2 SAMUEL 17:23 - OTSAO BAIBEL (BSI)

²³ Chemtue Ahithofel-e chix zünkax-saikax chilaxkya ngün ang koppuix, chix a ma mantsak kho ma nga ilaxle chix tinglong to chatle pao. Chix hom-hax hia süt-mwot pangwüi khuakhomle toxlaxle chix a alüile fünle zi. Chix a hwom homkha zukting ma akhün.

2 SAMUEL 17:23 ပူးပေါင်းရင်းမြစ်များ

MATHI 27:5

Juda-e Zangshwom-Hom ma ngun tswonle awüt toxlaxle ikha angkya laile pao; ofüima chix laile pao üntoxle fünle zi.

2 WANGHOMBU 20:1

Ipongma wanghompa Hezekiah tüle kakle ziüi khakha tüikya. Amoz sasün ajepa Isaia chix wai ang nguilaxle thüi: “Nange pangnu jali khuakhomle tsuak angkya bama Jowanpae nang füi akaxle, chemthüikoxle nang a tamchatle kakmüi toxüile münchang, zik hanpakma achwonlax.”

2 SAMUEL 15:12

Chixe tö koxle ngopongma Absalom-e Gilo tinglong to wanghompa Dawid zongto wangsupa tuita Ahithofel se ang apao. Wanghompa zan to ka angkya katzua laxkya zong sisile tüi, ilaxle Absalom füito azüikyabu mixhuak sülui süluile luile hüi.

MÜNCHUAK-TSAI 5:10

Hwom to thajao üntoxle sikngün ang tomkox, O Jowanpa; hwome azuakya katzuae hwomli thu ang tomkox. Nang ngwotnui angkya hwom jwonle apaokox chemthüikoxle hwom ochax huanu changle tamchu hwome nang füi alün-aloxle tüile.

1 WANGHOMBU 16:18

Chemtue Zimri-e tingnu sumle changdaokya tamting ngünle laxpuix, chix wanghom homlo hommong to dong, ilaxle wanghom homlo to wünlang üntoxle chixchu ija wün ma max.

2 SAMUEL 15:31

Chemtue Ahithofel a zankat ma womünale Dawid hama wünle koxpuix, chixe zangjop: “Jowanpa, chingchalaxle Ahithofel tsai-kax hia tutex ongat ang achangfa!”

WANWÜNKAX 19:3

Züizüi khünake ma ongat mwotbu makhange ma alüile amale ilaxle Jowanpa ma tsaitox-kaxfele changle.

WANWÜNKAX 16:18

Mongngame olithule max angkya lom to zunüi, ilaxle mix to asongle hukyae ma adüt angkya lom to zunüi.

MÜNCHUAK-TSAI 55:23

Ikoxlechu, O Zang, nange ibu mix mik amüt ngokya khünakbu hia khualop mixbu a zuk-kha to apüiüi, hwome tsünto ngaxchu ma-alopba wüi a. Ku hanpakma a, kue nang towüi mongong thomüi.

JOB LAIPEX 31:3

Thaile mokkya pangnusa hato, chixe sikngün hia thama apüile kox.

2 SAMUEL 16:23

Ipongma Ahithofel kax a tuita Zang kax tukuxle hwome pongle lax; Dawid hia Absalom hokhi pangnyie wüi chix kax ma lax.

2 SAMUEL 17:22

Ikhoma Dawid hia chix khünakbu Jordan shua tale le ang lai, ilaxle swomsa ma wüi hwom pangwüi shua tale letsuak.

ISAIA 38:1

Ipongkhae Wanghompa Hezekiah zikox laxle jao kakle max. Amoz sasün ajepa Isaia chix to hu ang pao ilaxle chix ang thüi: “Jowanpa nang ang pangnu li müile zing-jaole tox angkya wüile akaxle chemthüikoxle nang kak a tammüitoxüi münchang. Nang a zi ang achwonlax.”

MÜNCHUAK-TSAI 109:20

Jowanpa, ku zanpabu to ile sikngün apong ang tomkox: ku zongto iningle chichangchizangle atsai-akaxkyabu to a!