2 SAMUEL 5:3 - OTSAO BAIBEL (BSI)

³ Ikhoma Israel nok lompabu pangwüi Hebron to Dawid hato ngui. Chix huxsa ma hwom füi nokmüi ang chang. Hwome chix to münga füi pa ilaxle chix a Israel nok wanghompa ang achang.

2 SAMUEL 5:3 ပူးပေါင်းရင်းမြစ်များ

2 SAMUEL 2:4

Ifüima Judah angkya khünaknu Hebron to nguilaxle Dawid a Judah nok wanghompa ang kamle münga füi pa. Gilid angkya Jabesh noke Sol mang akhünkya bama chemtue Dawid-e atatle laxpuix,

1 SAMUEL 23:18

Okhie tata füi tata chialekya zuikhui changpox-ole tsaosax. Dawid a Horesh ma ngo ikoxle Jonathan a hwom hom to chat.

1 SAMUEL 16:13

Samuel-e olip münga thua lax ilaxle hotüi hwom pangwüi pomtho ma Dawid to müngae li. Allele Jowanpa Chasae Dawid to kop. Ilaxle ija nyix makhange Dawid füi chix ngo. Ibibi mwot tsuakle chang laxle Samuel a Ramah to chat.

2 WANGHOMBU 11:17

Zompu-zangpa Jehoiada-e wanghompa Joash hia khünaknu, Jowanpa füi Tsaotsüt hato apüile, hwom a Jowanpa khünaknu ang ngoüihex-ole tsaosax ang tom. Chixe wanghompa hia wangpünnu bama chuwüi Longzale tsaosax ang tom.

2 SAMUEL 3:21

Abnar-e Dawid ang thüi: “Ku paoüi ilaxle athax Israel khünak pangwüi nang wangpün ang achangle ahüiüi. Hwome nang hwom wanghompa ang pongle kopüi ilaxle nange chem lompuix ija nange ataküi ilaxle nange haxtok pangwüi to o-le apünüi.” Dawid-e Abnar ang chix ozik-omüt chemchu müntüipox-ole tsaitsuak kaxtsuak laxle chat ang tom.

KAXFÜNPA-HWOM 11:11

Ikhoma Jefthah a Gilid nok lompabu füi tomle chat, ilaxle khünaknue chix a hwom apün ang tamchu lompa ang kam. Jefthah ija chix mwot Mizpah ma Jowanpa thüntho ma ngaile pongle kop.

NEHEMIA 9:38

Chempangle changle hüipuix, ibu pangnu khoma kwom, Israel khünakbue, chakza makhange jaojao kaxfün zang tuita wün, ilaxle kwom lompabu, kwom Liwi hwom, ilaxle kwom nguapabue ija to hwom sohi shing.

2 PUKAX-PANGAO 23:16

Wanghompa Joash hia khünaknu pangwüi notomle, hwom a Jowanpa khünaknu lüwüi ngo angkya tsaotsüt, nguapa Jehoiada-e azünle zing ang tom.

1 PUKAX-PANGAO 11:3

Ikhoma Israel nok lompabu pangwüi Hebron to wanghompa Dawid hato ngui. Chixe hwom füi huxsa ma nokmüi zing, hwome chix to müngae pa, ilaxle chix a Israel nok wanghompa ang achang, ija a ajepa Samuel makhange Jowanpae tsaosaxle thomdaokya ningle chang.

1 SAMUEL 11:15

Ikhoma hwom pangwüi Gilgal to pao, ilaxle ikhato otsao nui ma hwome Sol a wanghom changpule apuk. Hwome notom-tusüi tö kox, ilaxle Sol hia Israel khünakbue ija chialak angkya bama pongwünle pangpwon sax.

LAIPAO 3:16

Paokox ilaxle Israel nok lompabu sele asox kox, ilaxle hwom hama thüikox, ‘Jowanpa hünpu-hünpa Abraham, Isak hia Jakop hwom Zang ku hato ngaile ilaxle thüile: Ijip nok ma kue hünzom to hudaoa ilaxle hünzom to chemle changpuix pangwüi ngünle laxdaoa.

JIHUSUA 10:36

Ifüima Jihusua hia chix süpahibu Eglon angkya Hebron haxsha to ngui ilaxle ija tingtak.

1 WANGHOMBU 1:34

ikhato Zadok hia Nathan nyie chix to müngae lile Israel nok wanghom ang kamle changüi. Ipongma nyazong mütle akhong kox, ‘Wanghompa Solomon tsünlo-khothole ngokox!’

1 PUKAX-PANGAO 11:1

Israel khünaknu pangwüi Hebron to Dawid hato ngui ilaxle chix ang thüi: “Kwom a nang hak tamchu nang aji changpu.

2 SAMUEL 2:7

Tsak-hi-zong hüi tamchu mongchongle tüihüi! Hünzom wanghompa Sol zidaoa, ilaxle Judah angkya khünakbue ku a hwom wanghompa ang münga füi pale kamdaoa.”

1 PUKAX-PANGAO 28:4

Jowanpa, Israel nok Zang-e, Israel nok thakma jento apün-awangle ngo angkya ku tamchu ku sixli hwom zünle kopdaoa. Chixe Judah homjen a lompabu alai angkya hanpakma zünle kopdaoa, ikoxle Judah homkha angkya chixe kwom apa homkha zünle kople. Ija kwom homkha angkya, Israel nok pangnu thakma apün-awangle chang angkya mix ang ku zünle kopkya a chix mongtex changle.