2 SAMUEL 20:19 - OTSAO BAIBEL (BSI)

¹⁹ Hwom tingnu a tüle chongkya tingnu tuita changpu. Ija a Israel haxtok ma tumüi-lomkhaole hüikya tingnu tuita. Nange ija chem hanpakma amüt ang azongpu? Nange Jowanpa chem hex ija amasele tsupia?”

2 SAMUEL 20:19 ပူးပေါင်းရင်းမြစ်များ

1 SAMUEL 26:19

Wanghompa, kue akaxse ku kax to tam apahüi. Nang ku zongto zan ang achangle paokya Zang tokhange jangchang, tö koxkya makhange chix mong alüix ang tsuaküi, ikoxle khünakbue alop-alüikya jangchang, Jowanpa thuakzom hwom hato naxhüikox, chemthüikoxle Jowanpa haxtok angkya hwome ku mixnok chaxwan to jwonle apaopu, ilaxle mixnok baozangbu to shwom angkya chifün ma ku asam thompu.

2 SAMUEL 21:3

Ikhoma Dawid-e Gibeon nok pangwüi sele asox ilaxle hwom ang thüi: “Kue hünzom hanpak ang chem mokle fase dai? Kue hünzom zongto thaile mokdaokya thathomle changse tsule, ikoxtix hünzome Jowanpa khünakbu to mohimanle changüi.”

1 TIMOTHI 2:2

Ija ningle wanghombu hanpak ilaxle opang kem thakma apün-awangle ngolaxpuix, hwom hanpakma chichangba chongkya hünlix laxlaxle ngokyabu hanpakma, kem dangjale tamchu mongsom ma pangnu to Zang achuak achenle ilaxle olom ma changle saxmok le chang angkya zangjop kox.

2 SAMUEL 17:16

Hushai-e ile chu thüi: “Momlax, athaxthax wüi! Faokha afünle lekya shuakha ma awünkya zangnak ma wünpomle chichang angkya, ikoxle momle wüi Jordan Shuanu tale le angkya bama Dawid hato kaxkox angkya hanpakma kaxho mix tsanle apaokox, ile changkox tix chix tamchu chix khünakbu koplaxle lang ang münthoüi.”

2 KORIN 5:4

Ija chaxwannu nyihom ma ngotanto, kem mixfang to ngokya tukuxle zoshunpu; keme chaxwannu tsangtsa füi atsaiünse le münchang, ikoxle maxün angkya tsün chimax angkya tuita khüzüne ole thomse le texpu.

1 KORIN 15:54

Idaile otue ija changüihex, ilaxle zi-max angkya chizi chimax angkya ang otue lüiüihex, izuma Otsao Lai kax ija changle ngaile hüiüi: “Zikya oli thudaoa; anaokya ashukdaoa!”

MANGSOP 2:16

Nang zanpa pangwüie nang wanjaile ilaxle nang to nushix dongle hule. Hwome tun apexle ajao: “Keme ija ama tsuakdaoa! Anyix ija a keme tanle hungokya hanpak changle!”

MANGSOP 2:5

Zanpa tuita ningle, Jowanpa-e Israel nok amütdaoa; Chixe she zanhunui hia chongwang homlobu ama toxdaoa. Chixe Judah angkya khünaknu hato chiashuk toxkya mongma ahüidaoa.

MANGSOP 2:2

Judah angkya tingkhua pangnu Jowanpa-e chingchingchichale amütdaoa Ilaxle haxtok khosele ngokya zanhunui pünle adütdaoa. Chixe wangting hia ija apünle ngokyabu hato thünkhux-thajao apüidaoa.

JEREMIA 51:44

Kue Babilon nok baozang Bel to sikangünüi, ilaxle chix angkya ahuxle apüikya tuinabu danle apao ang tomüi; ilaxle jatlibue chix to tamchatle münshwomüi. “Babilon pan-katukbu a nguakdaoa.

JEREMIA 51:34

Babilon nok wanghompa-e Jerusalem hütle lang ilaxle ija saxle awüt. Tikkux tuita ahuakya ningle chixe tingnu ahuale dan; baoma tuita ningle chixe ija jokle ling. Chix mong atsutsu chixe laxle pao ilaxle mamabu a tswonle awüt.

MÜNCHUAK-TSAI 124:3

hwom mongtsik-tsik ma, hwome kem ozün ma alwomle jokdaose;

KAXFÜNPA-HWOM 5:7

Israel nok tinglongbu zingzazui le ajong, Deborah; nang nguikya kople ibu ahuasakle ajong, honu tuita ningle Israel nok hato mangui tanto.

TSAITONG-KAXTONG 32:9

Ikoxlechu Jakop sixli hwom ang chixe jaoe chix kux ang süile koppu.

HUAKE LAIPEX 26:10

Haxwan kangle hüi ilaxle ibu jok, ilaxle wün füi 250 khünak mik max ang tompongma hwom a Korah tamchu chix füito azuikyabu maxkya füi tomle max; hwom a khünaknu hanpak ang tsaikhax-kaxkhün ang bang.

HUAKE LAIPEX 16:32

ilaxle hokhi hia kakobu pangwüi jwom. Korah füito azuikyabu hia hwom tuinabu komkaile ima wom.

PONGWANG LAIPEX 18:23

Abraham Jowanpa hato hüi ilaxle akax: “Chemngax chichangkyabu nange thaile ngokya khünakbu füi tomle amüt-aziküi hia?

TSAITONG-KAXTONG 20:10

“Chemtue hünzom a tingnu tuita to tingtak ang nguipuix, pongwang ma khünaknu ang chang-pax danle chak ajong ang tomkox.

2 SAMUEL 14:16

Ija daile nange ku kax to apaüi ilaxle ku sasün kukhi langlaxle Zang-e chix khünaknu ang koxkya haxtok angkya kukhi apao ang atumle ngokyabu chak tokya kukhi azünüile thütpu.

2 SAMUEL 20:18

She-e thüi: “Kaitanto kue ile akaxzaipu, ‘Abel tingnu to paolaxle ija kaxlan ataklax!’ Ilaxle hwome ile mokle hüi.

2 SAMUEL 20:20

Joap-e lan: “Ile otuechu münchang! Kue nang tingnu otuechu münama chichangba amütle münchang!

1 SAMUEL 10:1

Ifüima Samuel-e olip münga pe laxlaxle ija füi Sol khang ma lile kox, chix füi tun apong ilaxle thüi: “Nang a Israel khünaknu apün-ad angkya mix ang Jowanpae kamle kopdaoa. Nange chix khünaknu thakma apün-adale changüi ilaxle zan pangwüi chak tokya hwom khosünle kopüi. Ilaxle ija a, chix khünaknu thak ma apün-adakya khünak tuita ang nang Jowanpae kamdaoa lükya münwan changle:

1 WANGHOMBU 8:53

Nange hwom a khünaknu pangnu kha angkya nang khünaknu ang kamle kopkyabu changle; ija kax nange nang dapa Mosa makhange, Ijip nok tokya hwom alaile apüi pongma angaidaoa.”

MÜNCHUAK-TSAI 33:12

Jowanpa hwom Zang ang ngole tüikya haxtok a mongmüi haxtok changle; chixe ma khünak ang kamle kopkyabu a mongmüi mixbu changle!

MÜNCHUAK-TSAI 78:71

ikhato chixe chun ozyembu to hule ngokya changkya, ilaxle chixe Israel nok wanghom ang chix achang, Zang khünaknu chunnyetpa ang chix achang.

MÜNCHUAK-TSAI 106:5

Nang khünakbu ahak-aluale changkya kue ngün ang tomhüi ilaxle nang jat-li hwom mongmüi tomhanle lax ang tomhüi; nang kux ang ngokyabu ngadün füi tomle a.