2 SAMUEL 2:1 - OTSAO BAIBEL (BSI)

¹ Ifüima Dawid-e Jowanpa ma atüi: “Ku chatlaxle Judah tinglong tuituita to humele changüi hia?” Jowanpae lan: “Müiüi.” Dawid-e atüi: “Ojaja tinglong to?” Jowanpae lan: “Hebron to.”

2 SAMUEL 2:1 ပူးပေါင်းရင်းမြစ်များ

1 SAMUEL 30:31

ilaxle Hebron, ibu tingnu angkya khünakbu hato fiksele afanle kox. Chixe chix ilaxle chix khünaknu faole samle ahamle hüikya haxtok pangkha towüi afanle kox.

1 SAMUEL 23:2

Ikhoma chixe Jowanpa ma atüi: “Ku paolaxle Filistia nok single changüi hex-o?” Jowanpa lan: “Paokox ilaxle hwom to singlaxle Keilah nok kho awale kopkox.”

1 SAMUEL 23:4

Ikhoma Dawid-e Jowanpa füi tamchatle tsaitik-kaxshole chang. Jowanpae chix ang thüi: “Paokox ilaxle Keilah to singkox, chemthüikoxle Filistia nok to lüt angkya kue nang ang koxüi.”

PONGWANG LAIPEX 32:2

Chemtue chixe hwom ngünle laxpuix, chixe thüi: “Ija a Zang pom changpu.” Idaile chixe ikha ang Mahanaim

EZEKEL 36:37

Jowanpa Khüthak Zang-e thüi: “Israel khünakbu ang, tamchatle fonghüile ku füi akax ang tomüi, ilaxle kue hwom a chunzyem tsapupule khünak huak pu-tsale chang ang tomüi.

MÜNCHUAK-TSAI 143:8

Chizakkya nang mongkün bama nop-fole ku hama wünhüi, chemthüikoxle kue ku mongong nang ma thompu. Ku zangjop nang hato dongle; ku lese lom ku hama ahohüi.

MÜNCHUAK-TSAI 27:4

Kue oli tuita Jowanpa ma juüi; kue laxse texkya oli tuita a: Jowanpa hom ma tsünjangmasule ngo angkya, ikhato chix müikya bama abüt angkya, ilaxle chix ang lomzunhüile thüi angkya.

1 PUKAX-PANGAO 29:7

Zangshwom-Hom zaikya mwot to lax angkya hanpakmale ibibi tuina kox ang mongtsule lai: hun a othum 190, khop a othum 380, khop a othum 675, ilaxle jan a otuak ma 37500 tukuxle apüi;

1 WANGHOMBU 2:11

Chix a Israel haxtok ma wanghom ang zanglao punyi ngole hüi; Hebron makhange zanglao anüt apün ilaxle Jerusalem makhange zanglao tsübün azom apün.

2 SAMUEL 15:7

Zanglao ali füima Absalom-e Dawid-e ang thüi: “Ku a Hebron to kalaxle Jowanpa füi kue tsaosaxle changdaokya mwot tsuakle kop-hüi ang.

2 SAMUEL 5:23

Anaole chu Dawid-e Jowanpa füi zangwün ilaxle chixe Dawid kax to lan: “Hwom to imakhange taxsing, ikoxle khuakhople ahamlax ilaxle mama chitokhange hwom to sing ang balsam püntong zui ma achwonlax.

2 SAMUEL 5:19

Dawid-e Jowanpa ma atüi: “Kue Filistia nok to chising hia singüi? Nange ku ang hwom to lüt ang chitom hia tomüi?” Jowanpae lan: “khaxa, singkox. Kue nang ang wüi lüt ang tomüihex!”

2 SAMUEL 2:11

ilaxle Hebron makhange chixe Judah nok a zanglao 7 lyet 6 apün.

KAXFÜNPA-HWOM 1:1

Jihusua zikya füima Israel noke Jowanpa ma atüi: “Kwom khama opupu homjen paolaxle pongwangole Kanan nok tingtakle changüi?”

HUAKE LAIPEX 27:21

Chixe nguapa Eliazar to mongongkya tüiüi, chemthüikoxle Urim hia Thummim twonlaxle chixe ku mongtex awanle tsuaküi. Ile Eliazar-e Jihusua tamchu Israel khünaknu pangnusa to pangwüi lom ma adangle fa ang thoüi.”

HUAKE LAIPEX 13:22

Pongwang ma hwom a shuathongchi haxsüt to ngui, ifüima Hebron to ngui, ilaxle ikhato Anakim sasün Ahiman, Shehai hia Talman hwom tüikya. (Hebron a Ijip nok tokya Zoün füi zanglao anüt thoto zingle tüikya.)

PONGWANG LAIPEX 13:18

Ikhoma Abram-e chix pom a Hebron ma Mamre angkya otsao pünnu tong ma zai; ikhama chixe Jowanpa ang tö-tsap tuita zing.

JIHUSUA 15:13

Jowanpae Jihusua ang kaxtom koxkya ningle, Judah haxsüt angkya chaxwan jongtakha a Jefuneh sasün Kaleb ang kox. Chix a Judah homjen changkya. Anak hopa Arba tingnu Hebron chixe kop.

1 SAMUEL 10:22

hwome Jowanpa ma atüi: “Iboma mama owawa tütüi ang chami?” Jowanpae lan: “Sol a tüi-mwot jali thomkya nuakfüi chito chukha to khünle tüile.”

2 PUKAX-PANGAO 11:10

Zorah, Aijalon, hia Hebron bibi.