2 SAMUEL 19:5 - OTSAO BAIBEL (BSI)

⁵ Joap wanghompa hato ngui ilaxle chix ang thüi: “Anyix nange, nang khünak opange nang kho awale koplax puix, hwom thajaole, nangsu-nangsa hwom hia nang kakonubu tamchu danucha hwom wün ahaile changdaoa.

2 SAMUEL 19:5 ပူးပေါင်းရင်းမြစ်များ

MÜNCHUAK-TSAI 3:8

Lütkya a Jowanpa tokhange tix hüipu: chixe chix khünaknu to mohimanle naxchang. Selah

NEHEMIA 9:27

ikhoma nange zan-nokbu ang hwom tingsum laxle hwom thakma apün ang tom. Hwom sikngün chifün tokhange hwome asunhüile nang nyakle akhong, ilaxle zangkangting tokhange hwom kax to lan. Nang chingcha chongkya füi nange hwom hato lompabu ahüi zanpabu chak tokya hwom khosünle fakya lompabu a.

2 SAMUEL 3:39

Ku a tuita Jowanpae zünle kopkya wanghompa changle, ikoxngaxchu anyix ku ang zong chitüile changkya kue tikle laxle. Zarüiah sasün hwom a ku zongto huanuma wüi changnong pünthomle tüile. Hwome lomkya ningle Jowanpae ija mütkop bama hwom to sikangünle naxchang kox!”

2 SAMUEL 19:4

Wanghompa-e chix thün to zim ilaxle akhongle sop: “O kusa! Ku sasün Absalom! Absalom kusa!”

2 SAMUEL 19:6

Nang to mongkünkyabu thua nang anu ikoxle thua anule changkya mix to nang mongkün ahole changdaoa. Nang zongto nang nguakax-wangkhobu hia khünaknu chemchu münchangle nange ahaikya ahodao. Anyix Absalom a ozün ma tüi ikoxle kwom pangwüi zipuix thüikoxle, nang ang mong huanuma müise changdaongünale kue ngün ang kople.

2 SAMUEL 19:13

Dawid-e hwom füi Amasa hama chuwüi: “Nang a kuma-kumix changpu. Athax makhange kue Joap lüi ma ku süpahi khama akhokya ang nang achangpu. Kue ile chichang thüiningle Zang-e ku to chakmokle naxchang kox, le akaxpu!”

2 SAMUEL 15:30

Dawid a Olip Haxhua to sopngale dong; chix a cha hua ma tamchu mongma aho ang khangto nyifüi akhole tüikya. Chix füito azüikyabu chuwüi ma mongma aho ang khangkho nyibu füi khang alu laxle pangwüi mikfi-tunjile tüikya.

2 SAMUEL 18:17

Hwome Absalom mang apüi, faokha to thapshua zule tüikya khato ija tswonle awüt, ilaxle ija longbu füi chwople tox. Israel nok pangwüi manok-nok to zikle chat.