2 SAMUEL 16:1 - OTSAO BAIBEL (BSI)

¹ Dawid haxnukho akaile hidaole lekya füima, chixe athule Ziba apong. Chix a Mefibosheth dapa changkya. Chix ma mantsak anyi ma, ankhao 200 hia grep tswon 100, fupziak zan 100 ilaxle greptie awangkya müikhwon nyitsong tuita, ibibi füi hünzing üntoxle tüikya.

2 SAMUEL 16:1 ပူးပေါင်းရင်းမြစ်များ

1 SAMUEL 25:18

Abigail-e nonokhaile an 200, grepti-ju müikhwon nyitsong anyi ma awangle, chun tom aga azanlaxle, tuak 17 tsax atsanlaxle, grep ziak otswon hota, ilaxle fupsa ziak atsanlaxle zingkya an 200, ibu pangwüi mantsak ma hünzing ilaxle achwon.

2 SAMUEL 15:32

Chemtue Dawid-e haxkho bünpuix, tuita zangshwom-nui tüikya khama, chixe zongbakle mongongle tüikya Arki nok Hushai, chix nyi-za akyet tamchu chix khangto haxbu füi fu laxle chix füi apong.

AMOS 8:1

Jowanpa Khüthak Zang tokhange kue mama mikngünohün ngün. Ija ma kue pünziak füi awangkya tsong tuita ngün.

JEREMIA 40:12

Ikhoma hwom chiakle azwon ngokya kha onui danle tox, ilaxle Judah to chat. Hwom a Mizpah ma Gedaliah hato ngui, ilaxle ikhato hwome grepti-ju hia pünziak okhonguile athün.

JEREMIA 40:10

Ku Mizpah ma ngolaxle Babilon nok ikhato nguikya zuma hünzom pangwüi mün ma ku apongüi. Hünzome a grepti-ju, pünziak hia olip münga, ibu asox-atomle ngo ang tsuak, ilaxle hünzom a ma chatsu-monglua ma tingkhua haxkha kamle ngo ang tsuak.”

1 PUKAX-PANGAO 12:40

Shuakux-tsim to tüikya Isakar, Zebulun, hia Neptali homjenbu tokya khünakbu, mantsak, ut, mansa ilaxle maihupong, ibu-—ankhix, fupsa ziak, fupsa zan, grepti-ju, ilaxle olip münga, sütli-lingli ibue awangle hünzing laxle ngui Hwome maihu hia chunbu chuwüi langle huak sax ang apüi. Ibibi a hwom chaxwan noknu mongzom müikya pwonla ahokya changkya.

2 SAMUEL 19:32

Barzillai a zanglao puli nguile tüle azu mixpa tuita changkya. Chix a tüle ahak-aluale tüikya mixpa ilaxle chixe Mahanaim ma tüipongma wanghom ang sütling koxle fong.

2 SAMUEL 15:30

Dawid a Olip Haxhua to sopngale dong; chix a cha hua ma tamchu mongma aho ang khangto nyifüi akhole tüikya. Chix füito azüikyabu chuwüi ma mongma aho ang khangkho nyibu füi khang alu laxle pangwüi mikfi-tunjile tüikya.

1 SAMUEL 16:20

Jesse-e Dawid a Sol hato akat. Dawid-e chix füi tomle zwonsa tuita, an füi hünzing laxle mantsak tuita ilaxle müikhwon nyitsong tuita ma awangle grepti-ju, ibibi koplaxle achex.

1 SAMUEL 10:3

Imakhange nang thuithuile Tabor angkya otsao püntong ma-aloplopba chizakle aham ngolax. Ikhama nang füi zangshwomnui Bethel to pao angkya mixsün azom apongüi. Hwom kha angkya tuitae zwonsa azom laxlaxle tüiüi, ata mixe ankhao azom laxlaxle tüiüi, ilaxle azom lükya mixsün ma greptie awangle tüikya müikhwon nyitsong tuita koplaxle tüiüi.

MIKA 7:1

Monghom angkya ojao müntüi! Ku a, fupsa pün ma pünziak tuita chiatak ilaxle grep zu ma grep ziak tuita chiatakle woknuak maxngokya mixsün tuita ningle. Grep hia ipong müikya fupsa ziakbu a komkaile khaibang daoa.

WANWÜNKAX 18:16

Nange laxli khünak füi apongse tsuchami? Hingho-chaktwon füi nguilax jangchangba ochwon ma apong ang thoüi.

2 SAMUEL 19:17

Chix füi tomle Benjamin homjen angkya khünakbu 1000 tüikya. Ilaxle Zeba, Sol hwom homkha dapa, chix chuwüi sasün hwom 15 ilaxle dabu 20 koplaxle wanghompa thoto wüi Jordan shuanu to nguile bang.