2 SAMUEL 7:12 - OTSAO BAIBEL (BSI)

¹² Chemtue nang zile paoüihex ilaxle hünpu hünpa hwom füi tomle akhünle changüihex, kue nang sasün hwomkha angkya tuita wanghom ang zingüi ilaxle chixe wangting tüle tsak-zongle thomüi.

2 SAMUEL 7:12 ပူးပေါင်းရင်းမြစ်များ

WANGSHEMBU MWOT 2:30

Chix a ajepa changkya, ilaxle Zange chix füi tsaosaxkya kax chixe awanle ngo: Dawid lailaile, Dawid sixli kha angkya wanghom ang mixhuak tuita zingle alai angkya Zange tsao.

1 WANGHOMBU 8:20

“Ilaxle athax Jowanpae chix kaxtsao thom. Kue Israel ma apa man ma wanghompa mantswon ang kop, ilaxle Jowanpa Israel nok Zang to shwom angkya hanpakma Zangshwom-Hom zaile alaidaoa.

1 WANGHOMBU 2:1

Dawid zitu nguile changpongma, chixe chix sasün Solomon se ilaxle chix ang oshuk-okia ang ibibi adangle fa:

WANGSHEMBU MWOT 13:36

Chemthüikoxle Dawid-e chix tsüntsün ma Jowanpa mongtex mwottho tha; ifüima chix zi, üntoxle chix hopu hwom zuima akhün, ilaxle chix tsangtsa a shanle pao.

1 PUKAX-PANGAO 17:11

Chemtue hünzom zilaxle hünzom pupa hwom füi tomle akhünle changüihex, kue hünzom sasün hwomkha angkya tuita wanghom ang zingüi, ilaxle chix wangting a huanuma tsak-zong füi ngo ang tomüi.

TSAITONG-KAXTONG 31:16

Jowanpae Mosa ang thüi: “Nang a chwonle wüi zi angkya changle ikoxle nang zi füima khünaknu ang mongong chitüile changüi ilaxle kue hwom füi tsaotsütle zingkya Tsaotsüt amaüi. Hwome kop angkya haxtok to ngui füima hwome songsari baozangbu to shwomüi ma ku hato tok ahoüi.

1 THESALONIKA 4:14

Jisu zidaokya ikoxlechu chatle azangle zopu le kwome ongpu, ikhoma opang chix to ongle zilaxpuix, Zange hwom Jisu füi tomle chatle laxüile kwome ongpu.

1 KORIN 15:51

Ija huxsa zangwün to otsing ma natha hüi: Kem pangnu wüi zi angkya le münchang, ikoxle oshuk nyazong mütkya zuma, mik ajepkya tukux momle,

ISAIA 11:10

Jat-libu hato mowan tuita ang Dawid sixli kha angkya wanghom hozün tuita ngai angkya hanpak hüile ngole. Chix chongwang tingnu ma hwom nguiüi ilaxle chix achuak-achenle changüi.

ISAIA 9:7

Chix chongwang janzüi a chong ang chong ang sütüi; chix wangting a jento tumüi-mongsom ma ngoüi. Chixe Wanghompa Dawid mantswon chongwang ningle apünüi, changkya hia sukya a chix tsak-zong chifün ang laxüi, athax makhange oshuk hanpak alople. Jowanpa Khüthak Zang-e ibu pangwüi mok angkya mongzang wündaoa.

1 WANGHOMBU 1:21

Ija zangwün nange tsuakle chitox thüiningle nang tokfüi ma hünsa Solomon kukhi a khualopmix ang achangdaoüi.”

DANEL 12:2

Opangsa ami wüi zile paodaopuix ibu chuwüi azangle ngoüi; züizüie oshuk chitüikya khüzün koplaxle mongmüi atungle ngoüi, ilaxle mamabu a oshuk chitüikya sikngün ma zolitle ngoüi.

MÜNCHUAK-TSAI 89:29

Zangding ningle chix wangting a othuithuima ngoüi; ilaxle chix su-sa hwom khakha angkya wüi wanghom ang ngoüi.

PONGWANG LAIPEX 15:4

Ifüima chixe Jowanpae chix füi tamchatle akaxkya atat: “Ija dapa Eliazar-e nang man müntswonüi; hünsa tomtatae tix nang mantswon angkya changpu.”

MATHI 1:1

Ija a Abraham sasün Dawid, Dawid sasün Jisu Khrista zu-jem pukax changpu.

KAXHO MÜIKYA LUK 1:32

Chix zaxzangüi üntoxle chix ang Taitax Zang Hosa le nyaküi. Opu Dawid ningle Jowan Zange chixchu wüi wanghom ang achangüi,

KAXHO MÜIKYA LUK 24:27

Mosa hia ajebu pangnu makhange owang wangle Otsao Lai pangnu khato wüi chix bama zale tüikya chixe hokhi hama akhixle apua.

1 WANGHOMBU 1:48

Chixe zangjop, ‘Keme Jowanpa Israel nok Zang achuak-achenle changhax. Anyix chixe ku sixli tuitae ku man ma wanghom ang achangdaoa ilaxle ija ngün ang ku ozün ma thomle changdaoa!’”

1 WANGHOMBU 2:4

Nange chix kax ma laxle jangtüi, hwome mong hia chasa makhange zongbakle ku kax ma laxle tüi angkya bama hwom khünkhikya füi tüile ngokya kople kusix-kuli Israel haxtok ma apün-awangle ngo angkya chixe tsaosaxkya chix tsaotsüt chixe thomüi.

1 WANGHOMBU 5:5

Jowanpae ku apa Dawid füi, ‘Nang sasün owa kue nang füima wanghom ang zingle changüihex, chixe tix ku ang Zangshwom-Hom zaile alaiüi’ le tsaosax. Ilaxle athax kue Jowanpa ku Zang to shwom angkya hanpakma ija Zangshwom-Hom zingüile kue mongzangwünle changdaoa.

1 WANGHOMBU 8:15

Chixe thüi: “Jowanpa, Israel nok Zang achuak kox! Chixe apa Dawid füi,

1 WANGHOMBU 8:19

Ikoxlechu tütue chu nange zaile münalaiüi. Ku Zangshwom-Hom zai angkya a hünsa tix changüi.’

1 WANGHOMBU 9:5

kue hünpa Dawid füi tsaosaxkya pangwüi otya ma thomüi ilaxle Israel haxtok a chix sixli hwome apünle ngo ang tomüi.

2 WANGHOMBU 8:19

ikoxlechu Jowanpae Judah a amüt-sele chitsu, chemthüikoxle chix dapa Dawid füi, chix sixli hwome chizakle apün-awangle ngo angkya hex-ole tsaosaxkya chix tsaotsüt tüikya khoma chixe ile pan-dan.

2 PUKAX-PANGAO 1:9

O Jowanpa, nange apa hama tsaosaxle changkya changle hüi ang tomhüi. Nange ku a, e ang chithole tüikya khünaknu thakma apün ang zünle koppu,

2 PUKAX-PANGAO 13:5

“Jowanpa, Israel nok Zang-e wanghompa Dawid füi, jento chixsu chixsa hwome Israel nok haxtok apünle ngo angkya changpule otuechu chiapaktsuak angkya kaxfün laxle changdaokya hünzome müntsing hexnyi?

2 PUKAX-PANGAO 21:7

ikoxlechu wanghompa Dawid füi tuita tsaosaxle, chix sixli hwome jento apün-awangle ngo angkya hex-ole akaxkya chix kax tüikya khoma Dawid wangting olithule amüt angkya Jowanpa mong chitsu.

2 PUKAX-PANGAO 23:3

Hwom pangwüi Zangshwom-Hom ma asox, ilaxle ikhama hwome wanghom sasün Joash füi tsaotsüt. Jehoiada-e hwom ang thüi: “Ija a ziünkya wanghompa sasün changle. Jowanpae wanghom Dawid sixli hwome wüi apünle ngo angkya hex-ole tsaodaokya tüikya ningle, ija naosün a wanghom ang achang angkya oli changpu.

2 SAMUEL 22:51

Zang-e chix wanghompa ang zan to lütkya chongkya kox; chixe zünle kopkya mix to chixe chizakkya mongkün aho, othuithuima Dawid hia chix sixli hwom to a.

1 WANGHOMBU 2:10

Dawid zi ilaxle chix a Dawid tingnu ma akhün.

2 PUKAX-PANGAO 6:9

ikoxlechu nang ija chemtuechu münzaiüi. Ija a nang sasün tomtatae tix zaile alai angkya changpu.’

2 PUKAX-PANGAO 6:15

Nange ku apa Dawid füi tsaosaxkya otya ma thom; anyix ibu zangwün komkaile changle ngaidaoa.

JEREMIA 33:17

Ku, Jowanpae tsaopu, Israel nok wanghom ang Dawid sixli jento tüile ngo angkya