2 SAMUEL 3:1 - OTSAO BAIBEL (BSI)

¹ Sol to fongle hüikya hia Dawid to fongle hüikya khünakbu bama achax-azankya okuilole ngo. Dawid a sütsaktsak süzongzongle hüi ikoxle chix tsempabu a sünainai süshoshole hüi.

2 SAMUEL 3:1 ပူးပေါင်းရင်းမြစ်များ

1 WANGHOMBU 14:30

Ibu din ma Rehoboam hia Jeroboam nyi jento tata füi azanlanle ngo.

JOB LAIPEX 8:7

Zang-e nang ang kox angkya tuto, Nange amütdaokya tuina a chem thakhochu münngui.

2 SAMUEL 2:17

Ifüima hwom a zanma zanmale azan, ilaxle Abnar hia Israel nok a Dawid khünakbue lüt.

EFISIA 6:12

Chemthüikoxle kem a khünak füi chichangle ding hia hax nyi ba angkya chasa zong, apün-awangkyabu, chapu-lwompabu, ilaxle chaxwan angkya zangnak zong füi azan ngopu.

MÜNCHUAK-TSAI 84:7

Hwom paole ngopongma sisile tsak-zong tüile chang; hwome Zaion ma baozangbu thak angkya Zang ngün ang kopüi.

JOB LAIPEX 17:9

Hwom achuak-achen koxle asule tüile le wünkya khünakbu, hwom wüi sukyabu changpule taile jikle laxpu.

GALATIA 5:17

Chemthüikoxle oja kem khünak jaopoe lompuix ija a Chasae lomkya füi opüi changle. Ija nyi a tata füi zan changle, chemthüikoxle nange ma mongtsukya chemchu mok ang müntho.

ESTAR 6:13

Chix to chemle changpuix ibu pangwüi chixe ma kakonu hia hozui hwom pangwüi hama wünle kox. Chix kakonu hia ibu je füikya chix zuikhuibue thüi: “Nange nang tsak-zong Mordekai chak to adün angkya owang wangpu. Chix a Judah khünak changle. Nange chix to lüt ang münthoüi. Tütale wüi changkoxchu chixe nang to lüt angkya changle.”

1 WANGHOMBU 15:32

Judah wanghompa Asa hia Israel nok wanghompa Basha nyie apün-awangle ngokya kople hokhi a tata zongto zan ang ngole hüi.

1 WANGHOMBU 15:16

Hwome apün-awangle ngokya tuktuk ma Judah wanghom Asa hia Israel wanghompa Basha nyi tata füi jento azanle ngo.

PONGWANG LAIPEX 3:15

Kue nang hia shekocha hünkhi bama tamchu nangsix-nangli hia she sixli hwom bama zan zingpu. She susa hwome nang khang thuple akhixüi ilaxle nange she susa hwom chidua ma tuüi.” Hwom chidua ma tuüi.

MIKNGÜN-OHÜN 6:2

Kue hukoxle man-tho tuita ngün. Ija man khoma ngale tüikya mixsün chak ma hapnu tuita tüikya, ilaxle chix ang khohom asünle kox. Chix zankat naomüi ningle zan to ka ang lai.

2 SAMUEL 2:28

Ifüima Joap-e, Israel khünakbue achuale ngokya zak angkya hanpakma khünaknu hato mowan ahole kaxkox ang nyazong müt, ikhoma ija zan zak.

2 SAMUEL 5:10

Othuithuima chix a sisile tsak-zongle chang, chemthüikoxle Khüthak Jowanpa chix füi tomle womle tüikoxle.

2 SAMUEL 22:44

Ku zongto tüile ngokya khünaknu chak tokya nange ku sün ilaxle kue jat-libu thakma apün-awangle chang ang tom; kue chitikkya khünakbu athax ku pünnusa ang achang.

1 PUKAX-PANGAO 11:9

Dawid a sisile tsak-zongle chang, chemthüikoxle Jowanpa Khüthak Zang chix füi womle tüikoxle.

ESTAR 9:4

Wanghompa khwa ma Mordekai a alixachong khünak tuita üntoxle chix tsak-zong ma janzüi süchongchongle tüi.

MÜNCHUAK-TSAI 18:43

Nange ku olün-olox khünakbu chak tokya khosünle koppu, ilaxle ku chaxwanbu thakma apünkya mix ang achangpu; kue chitikkya khünakbu athax a ku wangpün ang achangpu.

MÜNCHUAK-TSAI 46:9

Chaxwannu tok angkya achax-azan ngokya chixe azak; hapnubu chixe apak awüt, paxbu amale awüt, üntoxle dibu wün khato tak.

2 SAMUEL 3:6

Dawid süpahibu hia Sol to e-sele tüikya süpahibu bama chizakle zan laile ngopongma, Sol füito azüikyabu khama Abnar a süchongchongle janzüi tüikya mix tuita ang changle hüi.

1 PUKAX-PANGAO 3:1

Ibibi a, tüichong naoli achwotle, chix Hebron ma tüipongma puxpaikya Dawid sasün hwom changpu: Amnon, owa honu Jezril angkya Ahinoam changkya hex Danel, owa honu a Karmel angkya Abigail changkya hex Absalom, owa honu a Makah, Geshur nok wanghompa Talmai sacha changkya hex Adonijah, owa honu a Haggith changkya hex Shefatiah, owa honu a Abital changkya hex Ithream, owa honu a Eglah changkya hex, hwombibi.