2 SAMUEL 18:9 - OTSAO BAIBEL (BSI)

⁹ Absalom-e athule züizüi Dawid khünakbu füi apong. Absalom a mankho ma ngalaxle tüikya, ilaxle ija a zak pünnu thamkha tokhange pao, ilaxle Absalom kho a pünkangbu to adüile kop. Man zikle paoüima Absalom a ding-hi-hax nyi bato ashale dantox.

2 SAMUEL 18:9 ပူးပေါင်းရင်းမြစ်များ

2 SAMUEL 14:26

Chix kho wan tütwüi tütle müi, ilaxle chixe ija zanglao to tampong ma wüi züt, ija a müimamale lole tamchu lixle changkya zumatix züt. Onok tuakthüt ma chix kho a tuak anyi pong jao le lix.

WANWÜNKAX 30:17

Nange hünpa chanyi chichangba azu füima manu ajao-adale jangchang,, nang a okun-olae saxdao angkya changle chichangba okhabue nang mik lokdao angkya changle.

JOB LAIPEX 31:3

Thaile mokkya pangnusa hato, chixe sikngün hia thama apüile kox.

GALATIA 3:13

Ikoxle kem khoma othuak ozom ang achang laxle wanlom tokhange apüikya thuakzom chak tokya Khrista-e kem azündaoa; chemthüikoxle Otsao Lai-e thüile: “Owa pün ma ashaüihex chix a Zang thuakzom fangma tüile.”

MARK 7:10

Chemthüikoxle Mosa-e thüi: ‘Manu mapa chathua zakox; ilaxle owae manu mapa thuakzomle changüi hex, chix mik amüt dao!’

JEREMIA 48:44

Tuma-wanshix thoto paole azang ang azongkya khünak a tswon to dütüi, ilaxle tswomkha tokya laile paokya mix a tai ma manüi, chemthüikoxle Jowanpae ile Moab nok amüt angkya hanpak zanghan tyale changdaoa.

WANWÜNKAX 20:20

Nange manu-mapa to thuakzomle jangchang thüiningle nang tsün a zangnak fangto wünmax paokya ningle ashuküi.

2 SAMUEL 18:14

Joap-e thüi: “Kue nang füi tu alyetle münchangüi.” Chixe pax azom laxlaxle ibu Absalom pünkang ma shale ozün ma tüipongma wüi chix tso ma tsunle anop.

2 SAMUEL 17:23

Chemtue Ahithofel-e chix zünkax-saikax chilaxkya ngün ang koppuix, chix a ma mantsak kho ma nga ilaxle chix tinglong to chatle pao. Chix hom-hax hia süt-mwot pangwüi khuakhomle toxlaxle chix a alüile fünle zi. Chix a hwom homkha zukting ma akhün.

TSAITONG-KAXTONG 27:20

“‘Mapa kakonu füi nganguile changkya mix to Zang-e thuakzomkya naxtüi.’ “Noknusae lanüi, ‘Amen!’

TSAITONG-KAXTONG 27:16

“‘Owae manu hia mapa kax ma chilaxle tüipuix, Zang-e chix to thuakzomle changkox!’ “Ilaxle noknusae lanüi, ‘Amen!’

TSAITONG-KAXTONG 21:23

ija a zang angaile thom angkya oli münchang. Ija a inyixnyix wüi akhün angkya oli, chemthüikoxle khünak mang pün ma ashale thomkyae haxtok hato Jowanpa thuakzom apüiüi. Mang a akhünlax, ile changkox tix Jowanpa hünzom Zang-e hünzom ang koxle ngokya haxtok chitsaokya haxtok ang münachangüi.

MATHI 27:5

Juda-e Zangshwom-Hom ma ngun tswonle awüt toxlaxle ikha angkya laile pao; ofüima chix laile pao üntoxle fünle zi.

2 SAMUEL 13:29

Ikhoma dabue Absalom-e adangle fakya kax ma lax ilaxle Amnon lang. Ikhama tüikya Dawid sasün hwom mamabu a mankho ma nga ilaxle paole azang.

2 SAMUEL 18:8

Azankya chamtua-chamtua to chiakle pao, ilaxle zan ma maxkya to kaile khünaknu faokha ma max.

2 SAMUEL 18:10

Dawid khünak tuitae ija ngünlelax ilaxle chixe Joap hato kaxwün-wangle thüi: “Alixachong, kue Absalom a pünkang ma shale ngüntoxdaoa!”