2 SAMUEL 3:12 - OTSAO BAIBEL (BSI)

¹² Abnar-e Hebron to ngokya Dawid hato ija zangwün füi kaxhomix akat: “Ija haxtok owae apünüi? Ku füi kaxfün tsuak hüi ilaxle Israel nok pangwüi nangchi to ahüi angkya bama kue nang to asun fang.”

2 SAMUEL 3:12 ပူးပေါင်းရင်းမြစ်များ

MÜNCHUAK-TSAI 62:9

Khünak mixsa a tuita zakfaox wünkhut ningle; chongpuix hipuix pangwüi muakya changle. Chem thakhochu chingui ibu tuak ma thütle ano koxle; ibu a mütle alaikya zak füingaxchu chale.

2 SAMUEL 19:41

Ifüima Israel khünaknu pangwüi wanghompa hato ngui ilaxle thüi: “Wanghompa, kwom tüinao Judah khünakbue, nang, nang homkha ilaxle nang khünakbu pangwüi Jordan shuanu atale zunle tox angkya hwom ma asupule büthüikoxle thütpuix?”

2 SAMUEL 19:14

Dawid zangwün tokhange chix tokya Judah khünakbu künkak-mongkün bakle kop, ilaxle chix a ma nguakax-wangkhobu koplaxle chatle chat angkya kaxho akat.

2 SAMUEL 19:6

Nang to mongkünkyabu thua nang anu ikoxle thua anule changkya mix to nang mongkün ahole changdaoa. Nang zongto nang nguakax-wangkhobu hia khünaknu chemchu münchangle nange ahaikya ahodao. Anyix Absalom a ozün ma tüi ikoxle kwom pangwüi zipuix thüikoxle, nang ang mong huanuma müise changdaongünale kue ngün ang kople.

2 SAMUEL 3:27

Chemtue Abnar Hebron to nguipuix, Joap-e pan nuakfüi to paolaxle chixe chongkya huxsa zangwün ang thüikya ningle aho, ilaxle ikhato chixe wok ma tople lang. Ile chixe Joap honao Asahel langkya khoma chix chuwüi lang.

2 SAMUEL 3:21

Abnar-e Dawid ang thüi: “Ku paoüi ilaxle athax Israel khünak pangwüi nang wangpün ang achangle ahüiüi. Hwome nang hwom wanghompa ang pongle kopüi ilaxle nange chem lompuix ija nange ataküi ilaxle nange haxtok pangwüi to o-le apünüi.” Dawid-e Abnar ang chix ozik-omüt chemchu müntüipox-ole tsaitsuak kaxtsuak laxle chat ang tom.

2 SAMUEL 3:11

Ishbosheth a Abnar thua huanuma za ilaxle anaole kaxfa tuita akax ang chitho.

2 SAMUEL 3:13

Dawid-e lan: “Müihule! Kue nang füi tsaithop-kaxthop tuita tüi angkya bama kaxfün laxüi; nange ku füi apong ang nguikya zuma Sol sasün Mikal ku hato laxlaxle nguihüi.”

2 SAMUEL 3:38

Wanghompa-e chix nguakax wangkhobu ang thüi: “Anyix Israel nok lompa akhokya tuita zile paole le hünzome münawan hia?