2 SAMUEL 5:13 - OTSAO BAIBEL (BSI)

¹³ Hebron angkya Jerusalem to achexle changkya füima Dawid-e danucha hwom hia kako mamabu chuwüi lax, ilaxle chix sasün hwom sheko hia lükabu chatle chuwüi pux-paile chang.

2 SAMUEL 5:13 ပူးပေါင်းရင်းမြစ်များ

1 PUKAX-PANGAO 3:9

Sasün hwom ibu to bole, Dawid ang chix danucha hwom makhange sasün hwom puxpaile tüikya. Chix ang sacha tuita, Tamar tüikya.

TSAITONG-KAXTONG 17:17

Wanghompa ang kakonu obiobi tüi angkya oli le münchangüi, chemthüikoxle ile tüikyae chix Jowanpa hato tok ahole atsaile pao ang tsuaküi; ilaxle ma alüile hun hia khop füi alua-awangkya mix ang chizingüi.

2 PUKAX-PANGAO 13:21

Ikoxlechu Abijah a sisile zaxzangle chang. Chix ang kakonu hwom 14 tüikya ilaxle sasün hwom 22 ilaxle sacha hwom 16 le tüikya.

2 SAMUEL 5:12

Jowanpae chix Israel nok wanghompa ang achangkya ilaxle chix wangting tüle ahak-aluale chang ang tomkya a tuita chix khünaknu hanpak changpule Dawid-e awanle lax ang kop.

1 WANGHOMBU 11:3

700 wangchabu bomachu Solomon-e 300 wangnuchabu lax. Ibue chix ang Zang chito tok aho ang tom,

1 SAMUEL 25:43

Dawid-e Jezril tokya Ahinoam apüilaxle tüikya ilaxle Abigail chuwüi chix kakonu ang achang.

2 SAMUEL 12:2

Saxpu-luawang homkha ma maihu hia chunbu tüle tüikya,

1 PUKAX-PANGAO 3:1

Ibibi a, tüichong naoli achwotle, chix Hebron ma tüipongma puxpaikya Dawid sasün hwom changpu: Amnon, owa honu Jezril angkya Ahinoam changkya hex Danel, owa honu a Karmel angkya Abigail changkya hex Absalom, owa honu a Makah, Geshur nok wanghompa Talmai sacha changkya hex Adonijah, owa honu a Haggith changkya hex Shefatiah, owa honu a Abital changkya hex Ithream, owa honu a Eglah changkya hex, hwombibi.