2 SAMUEL 23:5 - OTSAO BAIBEL (BSI)

⁵ Ilaxle ija ningle Zang-e ku sixlibu to mohiman angkya changle, chemthüikoxle chixe ku füi othuithui hanpak ang tsaotsütle changdaoa, tamchu chiama angkya tsaifün-kaxwün tuita, otuechu chialex angkya kaxtsao tuita a. Ibibi a ku mong ma tsukya changle; ija a kue tholünkya ang changüi, ilaxle Zang-e chithaile ija ile chang ang tomüi.

2 SAMUEL 23:5 ပူးပေါင်းရင်းမြစ်များ

ISAIA 55:3

“Athax apalax, ku khünaknu, ilaxle ku hato nguilax; ku hato nguilax, jangchangba nang ang khüzün tüiüi! Kue nang füi otsün lo angkya tsaotsütle changüi ilaxle kue Dawid ang koxüile tsaokya mohiman nang ang koxüi.

JEREMIA 32:40

Kue hwom füi oshuk-chitüikya tsaotsüt tuita zingüi. Kue hwom hanpakma müikya mwot mokkya tam-münzak, ilaxle hwom mong makhange abakle ku chathua zale ngo ang tomüi, ikoxle tix hwome ku hato tok chiahoüi.

IBRI 13:20

Oshuk chitüikya Tsaotsüt shintopkya chix aji khoma owa Akhokya chun-nyetmix ang changpuix, ija kem Jowanpa Jisu, zidaokya Zange chatle azang ang tom.

IBRI 6:19

Khosün tüile le ongkya ija monghom a kwom chasa hanpakma fakbüi tuita ningle otsak ozong hia mongong chongkya changle.

WANGSHEMBU MWOT 13:34

Ija a chatle shan angkya hato chatle tamchichat le chix chatle azangle zo angkya bama Zange akaxkya kax: ‘Dawid füikya chithaikya kaxtsao, mohiman kue hünzom ang koxüi.’

AMOS 9:11

Jowanpae thüi: “Kue Dawid wangting oja hom tuita pünle ama thomdaokya ningle tüipuix, ija tamchatle amüi angkya hanpak nguile ngole. Kue ija katukbu tamchatle zaile ajong laxle ija zingle amüiüi. Kue ija chatle zingüi ilaxle amipongma tüikya lailaile zingle achatüi.

EZEKEL 37:26

Jento hwom tumüi lomkhaole ngo angkya bama kue hwom füi tsaotsütle changüi. Kue hwom ajing-ating le chang ang tomüi ilaxle khünak huak pu-tsale chang ang tomüi. Ku Zangshwom-Hom ija haxtok ma hwom tu ma jento ajongle ngokya kue ngün ang kopüi.

ISAIA 61:8

Jowanpae thüi: “Kue sukya kaxfün to mongkünle ilaxle mix to afang thomkya hia mütkopkya thua anule. Kue ku khünaknu to mong athokya chitüile hingho koxüi Ilaxle oshuk chitüikya Tsaotsüt hwom füi thomüi.

ISAIA 27:6

Hüi angkya hanpak ma Israel khünakbu, opang Jakop sixlibu changpuix, hwome pün tuita ningle tsingjule naxchang, ilaxle ibu asok laxle puale naxchang. Chaxwan tok a ibu pünziak füi ule naxchang.

ISAIA 11:1

Dawid füikya wangli a dakle anguak daokya pün tuita ningle; ikoxlechu pün otongtho tuita makhange tamchatle pünsong chuile laikya ningle, Dawid su-sa hwom makhange wanghom hozün tuita laiüi.

ISAIA 7:14

Jangchangba müihudaoa, Jowanpa chix jaoe hünzom ang mowan naxfafa: naocha tuita owa ma nao nguidongle chang üntoxle lüka naosa tuita puxlaxle ‘Immanuel’ le amünüi.

ISAIA 4:2

Jowanpae ija haxtok angkya pünzuabu tüle chongle tamchu osün müile tsong ang tom angkya hanpak hüile ngole. Chimaxle azangkya Israel nok pangwüi mongmüiüi ilaxle hwom haxtok ma saxkop-linglole changkya to hwom ang mong ngamüi.

MÜNCHUAK-TSAI 119:81

Nang khosün tanle ngokya obaba ma ku ashole maxüna, Jowanpa; kue ku mongong nang kax ma dan thompu.

MÜNCHUAK-TSAI 89:3

Nange thüipu: “Kue kamle kopkya khünak füi kue longzütle kaxfünpu; Kue ku dapa Dawid füi tsaosaxpu,

MÜNCHUAK-TSAI 62:2

Chix tatae tix ku kho awale koppu; ku ziakople thom angkya chix tata wüi, ilaxle ku to otuechu münlütüi.

MÜNCHUAK-TSAI 27:4

Kue oli tuita Jowanpa ma juüi; kue laxse texkya oli tuita a: Jowanpa hom ma tsünjangmasule ngo angkya, ikhato chix müikya bama abüt angkya, ilaxle chix ang lomzunhüile thüi angkya.

1 WANGHOMBU 12:14

naosünbue anwot-anole fakya ningle sa-male zangwün. Chixe thüi: “Apa-e hünzom ang hünlit chongle ahünpu, kue ifüi sütsexle ahünüi. Chixe hünzom to sansüi füi fitpu; kue hünzom to man to fitkya müikhwon-zu füi fitle changüi!”

1 WANGHOMBU 11:38

Nange ku kax ma komkaile laxle, ku dapa Dawid lailaile, ku wanlom ma ngolaxle ku kaxtombu kax ma laxle jangtüi thüiningle, ku a nang füi othuithuima ngoüi. Kue nang Israel nok wanghom ang achangüi ilaxle kue Dawid ang koxkya ningle, nang füima chuwüi nangsix-nanglie apünle ngo ang tomüi.

1 WANGHOMBU 1:5

Athax Absalom nang zidao, ikoxle Dawid hia Haggith nyi sasün Adonijah a Dawid sasün hwom ozün ma tüikya khama tüichongpa. Chix a tüle osün müikya naosün tuita. Tütali bamachu Dawid-e chix to samale changkya nox chitüi, ilaxle wanghom ang achang ang chix tüle mongtsu. Chixe chix kux ang man-kanlinbu, manbu ilaxle azüi angkya hanpakma khünak 50 achwon.

2 SAMUEL 18:14

Joap-e thüi: “Kue nang füi tu alyetle münchangüi.” Chixe pax azom laxlaxle ibu Absalom pünkang ma shale ozün ma tüipongma wüi chix tso ma tsunle anop.

2 SAMUEL 13:28

ilaxle chix dabu ang adangle fa: “Amnon-e ju okhonguile lingkya to hule ngohüi, ilaxle chemtue kue kaxkoxle changpuix, chix lang kox. Ojao taxza. Ija bama hünlit kue laxlax angpu. Mongchong kox ilaxle cha-ao-mongsao taxtüi!”

2 SAMUEL 13:14

Ikoxlechu chixe she zangwün to ojao chiapa, ilaxle she füi chix wüi tsak-zongle tüikoxle, chixe she towüi lüt ilaxle atsangle shing.

2 SAMUEL 12:10

Athax, nangsu-nangsa hwom tsünthom to, tata zan to kale alang-ahuakle changüi, chemthüikoxle nang ku kaxtom kax ma chilax homtoxle Uriah kakonu a nang kako ang laxdaoa.

2 SAMUEL 7:18

Ifüima Dawid a Jowanpa ngwotnui Nyihom to pao, ikhato thung ilaxle zangjop: “Nange ku to chemle humele hüidaopuix, ibu atak-apong koxle ku ma ojao münasu.

1 SAMUEL 25:28

Alixachong. Chingchalaxle ku thaikya alak-hüi, kue tütali ma thaile jangmok dao thüininglea. Jowanpae nang a wanghom ang achangüi, ilaxle nangsix-nanglibu chuwüi achangüi, chemthüikoxle nange chix hanpakma azanle hüipu, ilaxle nang ma ochax chemchu chimoküi, nang tsüntsün ma nang a tsaothale ngoüi.

1 SAMUEL 2:35

Kue ku nguapa ang ku to mongong thomkya khünak zünle laxüi ilaxle ija khünak ang ku mongtex mwot mok ang tomüi. Kue chix ang osix-oli faüi; ibue kue zünle kopkya chongwangpa chitong ma jento chix thothale changüi.

PONGWANG LAIPEX 9:16

Chemtue zangfwom ma nomlong laiüihex, kue ija ngünüi ilaxle chaxwannu angkya zünmok füikya oshuk chitüikya Tsaotsüt texle ataküi.

2 SAMUEL 7:12

Chemtue nang zile paoüihex ilaxle hünpu hünpa hwom füi tomle akhünle changüihex, kue nang sasün hwomkha angkya tuita wanghom ang zingüi ilaxle chixe wangting tüle tsak-zongle thomüi.

ISAIA 54:10

Haxhua hia haxnubu akhixle pao angchu tsuak, ikoxlechu nang mongkün ma oshuk müntüi; Kue mongsom bama tsaosaxkya kue jento thomüi.” Idaile nang to mongkünkya Jowanpae akaxle.

JEREMIA 33:21

Ija lailaile kue ku dapa Dawid füi chix sixli makhange jento Israel nok ma wanghom tüile ngo angkya tsaopu, ilaxle hwome jento ku thothale chang angkya hanpakma Liwi homjen zompu-zangpa hwom füi tsaosaxpu; ilaxle ija tsaosüt a otuechu ama ang münthoüi.

MÜNCHUAK-TSAI 111:9

Chixe chix khünaknu khangkho angaile dan ilaxle hwom füi oshuk chitüikya longzüt-kax füi zing. Chix a otsao tamchu taitax changle!