2 SAMUEL 21:16 - OTSAO BAIBEL (BSI)

¹⁶ Ishbibenob le amünkya tomchong-hualo sün tuita, owae tuak 3 okao tukux lixkya wi-jan paxlo ilaxle changlo hozün koplaxle tüikya hex, chixe Dawid lang ang thoüile thütle ngo.

2 SAMUEL 21:16 ပူးပေါင်းရင်းမြစ်များ

2 SAMUEL 21:20

Anaole chuwüi Gath ma tam azan. Ikhama azankya to luakya tomchong-hualo sün tuita tüikya. Chix ma chakhi azok pong ilaxle chakkhi azok apongle tüikya.

2 SAMUEL 21:18

Ija füima tamchatle Gob ma Filistia nok füi wüi azankya machu Hushah angkya Sibbekai-e Saf le amünkya tomchong-hualo sün tuita lang.

2 SAMUEL 21:22

Hwom ali a Gath nok angkya tomchong-hualo sixlibu changkya, ikoxle hwom a Dawid khünakbue langle tsuak.

2 SAMUEL 5:18

Filistia nok Refaim haxsha to nguilaxle ija kop.

TSAITONG-KAXTONG 9:2

Hwom khünaknu jaojao chuwüi tüle tomchong hualokya mixtsak-naomüibu changpu; hwom a Anakimbu changpu, ilaxle hwom füi alünle owachu ajong ang münthole hünzome atatle hüipu.

TSAITONG-KAXTONG 3:11

Refaim khama Bashan nok wanghompa Og ma akiakya changkya. Chix mangsuak long füi zingkya a, onok ziathüt ma, okhao ma fut azok ilaxle ojang ma fut 14 changkya. Ija a athax kople Amon nok tingnu Rabbah ma ngün ang tsuak.)

TSAITONG-KAXTONG 2:21

Hwomchu Anakim hwom füi tomwüile tomchong-hualole tüikya. Ibu khünak huanuma tüikya, ilaxle hwom a mixtsak-naomüi likan tuita changkya. Ikoxlechu Jowanpae hwom max ang tom, ikhoma Amor noke ibu haxtok lax ilaxle ikhato ngole hüi.

TSAITONG-KAXTONG 2:10

Tüle tomchong-hualole tüikya mixtsak-naomüi Emim likan Ar tingnu ma tüikya. Hwom chuwüi Anakim, mama mixtsak-naomüi likanbu, hwom füi tomwüile chongle tüikya.

TSAITONG-KAXTONG 1:28

Kem ikhato chemto pao angkya? Kem zapu. Keme zyet ang apaokya khünakbue, ikha tokya khünakbu a kem füi huanuma tsak-zongle tüile tamchu hwom a zangkho alople long katuk swonlaxle ziakople tüikya tingnubu ma ngole le thüile. Hwome ikhato mixtsak-naomüibu ngün ang kopkya mo wünle!’

PONGWANG LAIPEX 14:5

Zanglao 14 lükya to Kedorlaomar hia chix zankat üithobu süpahibu füi nguilaxle Ashteroth Kamaim ma Refaim to anao, Ham ma Zuzim to anao, Kiriathaim haxsha ma Emim to anao,

PONGWANG LAIPEX 6:4

Ipongma, ilaxle ifüima su-sa wüi, zangkho tokya Zangsu-zangsabu hia shekobu makhange pux-paile changkya tomchong-hualo khünakbu tüikya. Kaipongma hwom a mixtsak-naomüibu tamchu zangle wünkya khünakbu changkya.

HUAKE LAIPEX 13:22

Pongwang ma hwom a shuathongchi haxsüt to ngui, ifüima Hebron to ngui, ilaxle ikhato Anakim sasün Ahiman, Shehai hia Talman hwom tüikya. (Hebron a Ijip nok tokya Zoün füi zanglao anüt thoto zingle tüikya.)

HUAKE LAIPEX 13:28

Ikoxlechu ikhato tüikya khünakbu a tüle mixtsak-naomüibu changa, hwom tingnubu chu tüle chongle tüile ilaxle shingmongle pan zailaxle ziakople tüile. Tamtai lechu kwome tomchong-hualole tüikya likanbu ikhato ngünle toxle.

JIHUSUA 15:14

Kaleb-e tingnu angkya Anak sixli jwonle apao: ibu a Sheshai, Ahiman ilaxle Talmai homjenbu changkya.

TSAITONG-KAXTONG 2:11

Anakim nok lailaile hwom ang chuwüi Efraim le nyak; ikoxle ibu Moab nok ang a Emim le nyak.

JIHUSUA 11:22

Israel haxtok ma Anakim nok mixhuak tuita chitox; ikoxlechu Gaza, Gath hia Ashdod, ibu to hidaopong danle tox.

1 SAMUEL 17:7

Chix pax a nyitak lak tukux jao tütle tüikya, ilaxle jan füi zingkya paxtun a tuak anüt tukux jao lixle tüikya, ilaxle chix tunthoma ahamkya süpahi tuitae chix di kop.