2 SAMUEL 20:10 - OTSAO BAIBEL (BSI)

¹⁰ Amasa-e Joap nongchi chak angkya changlo pak chitik, ilaxle Joap-e chix to wok ma tsunle anop. Chix tsangtsa angkya ajihanbu hax to thokle düt. Joap-e tamchatle chakmok angkya tha chitanle chix a thüile zikya ang achang. Ifüima Joap hia honao Abishai hokhi Sheba manto ang pao.

2 SAMUEL 20:10 ပူးပေါင်းရင်းမြစ်များ

2 SAMUEL 2:23

Ikoxlechu Asahel-e chidan; ikhoma Abnar-e tokfüichi to chix paxlo füi topkya chix wok makhange tok to apatle alai. Asahel zile hax to düt, ilaxle ikhato ahüihüi ija chix mang ngünlaxle pangwüi tangle ajong.

2 SAMUEL 3:27

Chemtue Abnar Hebron to nguipuix, Joap-e pan nuakfüi to paolaxle chixe chongkya huxsa zangwün ang thüikya ningle aho, ilaxle ikhato chixe wok ma tople lang. Ile chixe Joap honao Asahel langkya khoma chix chuwüi lang.

KAXFÜNPA-HWOM 3:21

Chix nongchi chak füi tsaxchi sam angkya changlo syetle alai ilaxle ija wanghompa wok ma tople anop.

1 PUKAX-PANGAO 12:2

Ibu a Sol füikya Benjamin homjen angkya khünakbu changkya. Hwome sanhap hap ang tho ilaxle nong-nong-tsaxle zu ma long awün laxle thup ang awankyabu.

2 SAMUEL 20:9

Joap-e Amasa ang thüi: “Zuikhui, nang chemle tüilaxpu?” Ilaxle chix füi tun apong ang tsaxchi chak füi chix kaxmai mun ma fi.

1 SAMUEL 26:8

Abisai-e Dawid ang thüi: “Apa, Zang-e nang zanpa nang chak to koxdaoa. Kue chix pax füi wüi chix to hax ma adangle tople amyen fang, obiobi ma topngo angkya münchang ikoxle tamfang ma wüi tsuaküi.”

PONGWANG LAIPEX 4:8

Ifüima Kain-e honao Abel ang thüi: “Künyi pi wunsa khato kahax.” Ile hokhi wunsa khato tüipongma, Kain a honao Abel zan to ka ilaxle chix langle awüt.

HUAKE LAIPEX 35:20

“Khünak tuitae owawa to miktsak laxle ija khünak chixe thwomle adüt chichangba tütali füi thuple lang,

JEREMIA 41:2

Ishmael hia chix khünak hwom mixsün büne ma changlolo syetle alai ilaxle Gedaliah langle tox.

KAXFÜNPA-HWOM 3:15

Ifüima Israel noke Jowanpa hato akhong, ilaxle chixe hwom dan angkya hanpakma khünak tuita angai. Ija mixsün a Ehud, tuita nongmok mixsün changkya. Chix a Benjamin homjen angkya Gera sasün changkya. Israel khünaknue Ehud a Moab nok wanghompa Eglon hato hingho-chakzun füi apao.