2 SAMUEL 6:20 - OTSAO BAIBEL (BSI)

²⁰ Ifüima, chemtue Dawid chix homkha khünakbu hato mongmüi kaxho kox ang nguipuix, Mikal chix füi apong ang zikle lai. She-e thüi: “Anyix Israel nok wanghompa-e chix hanpakma chix mün huanuma achenle nwondaoa. Chixe chix nguakax-wangkhobu hia danuchabu hato tuita angapa ningle ahodaoa!”

2 SAMUEL 6:20 ပူးပေါင်းရင်းမြစ်များ

2 SAMUEL 6:16

Ija Suak tingnu to anople ngopongma, Sol sacha Mikal-e thangmik makhange hukoxle Dawid a azüizüithale füt-shwon ngokya ngünle lax, ilaxle she mongto chix thua anule chang.

2 SAMUEL 6:14

Dawid-e chix khyadax ma wokhit nyi füi ngui ilaxle chix zongzong ma Jowanpa achuak-achenle azüi.

KAXFÜNPA-HWOM 9:4

Hwome chix ang Bal füikya Tsaotsüt zangshwom-hom angkya khop-jan ngunkhix 70 kox, ilaxle ija füi chixe laxli chitüikya khünak müimabu shak ilaxle chix füito azüi ang tom.

MARK 3:21

Kakobue ija atatkya zuma, hwom chix to sa ang ngui; chemthüikoxle khünaknue chix ang “Chix pi ongat ang achangüna”, le akax.

MÜNCHUAK-TSAI 101:2

Ku zanglom-saikha a thaikya chitüile changüi. Nang ku hato chemtue nguiüi? Ku hom ma kua tsaothakya tsün ngoüi,

MÜNCHUAK-TSAI 30:1

Jowanpa, kue nang achuakpu, chemthüikoxle nange ku khosünpu, zanpabue ku wanjaile chang angkya chak tokya nange ku kople thompu.

JOB LAIPEX 30:8

Chem mwot ma chihüikya mün chitüikya othom! Hwom a chaxwantok angkya jwonle apaokya thom.

1 PUKAX-PANGAO 16:43

Ifüima pangnusa hom to pao, ilaxle Dawid chu hwom homkha füi hanpak hidaole nui ang hom to chat.

2 SAMUEL 6:18

Chixe tö koxkya zangshwom ashuk füima Jowanpa mün male Dawid-e khünaknu to mohiman,

JIHUSUA 24:15

Hünzome chix thothase le chitsu, hünzome opupu thothaüihex, ija anyix wüi wünle tsuaklax; hünzom pupa hwome Mesopotamia nok to shwomle hüikya baozangbu to shwomüi hia chichangba athax kem ngole tüikya Amor noke shwomkya baozangbu to shomüi. Kwom homkha tamchu ku, kwome a Jowanpa thotha lüwüi ngoüi.”

PONGWANG LAIPEX 18:19

Ku kax ma laxle tüi angkya tamchu changkya hia sukya mwot mok angkya bama su-sa hwom to zünsaile changtsuak angkya hanpakmale kue chix zünle koppu. Hwome ile jangmok thüiningle kue tsaosaxdaokya pangwüi chix ang mokle koxüi.”

JUHAN 13:6

Simon Pitar hato hüi, ikoxle chixe Jisu ang thüi: “Jowanpa, nange ku cha so ang hi?”

MARK 14:66

Pitar chukha to homtho nya-o to ngoponge, Nguakho dacha shekosa tuita hüi;

1 SAMUEL 14:49

Sol sasün hwom a, Jonathan, Ishwi hia Malkishua hwom bibi changkya. Chix sacha nüchongnu a Merab ilaxle naolinu a Mikal le changkya.

2 SAMUEL 6:19

ilaxle hwom pangwüi ang sütling ahanle kox. Chixe Israel khünak sheko-lüka pangwüi ang an tuipong kox, atsankya müi funpong kox, ilaxle khünaknu a mahom-hom to chat.

HWON-NWOT-JAONO 7:17

Ikoxle angangle chichangchizangle chichangba ongat machu taxtüi, chichangba—nang zitu manguiba büthüikoxle zi angkya?

1 SAMUEL 18:20

Ikoxlechu Sol sacha Mikal wüi Dawid füi mong akün. Sol-e ija atatlaxle chix ang mongmüi.