2 SAMUEL 16:4 - OTSAO BAIBEL (BSI)

⁴ Wanghompa-e Ziba ang thüi: “Mefibosheth kux nang ma athax chempang tüipuix, ibu pangwüi nang kux changpu.” Zeba-e lan: “Ku a nang dapa tuita changle, ku a jento nang ang mong amüile thom ang ngoüi!”

2 SAMUEL 16:4 ပူးပေါင်းရင်းမြစ်များ

WANWÜNKAX 18:17

Khwalo ma pongwang ole zangwünkya khünak a, chix zanpa-e chix ma kaxtikle machang tanto chix wüi abakle sukya ningle changle.

WANWÜNKAX 18:13

Nange kaxlan faüi thoto ajangle koplax. Ile chichang thüiningle nang a ongat tamchu mixtha ajaokya tuita ang changpu.

WANWÜNKAX 19:2

Je-hwon chitüi homtoxle mongtsukya a münmüi; adu ang chithokya tokhange nange thangnak apong ang tomüi.

TSAITONG-KAXTONG 19:15

“Khünak tuita mik amüt angkya zangwün bama mixhuak tuita mikngün kaxngai münnguiüi; hixpu thüikoxchu mixhuak anyie mikngün kax ngaikya tüikoxtix wüi khünak tuita thaikya ang laxtsuaküi.

LAIPAO 23:8

Zuizun taxlax, chemthüikoxle zuizun-e sukya ngün ang chitomle khünaknu mik apwom ang tomlaxle chemngax chitsingkya khünakbue sikngün apong ang tomle.

2 SAMUEL 14:22

Joap-e chathua zakya ahole chix alüile Dawid pomtho to hax to tswonle awüt, ilaxle thüi: “Wanghompa, Zang-e nang to mohimanhüi! Athax kue nang a ku füi mongmüikya tüile le tikle laxdaoa, chemthüikoxle kue tsaiju-kaxjule changkya nange pongle kopdaoa.”

2 SAMUEL 14:4

Ija mixcha wanghompa hato ngui, chix achuakle hax to akhux, ilaxle thüi: “Wanghompa, ku to süfonghüi!”

2 SAMUEL 9:6

Chemtue Mefibosheth, Jonathan sasün tamchu Sol susün nguipuix, chix chathua zakya ahole Dawid chitong ma akhuxle shwom. Dawid-e nyak: “Mefibosheth.” Ilaxle chixe lan: “Alixachong, ku nang thotha manzai ang ikhama tüile.”

2 SAMUEL 9:9

Ifüima Sol dapa Ziba se ilaxle Dawid-e thüi: “Kue Mefibosheth, nang hopupa Sol susün ang, Sol kux chempang tüikya hex, komkaile achat koxpu.

2 SAMUEL 16:3

Wanghompa-e atüi: “Nang hopupa Sol susün Mefibosheth omaün?” Zeba-e lan: “Chix a Jerusalem ma ngole, chemthüikoxle athaxpi Israel noke chix ang, hopu Sol wangting chatle koxüile chix mongto ongkya tüile.”

2 SAMUEL 16:5

Chemtue wanghompa Dawid Behurim to nguipuix, Sol füi ma-mix Gera sasün Shemei chix füi apong ang lai. Chix a wanghompa to thuakzomngale lai.

2 SAMUEL 19:27

Chixe ku bama nang hama atsele, ikoxlechu nang a tuita kaxtaimix thatha, idaile nang zongto chem supuix ija mokkox.

2 SAMUEL 14:8

Wanghompa-e lan: “Hom to chatkox. Ija bama kue tiklax angpuix.”