2 SAMUEL 22:3 - OTSAO BAIBEL (BSI)

³ Ku Zang a ku khowapa, ilaxle chix ma ku azangle ngopu. Chixe di lailaile ku to tukle thom; chixe ku khose ilaxle ozün ma thom. Chix a ku khosünpa; chixe ku kho awale tamchu chakmok-janlang chak tokya khosünle thom.

2 SAMUEL 22:3 ပူးပေါင်းရင်းမြစ်များ

MÜNCHUAK-TSAI 9:9

Müt-mix shun-mixbu hanpakma Jowanpa a khangkhom nui, thangnak pongma khang azang angkya onui.

ISAIA 12:2

Zang a ku khosünpa changle; Kue chix to mongongüi ilaxle chazakya müntüiüi, Jowanpae ku ang tsak-zong hia janzüi koxle; chix a ku khosünpa.

WANWÜNKAX 18:10

Ojong khato paolaxle otsao khünakbue khosün atakpuix, Jowanpa a ija shingmongkya long-katuk tuita ningle changpu.

WANWÜNKAX 30:5

“Zang-e chix kaxtsao pangwüi thomle. Ma khangkhom nui lomle chix hato hüikyabu hanpakma chix a nyadi jaojao.

MÜNCHUAK-TSAI 46:11

Khüthak Jowanpa kem füi tüile; Jakop Zang kem khangkhomnui changle. Selah

MÜNCHUAK-TSAI 18:2

Jowanpa a ku kho-wa pa changpu; chix a shingmongkya ku zanhunuibu changpu. Ku Zang a ku wintuk-hantha changpu, üntoxle chix füi ku azangle ngopu. Di lailaile chixe ku kho awale thompu; chixe ku khosele üntoxle khosünle thompu.

TSAITONG-KAXTONG 33:29

Israel, nang mong chemkuxma müipuix! Nang lailaikya owachu müntüi, Jowanpae sünle thomkya jat-li tuita a. Nang di hia changlo a Jowanpa chixjao changpu, chixe nang khosele ilaxle lütkya koxle. Nang zanpabu nang hato chingcha jule hüiüi, ilaxle nange hwom to cha füi tingle akhünüi.

PONGWANG LAIPEX 15:1

Ifüima Abram-e miksho ma tütali mikngünohün ngün üntoxle Jowanpae chix füi ile akaxkya atat: “Abram, nang ojao taxza chemthüikoxle kue nang to o-le thomüi tamchu hingho chongkya koxüi.”

IBRI 2:13

Chixe ilechu wüi thüi: “Kue ku mongong Zang ma thomüi.” Chixe ilechu thüile, “Zange ku ang fakya chixsu chixsabu füi ku ikhama tüile.”

KAXHO MÜIKYA LUK 1:69

Chixe kem hanpakma, tsakzong füikya khosünpa kox; Chix da Dawid sixli angkya a.

MÜNCHUAK-TSAI 144:2

Chix a ku khowapa tamchu wintuk-hantha, ku khangkhomnui tamchu khosünpa changpu. Chem khong-kha chitüile ngo angkya hanpakma kue chix to mongong thompu. Chixe chaxwannu nok ku chitong to pui ang tom.

MÜNCHUAK-TSAI 59:16

Ikoxlechu kue nang janzüi bama tsaingaoüi; chizakkya nang mongkün bama nopfo to ku akhongle tsai ngaoüi. Nang a ku hanpakma khangkhom angkya onui ang jao ngole hüi, sikngün apong pongma ku zak-zui angkya lox-o a.

MÜNCHUAK-TSAI 14:6

Puinaikyabue zingkya mwottho ma ochax khünakbu mong ngwomle, Ikoxlechu Jowanpa a hwom khosünpa changle.

JEREMIA 16:19

Jowanpa, nang a ku kho-awakya tamchu ku ang tsak-zong koxkya Zang changpu; kue sikngün apongle changpongma nange ku to asun. Haxtua-zangnam tokhange jat-li pangwüi nang hato nguiüi ilaxle thüiüi: “Kwom pupa hwom ang othai baozang, laxli chitüikya chapabu boma chemchu müntüidaoa.

ISAIA 32:2

Hwom pangwüi zangchei-zangwat thoto khangkhom angkya pom ningle changüi. Hwom a sak-hax to jenkya shuajen ningle changüi, kohwon fato longnu tuita nuk angkya zangkhung ningle.

MÜNCHUAK-TSAI 140:4

Chichangchizangkyabu chak to dong ang chitomle ku nyele thom hüi, O Jowanpa; ku chika wüi ang tungle ngokya changnong-pünthomle tüikya khünakbu chak tokya ku sünle thom hüi.

MÜNCHUAK-TSAI 55:9

O Jowanpa, ku zanpabu ang tsaikho-kaxkho asamle changkox! Kue tingnu ma tingwuk nokwuk dongkya ngünle,

MÜNCHUAK-TSAI 46:7

Khüthak Jowanpa kem füi tüile; Jakop Zang a kem khangkhomnui changpu. Selah

KAXHO MÜIKYA LUK 1:71

Kem zanbu chak tokya hia, kem to khukyabu zong pangnu tokya, chixe kem khosün üihex o le.

MÜNCHUAK-TSAI 140:11

Changnong pünthomle tüikyabu mwot otuechu oza laile chang ang taxtom; chakmok-janlangle tüikyabu hwom ochaxe zaze-zazele hwom-ha alople naxchang!

MÜNCHUAK-TSAI 140:1

O Jowanpa, chichang-chizangkyabu chak tokya ku azünhüi; changnong-pünthomle tüikyabu chak tokya ku abax thom hüi,

MÜNCHUAK-TSAI 86:14

O Zang, mong-ngam füikya khünakbu ku füi alün ang nguile; mongtsik ashukkya othom tuitae ku lang ang tungle ngole: nang to ojao mong chikoxkya khünakbu a.

MÜNCHUAK-TSAI 84:11

Chingchajaja hia achuak-achenkya füi kem to mohimankya Jowanpa a kem kho-awapa tamchu fuazangkya chongwangpa changle. Sukya mwot mokle changkyabu ang mokle fa angkya Chixe müikya oli tütali tochu münle münthüi.

MÜNCHUAK-TSAI 84:9

Kwom wanghompa to mohimanhüi, O Zang, nange kamle kopkya wanghompa a.

MÜNCHUAK-TSAI 72:14

Mixe afangle thomkya hia chakmok-janlangle changkya chak tokya chixe hwom khosünle kople; chix zongto hwom khüzün a thalix changle.

MÜNCHUAK-TSAI 71:7

Ku tsün a khünaknu hanpakma tuita apyen angkya tsün changpu, chemthüikoxle nang a tsak-zong füikya ku ziakopmix changpu.

MÜNCHUAK-TSAI 61:3

chemthüikoxle nang a ku kho-awapa changpu, nang tix zanpabu tunthoma shingmongkya ku ziakop changpu.

MÜNCHUAK-TSAI 46:1

Zang a kem loxkax changpu, üntoxle sikngün pongma fong ang jento achwonle ngokya janzüi changpu.

MÜNCHUAK-TSAI 28:7

Jowanpae kho-awa üntoxle wintuk-hanthale chang; kue chix to mongong thompu. Chixe ku to fong üntoxle ku ang mong amüi; Mongmüi tsaibu füi kue chix achuakpu.

MÜNCHUAK-TSAI 27:5

Thangnak-tuitaile changpongma chixe ku ang ngwotnui faüi; chix Zangshwom-Hom ma chixe ku khosünle thomüi, üntoxle longnu kho ma ku azangle ngo ang tomüi.

MÜNCHUAK-TSAI 5:12

Jowanpa, nang kax ma laxle tüikyabu to nange mohimanle; nang mongküne hwom to di thatha ma thale.

MÜNCHUAK-TSAI 3:3

Ikoxlechu Jowanpa, thama chak tokya ku hale tui ang jento nang a di changle; nange ku ang tho-lün ang tomhüi üntoxle ku mong chatle achen fahüi.

2 SAMUEL 22:51

Zang-e chix wanghompa ang zan to lütkya chongkya kox; chixe zünle kopkya mix to chixe chizakkya mongkün aho, othuithuima Dawid hia chix sixli hwom to a.

2 SAMUEL 22:49

ilaxle ku zanpabu chak tokya ku khosün. O Jowanpa, nange ku ang zanpabu to lütkya kox ilaxle chakmok-janlangle tüikya khünakbu chak tokya ku sünle thom.

1 SAMUEL 2:1

Hanah-e zangjop: “Jowanpae ku ang mong amüile fa; chixe ku to mokle fakya mwot bama ku ang mong huanuma müipu! Kue zanpabu füi nyi ang koppu; Jowanpae ku to fongle changdaokya khoma ku ang mongmüipu!

TSAITONG-KAXTONG 32:37

Ifüima Jowanpae chix khünaknu ma atüiüi: ‘Hünzome mongongle changkya janzüi füikya baozangbu omaxüi?

TITA 3:6

Kem khosünpa Jisu Khrista makhange Zange Otsao Chasa kem ang okhonguile thokle kox.

TITA 3:4

Ikoxlechu otue kem khosünpa Zang chingcha hia mongkün ngaile ahopuix,

KAXHO MÜIKYA LUK 1:47

Zang ku khosünpa changkoxle ku chasa mongmüile,

JEREMIA 16:9

Jowanpa, Israel nok Khüthak Zang-e chem akaxse hex ija to apalax. Mongmüi ozing ilaxle pwonla tungle tuiju-nasomle puakya zing kue adang daoüi. Ikha angkya khünaknu a ija changle hüikya ngün ang ngoüi.

ISAIA 45:21

Ngui laxle khwa ma hünzom tsetwon-zangwün apüilax; hwome tata ma tikshole naxlaxkox. Chempangle changüihex ija kaiwüi owae ajele thom? Chix khünaknu khosünkya Zang, ija Jowanpa ku münchang hexmi? Iboma mama baozang owachu müntüi.

MÜNCHUAK-TSAI 32:7

Nang a ku azwon nui changpu; thangnak tuitai tokya ku kho nangetix sünüi. Nang khosün achuakle ku akhongle ngaopu, chemthüikoxle nange ku ziakoppu. Selah

MÜNCHUAK-TSAI 142:4

Chemtue kue nong-tsax to hule anopuix, kue ku to asun angkya mix owachu chingün, ku kho-awa angkya mix owachu chitüi. Owaechu ku tuitexkya chitüi.

TSAITONG-KAXTONG 32:4

“Jowanpa a pangnu tsuakkya hünzom khowapa changpu, chix lom ma nguiwangkya hia sukyakya wüi; hünzom Zang a mongong tüikya tamchu otsingtsing changpu; chixe chem supuix ilaxle oja otyatya hex ija mokle.

1 SAMUEL 2:2

“Jowanpa lailaikya otsao owachu müntüi; chix lailaikya owa müntüi, kem Zang lailaikya khosünpa owa müntüi.

2 SAMUEL 22:31

Ija Zang—chix mwot ma chemtukux thaikya chitüile supuix, chix kaxbu to chemtukux mongong tüikya li hex! Chix a di tuita thatha chix ma khangkhomnui lomkyabu pangwüi zongto a.

2 SAMUEL 22:47

Jowanpa ozün ma tüile! Ku khowapa achuak kox! Ku khosünle changkya tsak-zong füikya Zang chuak-chongkya apuk-kox!

2 SAMUEL 23:3

Israel nok Zang-e akaxdaoa; Israel nok khowapae ku ang thüi: “Wanghompa owae chix sukya füi apünpuix, owae Zang kax ma laxle apünpuix,

LAIPAO 15:2

Jowanpa a kutsak-kuzong tamchu ku kho-awapa; Ku khosünle kopkya a chix changpu. Chix a ku Zang, kue chix achuaküi, ku apa Zang, kue chix chongkya achuakle tsai ngaoüi.

MÜNCHUAK-TSAI 9:10

Jowanpa, opange nang awanle tüipuix, hwome nang to mongong tüiüi; nang hato nguikya khünak owachu nange chilaxle taxüi.

MÜNCHUAK-TSAI 46:2

Idaile chaxwannuchu kangnax aloxkox, haxnubuchu molo tinu jithong to naxdütkox,