-lie Zang ang hwom to mohimanfa le naxthüikox chixe wanghompa to mohimankya lailaile a.

ISAIA 9:6

Kem ang naosa tuita puxdaoa! Kem ang sasün tuita koxdaoa! Ilaxle chix a kem lompa ang changüi. Chix ang a: “Ohünotün Mongjang zukya” “Khüthak Zang”: “Oshuk chitüi Hopa”, “Tumüi Wanghompa”, le amünüi.

JEREMIA 33:17

Ku, Jowanpae tsaopu, Israel nok wanghom ang Dawid sixli jento tüile ngo angkya

EZEKEL 37:25

Kue ku dapa Jakop ang koxkya haxtok ma hwom ngoüi, ija haxtok a hwom putong hwom ngole hüikya haxtok changle. Hwom ikhato othuithuima ngoüi, ija ningle hwom susabu hia hwomsix-hwomli pangwüi ile ngole hüiüi. Ku dapa Dawid lailaikya wanghompa tuitae jento hwom to apünle-awangle ngoüi.

DANEL 2:44

Wanghom ibue apün-adale ngokya tuk ma zangkangting tokya Zang-e wangting tuita zingle alaiüi, ija chiashuk toxkya wangting ang changüi. Ija wangting to owaechu tingtakle münchangüi, ikoxle mama wangtingbu komkaile amüt laxle ija wangting a oshuk-okim chitüile ngoüi.

ZEKARIA 6:12

Jowanpa Khüthak Zang-e ‘Khünak owa ang Pünkang le nyakpuix, ija chixe Jowanpa Zangshwom-Hom zingle ngokya khama zaxzangle laiüi.