2 SAMUEL 6:12 - OTSAO BAIBEL (BSI)

¹² Ija Tsaotsüt Suak khoma Obed Edom homkha hia chix ma atüitüi pangnuli to Jowanpae mohimanle changkya Dawid na to wang. Ikhoma chixe ija Tsaotsüt Suak Obed Edom hom angkya alaile pao ilaxle chongle pu-chokya füi ija a Jerusalem to apüi.

2 SAMUEL 6:12 ပူးပေါင်းရင်းမြစ်များ

1 PUKAX-PANGAO 15:25

Ikhoma wanghompa Dawid, Israel khünaknu lompabu, ilaxle süpahi lompabu, ija Suak lax ang Obed Edom hom to pao, ilaxle ikhato hwome tüle chongkya pangpwon sax.

MATHI 10:42

Üntoxle owae ijabu hixkya khama tuita ang ngax thüichu wangshem mün ma tihing peta alingkya mix jangtüi, otsingtsing ma kue hünzom ang thüipu, chixe otuechu ma hingho münamütüi.”

1 WANGHOMBU 8:1

Ifüima Dawid Tingnu, Zaion angkya Tsaotsüt Suak Zangshwom-Hom to apüi angkya hanpakma Solomon-e Israel nok saxthom, homjen lompabu komle Jerusalem ma nyakle asox.

2 SAMUEL 5:7

Ikoxlechu Dawid-e Zaion angkya hwom zanhu nui kop ilaxle ija a “Dawid Tingnu”, le achangle pao.)

2 PUKAX-PANGAO 5:2

Ifüima wanghompa Solomon-e, Dawid tingnu,, Zaion angkya Jowanpa Tsaotsüt Suak, Zangshwom-Hom to apüile chang angkya hanpakma Israel nok saxthom hia homjen lompabu pangwüi Jerusalem ma asox angkya kaxkox.

1 WANGHOMBU 8:3

Chemtue khünaknu atomtile asoxpuix, ipongma zompu-zangpabue Tsaotsüt Suak nwon,

1 WANGHOMBU 8:4

ilaxle ija Zangshwom-Hom to paile apüi. Liwi hia zompu-zangpabu chu Jowanpa Ngwotnui Nyihom hia mama tuinabu komle Zangshwom-Hom to apüi.

1 PUKAX-PANGAO 15:15

Mosa makhange Jowanpae kaxtom fale tüikya ningle Liwi hwome ija Suak suakkang ma danle dang ma azya.

1 PUKAX-PANGAO 16:16

Abraham füi atsaokya chix kaxtsao, Isak füi chixe saxkya tsaosüt.

1 PUKAX-PANGAO 26:4

Obed Edom le amünkya, Zang-e sasün hwom 8, tüichong naoli achwotle zale: Shemaiah, Jehozabad, Joah, Sakar, Nathanel,

1 PUKAX-PANGAO 26:5

Amiel, Isakar, hia Peullethai hwom bibi mohimanle tüikya mixsün tuita tüikya.