2 SAMUEL 23:3 - OTSAO BAIBEL (BSI)

³ Israel nok Zang-e akaxdaoa; Israel nok khowapae ku ang thüi: “Wanghompa owae chix sukya füi apünpuix, owae Zang kax ma laxle apünpuix,

2 SAMUEL 23:3 ပူးပေါင်းရင်းမြစ်များ

2 SAMUEL 22:32

Jowanpa chix tata wüi Zang a; Kem ziakop pan long katuk a chix tata wüi.

TSAITONG-KAXTONG 32:4

“Jowanpa a pangnu tsuakkya hünzom khowapa changpu, chix lom ma nguiwangkya hia sukyakya wüi; hünzom Zang a mongong tüikya tamchu otsingtsing changpu; chixe chem supuix ilaxle oja otyatya hex ija mokle.

LAIPAO 18:21

Ikoxlechu ito bole, mokle tho-angkya khünakbu zünlaxle nange hwom a khünaknu lompabu ang zinglax; züizüi a ojat thakma azüi ang, züizüi a oho thakma azüi ang, iningle punyi-bün hia bün thakma azüi ang tomkox. Hwom a Zang thua zakyabu, owa to mongong ang tsuakle tüipuix, tamchu huxkün-lopmong chitüikya mix chang koxle müiüi.

IBRI 1:8

Ikoxle Hosa bama Zange thüi: “O Zang, nang wangting ashukle chitoxüi! Nange, nang khünaknu thakma sule apünüi.

ZEKARIA 9:9

Mongmüikox, mongmüikox, Zaion angkya khünaknu! Mongmüi to akhong kox, hünzom Jerusalem angkya khünakbu! Hulax, hünzom wanghompa hünzom hato nguile ngole! Chix a zanbu to lütlaxle chuak-chongle nguingole, ikoxlechu mantsak kun kha angkya mantsaksa kho ma ngalaxle somdangle.

MÜNCHUAK-TSAI 72:2

ikoxle tix chixe nang khünaknu thakma sukya kaxfün fakya füi apün-ada angkya hanpakma üntoxle mixfang to thomkyabu to otsao ma apün-ada angkya hanpakma.

MÜNCHUAK-TSAI 42:9

Zang, ku khosepa ang kue thüipu, “Nange ku büthüikoxle alakpu? Ku zanpabu zothup chak ma ku büthüikoxle sikngünlanle ngo ang tompu?”

PONGWANG LAIPEX 33:20

Chixe ikhama tö-tsap tuita tan ilaxle ijongkha ang Israel nok Zang mün ma El le nyak.

JEREMIA 23:5

Jowanpae thüi: “Dawid sixli hwomkha angkya kue otsao wanghom tuita zün angkya hanpak nguile hüile. Ija wanghompa-e je füi apünüi ilaxle haxtok ma pangnu khato wüi changkya hia sukya mwot moküi.

ISAIA 32:1

Hulax! Wanghom tuitae pangnu lom ma sule apünüi, ilaxle onok lompabue sukya kaxfün füi tingjit-nok-awaüi.

WANWÜNKAX 31:9

Ibu hanpakma wünle laxkox ilaxle sukya kaxfünpa ang changlax. Mixshix hia zasabu süntswon amüt ang taxtom.”

MÜNCHUAK-TSAI 110:2

Zaion makhange Jowanpa nange apün angkya zong achenle koxüi. Chixe thüi: “Nange nang zanpabu thakma apünlax.”

NEHEMIA 5:14

Judah haxtok ma ku Gowarnor ang ngokya zanglao bün-anyi mong ma, ija a Artakses chongwangpa ang achangkya zanglao tsa nguikya makhange zanglao tsübün nguikya kople, kue tamchu ku homkha khünak opupuechu, Gowarnor tuitae saxlingle changse sütmüi-lingma ongaichu sax-lingle chichang.

LAIPAO 20:2

“Ku a Jowanpa hünzom Zang changpu. Ijip nok to da ang ngokya hünzom kue apüipu.

LAIPAO 3:15

Zang-e chatle chu Mosa ang thüi: “Nange Israel khünaknu ang ile thüikox, ‘Hünpu-hünpa Abraham, Isak hia Jakop hwom Jowanpae tsanle akatpu’, ija a jento ku mün, ilaxle tsüntsün to ija a ku homjen changpu.

1 WANGHOMBU 10:9

Jowanpa nang Zang achuak kox Nang Israel nok wanghom ang achang laxle nang füi chix mongzom ibukux müipule ahodaoa, chemthüikoxle Israel hanpakma tüikya chix mongkün a oshuk chitüikya changle, ikhoma nange chix wanlom to laxle sukya kaxfün thom angkya hanpakma chixe nang wanghom ang zingpu.”

JOB LAIPEX 34:17

Nange otsao Zang ajao ngopia? Sukya kaxfün thua chix anule le texpia?

MÜNCHUAK-TSAI 72:1

O Zang, nang otsao füi kaxfün fa angkya wanghompa hama anwot-anole changkox; nang sukya kaxfün chix füi tom-hanle changkox,

2 SAMUEL 8:15

Dawid-e Israel nok pangwüi thakma apün ilaxle chix khünak noknusa to tomwüi ajit-awale tamchu changle apün-awang.