2 SAMUEL 3:39 - OTSAO BAIBEL (BSI)

³⁹ Ku a tuita Jowanpae zünle kopkya wanghompa changle, ikoxngaxchu anyix ku ang zong chitüile changkya kue tikle laxle. Zarüiah sasün hwom a ku zongto huanuma wüi changnong pünthomle tüile. Hwome lomkya ningle Jowanpae ija mütkop bama hwom to sikangünle naxchang kox!”

2 SAMUEL 3:39 ပူးပေါင်းရင်းမြစ်များ

MÜNCHUAK-TSAI 101:8

Nyixfokya to kue haxtok angkya chichang-chizangkyabu kue amütüi; Jowanpa tingnu angkya ochax khünakbu kue jwonle apaoüi.

MÜNCHUAK-TSAI 28:4

Hwome chem mokdaolaxpuix ija khoma hwom ang sikngün laxkox, hwome mokdaokya ochax khoma-a. Hwome mokdaokya mwot pangnu bama hwom sikngün ang tomkox; hwome kopkoxle asule tüikya sikngün hwom ang laxkox.

2 TIMOTHI 4:14

Janthup mix Alekjendar-e ku to chisumüile hwonle; chixe mokdaokya lailaile chix ang Zange hingho fa angkya changle.

ROM NOK HATO ZAKYA POL LAIZA 13:4

Chemthüikoxle nang füi naxmüi le mok angkya hanpakma chix Zang thothapa changle. Ikoxle nange chichang-chizangle jangmok, chix thua zalax, chemthüikoxle sikngün fa angkya zong chix ma tüikya otsing changle. Chix a Zang da ilaxle chichang-chizangle saxmokkyabu to Zang mongtsik kaxtom moküi.

WANWÜNKAX 25:5

Chichangchizangkya lom to zünsaile changkya kax wanghompa füi atsaile thomkox jangchangba chix wangting a sukya olom ma mokkya mwot khoma zangle wünüi.

MÜNCHUAK-TSAI 62:12

üntoxle chix mongkün a ojem chifünkya mongkün changle. Jowanpa, nange nang lualuale, pangnusa angwüi ma mwot ma thütle hingho fale.

ISAIA 7:4

Chix ang mik-hingle tamchu somdangle ngo angkya ilaxle zakyae poxle chingo angkya akaxkox. Wanghom Rezin hia Siria nokbu tamchu wanghompa Pekah hwom mongtsik a hatua anyi ma azwonle laikya wünkhut thangaxchu münchang.

WANWÜNKAX 20:8

Wanghompa kaxfün nui ma thungle ilaxle hukya füi tomle chixe chichang-chizangkya awanle laxle.

MÜNCHUAK-TSAI 75:10

Chixe chichang-chizangkya khünakbu tsak-zong akhixle awütüi, ikoxlechu otsao khünakbu tsak-zong a sisile zax-zangüi.

MÜNCHUAK-TSAI 7:16

Ikhoma chichang-chizangkya ma mwote hwom to alüile sikngün fale ilaxle changnong-pünthomle tüikya hwom mwote hwom to mak-khale.

1 PUKAX-PANGAO 22:5

Dawid-e ajang: “Zangshwom-Hom oja kusae zai angkya hex, ija a tüle müile tamchu zangfang ma zangle wünkya chang angkya oli. Ikoxle chix a chemlüichu matikkya naosün tuita changle, idaile kue wüi ibu pangwüi atha-anyemle tox angkya oli changle!” Ile Dawid-e chix ozün ma tüipongma wüi homzai mwot-kat okhonguile achwon.

2 SAMUEL 19:13

Dawid-e hwom füi Amasa hama chuwüi: “Nang a kuma-kumix changpu. Athax makhange kue Joap lüi ma ku süpahi khama akhokya ang nang achangpu. Kue ile chichang thüiningle Zang-e ku to chakmokle naxchang kox, le akaxpu!”

LAIPAO 21:12

“Owawae khünak tuita to fitle janglang, chix a mik max ang tomüi.

2 SAMUEL 3:38

Wanghompa-e chix nguakax wangkhobu ang thüi: “Anyix Israel nok lompa akhokya tuita zile paole le hünzome münawan hia?

2 SAMUEL 16:10

Wanghompa-e Abishai hia hotüi Joap hokhi ang thüi: “Ija a hünkhi mwot münchang. Jowanpa kax khoma chixe ku to thuakzomle changkya jangchang, ile büthüikoxle thuakzompule owae satsuak angkya?”

2 SAMUEL 19:22

Ikoxlechu Dawid-e Abishai hia hotüi Joap hokhi ang thüi: “Nang mongtex owae lomkya? Nange ku mongthang ang tom ang hi? Athax Israel nok wanghompa a ku changpu, ilaxle anyix Israel khünak owachu mik-amüt angkya oli münchang.”

1 WANGHOMBU 2:32

Apa Dawid-e chiawan homtoxle chixe ibu mik amütkya khoma Jowanpae Joap to sikangün angkya changle. Joap-e chix füi ngaxchu sümüikya chem chitsingkya mixsün anyi langle awütpu; hokhi a Israel nok süpahi lompa Abnar ilaxle Judah nok süpahi lompa Amasa le changkya.

1 PUKAX-PANGAO 29:1

Wanghompa Dawid-e noknu tu asoxkya khama ngai: “Ku sasün Solomon ang Zang-e zünle kopkya khünak changle, ikoxlechu athax chix a naosa tamchu tüta lüi matsing. Mokle alai angkya mwot a huanu, chemthüikoxle ija a khünak chongwang hwom ngwotnui münchang ikoxle Jowanpa to shwom angkya Zangshwom-Homnu changle.

2 PUKAX-PANGAO 13:7

Ofüima chixe laxli chitüikya khünakbu asüi ilaxle ibue hwome thütkya mokle tsuak angkya, Solomon sasün Rehoboam atsangpu. Ipongma Rehoboam a naosa ma chem lüichu matsingle changkya khoma hwome atsangkya mwot chimokle aba ang chitho.

JEREMIA 38:5

Wanghompa Zedekiah-e lan: “Jangchangba müihudaoa, chix füi nange chemle mokse tsupuix ile mokkox; kue nang to abax ang münmüi.”

DANEL 6:16

Ikhoma wanghompa-e Danel a mailange awangle tüikya tswon khato tswonle awüt angkya kax kox. Chixe Danel ang thüi: “Nange owa to mongpak fünthole koxle shwomle ngopuix, ija nang Zang-e nang khosünle naxchangfa.”

HUAKE LAIPEX 32:23

Ikoxle hünzome ija hünzom kaxtsao chithom thüiningle, kue hünzom ang kaxkhün fapu, hünzome Jowanpa zongto ochax lyenle changüi, hulax. Ija bama hünzom thaile taxkopünlax; hünzom ochax khoma hünzome sikngün apong angkya laiüia.

KAXFÜNPA-HWOM 9:57

Hwom chichang-chizangle tüikya khoma Zang-e Shekem angkya khünakbu ang chuwüi, Gideon sasün Jotham-e apongkya ningle chixe hwom to thuakzomle changkya zuma hwome sikngün apong ang tom.

1 WANGHOMBU 2:9

Ikoxlechu nange chix to sik-chiangün homle chialyet angkya changle. Chemle mok angkya hex nange tikle ngopu, ilaxle tütakoxlechu nange chix lang angkya wüi changpu.”

ISAIA 3:11

Ikoxlechu ochax khünakbu a maxdaoa; hwome mix to chemle hwondaopuix ija athax hwom to hwonüi.