2 SAMUEL 22:1 - OTSAO BAIBEL (BSI)

¹ Chemtue Jowanpae chix zanpabu hia Sol chak tokya Dawid khosünle changpuix, Dawid-e Zang achuakle ija tsai ngao:

2 SAMUEL 22:1 ပူးပေါင်းရင်းမြစ်များ

KAXFÜNPA-HWOM 5:1

Ija nyix Deborah hia Abinoam sasün Barak hokhie ija tsai ngao:

LAIPAO 15:1

Ijama Mosa hia Israel khünakbue ija tsai ngaole Jowanpa achuak: “Kue Jowanpa achuak-achenpu, chixe fuazangle lütkya khoma; Chixe man hia ibu ahamkyabu pangwüi tinu mongto awüt.

2 TIMOTHI 4:18

Üntoxle Jowanpa-e ku chisumüikya pangnu chak tokya azün ilaxle zangkangting wangting to chixe ku sünle kopüi. Fuazangkya a othuithuima chix kux wüi naxchang! Amen.

MÜNCHUAK-TSAI 34:19

Müikya khünakbu a tingtui malom-malom ma sikngün apongle, ikoxlechu ibu pangnu chak tokya Jowanpae sünle kople;

MÜNCHUAK-TSAI 50:14

Nang ang münchong fakya a Zang tökya ang naxchang kox, üntoxle nange tsaosaxdaokya oli pangwüi Khüthak Zang ang laxkox.

2 SAMUEL 22:49

ilaxle ku zanpabu chak tokya ku khosün. O Jowanpa, nange ku ang zanpabu to lütkya kox ilaxle chakmok-janlangle tüikya khünakbu chak tokya ku sünle thom.

1 SAMUEL 27:1

Dawid-e chix mongto alüile ajangle lax: “Sol-e ku a ibama tütangai thüichu lang angkya changa. Ku zongto sümüikya a Filistia nok to paole azang angkya wüi changle. Ifüima Israel haxtok ma Sol-e ku lomkya zakle shuüi ilaxle ku a azangle ngoüi.”

1 SAMUEL 26:24

Kue anyix nang chilangle chemle azünpuix, ilailaile Jowanpae zikmüt-mangkho pangnu chak tokya ku khosünle thom hüi.”

1 SAMUEL 25:29

Owawae nang to chakmok-janlang ilaxle lang ang tungle jangchang, Jowanpa nang Zang-e, khünakbue ma thalix tuina sünle thompupule sünle thomüi. Ikoxle nang zanpabu a, khünak tuitae jandao long tswonle awütpupule Jowanpae tswonle awütüi.

1 SAMUEL 24:15

Jowanpae kaxfün faüi, chixe künyi opupu thaipuix ija bama chixe zünüi. Zangwün tsaitong-kaxza to chixe hulaxle, nang chak tokya chixe ku khosele tamchu khosünle naxchang.”

1 SAMUEL 23:14

Dawid a haxhua nok tokya Zif zui angkya faonu mongto azwonle ngo. Sol-e jento chix kop ang azong, ikoxlechu Zang-e Dawid a chix chak to otuechu chidan.

2 KORIN 1:10

Ija ningle za-adünkya, mikjao maxse thomzün chak tokya chixe kwom azündaoa, üntoxlechu wüi sün angkya changle; ile hünzome zangjop makhange kwom to fongle ngopongma, chixe kwom chatlechu wüi sünüi le kwom mongong chix ma thomdaoa.

TSAITONG-KAXTONG 31:30

Israel khünaknu pangnue apale ngopongma Mosa-e ibibi tsai bakle ngaole aho:

1 PUKAX-PANGAO 16:7

Dawid-e, Jowanpa achuakle tsailwom ngao angkya pongwang ma Asaf ang kox ifüima Jowanpa achuakle tsailom zunkya tsaipabu ang kox.

2 SAMUEL 12:7

Nathan-e lan: “Ija khünak a nang changle. Jowanpa Israel nok Zang-e akaxkya kax a ija changle: ‘Kue nang Israel nok wanghom ang zingpu ilaxle Sol chak tokya khosünle thompu.