2 SAMUEL 23:15 - OTSAO BAIBEL (BSI)

¹⁵ Dawid-e homchi sung ilaxle thüi: “Bethlehem zünkai ma tüikya tüküi angkya ti ku hato owae khole apüikoxhax!”

2 SAMUEL 23:15 ပူးပေါင်းရင်းမြစ်များ

JUHAN 4:14

Ikoxle opange kue fakya ti linglaxüi hex, ibu ang ti tamchatle münlanüi; ikoxle kue chix ang fakya ti a, chix ma otuechu chizople fuakle lai ngokya timik ang achangüi.”

JUHAN 7:37

Athax pangpwon ashukkya tamchu akhokya nyix Jisu ajonglaxle azaxle thüi: “Owawa ti alanle ngokya mix jangtüi, chix ku hato nguilax, ilaxle ti linglax;

JUHAN 4:10

Jisu-e lanle she ang thüi: “Nange Zang hingho hia nang ma ‘Ku ang lingti laxhüi’, le jukya khünak jang awan laxba, nange chix ma mix ija ti juse ilaxle chixe nang ang khüzün ti fasedai.”

ISAIA 44:3

“Tilan zingokya haxtok ang kue ti koxüi ilaxle haxkozan to shuasa tibu jen ang tomüi. Kue ku chasa hünzom su-sa hwom ang thokle koxüi ilaxle ku mohiman hünzom sixlibu ang koxüi.

ISAIA 41:17

“Chemtue ku khünakbue mwot tüipongma ti lomle changüihex, chemtue tilane hwom dingdua zanle changüihex, ipongma ku, Jowanpae, hwom zangjop to lanüi; Ku, Israel nok Zang-e hwom otuechu danle müntox.

MÜNCHUAK-TSAI 119:81

Nang khosün tanle ngokya obaba ma ku ashole maxüna, Jowanpa; kue ku mongong nang kax ma dan thompu.

MÜNCHUAK-TSAI 63:1

O Zang, nang a ku Zang changpu, ilaxle kue nang sungpu. Ku khüzün pangnue nang zaopu; zuazoxkya, shanle tamchu tizanle paoünkya haxtok lailaile, ku chasa nang zaoe dingdua zanle.

1 PUKAX-PANGAO 11:17

Dawid-e homchi sung ilaxle thüi: “Bethlehem zünkai ma tüikya tüküi angkya ti, kue ling ang owae apong fahax!”

2 SAMUEL 23:16

Hwom zangle wünkya naomüi sün azome Filistia nok pom kaile lelaxle ija tüküi angkya ti hidaole khole Dawid hato apüile kox. Ikoxle chixe ija chiling ikoxle Jowanpa hanpakma tö tuita ang ija thokle awüt

PONGWANG LAIPEX 35:19

Rachel zikya zuma, she a Efrath lomnu zui ma zu; ijakha ang athaxpongma Bethlehem le nyakle.