2 SAMUEL 15:31 - OTSAO BAIBEL (BSI)

³¹ Chemtue Ahithofel a zankat ma womünale Dawid hama wünle koxpuix, chixe zangjop: “Jowanpa, chingchalaxle Ahithofel tsai-kax hia tutex ongat ang achangfa!”

2 SAMUEL 15:31 ပူးပေါင်းရင်းမြစ်များ

2 SAMUEL 17:23

Chemtue Ahithofel-e chix zünkax-saikax chilaxkya ngün ang koppuix, chix a ma mantsak kho ma nga ilaxle chix tinglong to chatle pao. Chix hom-hax hia süt-mwot pangwüi khuakhomle toxlaxle chix a alüile fünle zi. Chix a hwom homkha zukting ma akhün.

2 SAMUEL 17:14

Absalom hia Israel khünaknu pangwüie thüi: “Ahithofel füi Hushai zünkax-saikax wüi müihule.” Absalom hato thama chihüi angkya hanpakma, Ahithofel-e koxkya müikya zünkax-saikaxbu mokle chile angkya hanpakma Jowanpae kaxfün tsuakle fa.

JAKOP 3:15

Iningkya je-hwon zangkangting tokya münchang; ija a chaxwannu kux, ija a chitsaokya tamchu bao füikya changle.

MÜNCHUAK-TSAI 41:9

Ku zuikhui amüikya, owato kue ataxle mongong tüipuix, owae ku füi saxtsom ahanle saxpuix, chixe ngaxchu ku zan to kale.

2 SAMUEL 16:23

Ipongma Ahithofel kax a tuita Zang kax tukuxle hwome pongle lax; Dawid hia Absalom hokhi pangnyie wüi chix kax ma lax.

1 KORIN 1:20

Je-hwon füikya mix omaün? Tsingpa-manpa omaün? Athaxpongkya tsaipu-kaxpabu omaün? Zange ija chaxwannu je-hwon a ongat changpu le ahodaoa!

MÜNCHUAK-TSAI 3:1

Jowanpa, ku ang zanpabu müimama tüile, huanuma ku zan to kakyabu a!

JOB LAIPEX 5:12

Chixe huxtsing-loptsangbu mwottho pün-pakle; je-hwon füikya khünakbu hwom katzua mawüi alüile amanle; hwome mokkya mwot chemchu tholün ang müntom.

2 SAMUEL 15:12

Chixe tö koxle ngopongma Absalom-e Gilo tinglong to wanghompa Dawid zongto wangsupa tuita Ahithofel se ang apao. Wanghompa zan to ka angkya katzua laxkya zong sisile tüi, ilaxle Absalom füito azüikyabu mixhuak sülui süluile luile hüi.

JUHAN 13:18

“Kue hünzom pangnu bama akax ngokya münchang; kue kamle kopdaokyabu kue awanle; ikoxlechu Otsao Lai kax ija otok to ngaile aho angkya changpu: Ku füi tomle fongsax ngokya tuita ku zan to ka angkya changle.

ISAIA 19:3

Kue Ijip nok katzua atho ang tomüi ilaxle hwom tutex amale awütüi. Hwome hwom to asun angkya hanpakma hwom chapabu füi hwom to asun angkya kax akaxüi, ilaxle hwom ang mongkho adün fa angkya hanpakma aje-ahing hia lwompu hwom chasabu ma tsaitik-kaxshole changüi.

MÜNCHUAK-TSAI 109:3

ilaxle hwome ku mo amale wünle; chemtsai-chemkax chitüi khato ku zan to kale.

MÜNCHUAK-TSAI 55:12

Ibu a zanpabue ku chanyikya hex thüikoxle kue adusedai.

ISAIA 44:25

Füichi hanpak ajekyabu kue ongat ang achangpu ilaxle lyettex-hantyale akaxkyabu tsingpabu mongsam ang tompu. Jepabu kax kue oba-okha ang achangpu ilaxle hwom hwon-je a ongat changpule ahopu.

2 SAMUEL 17:5

Absalom-e thüi: “Athax Hushai nyakkox, ilaxle chixe chemle akaxüihex, chix kax to apahax.”

2 SAMUEL 17:7

Hushai-e lan: “Izuma Ahithofel-e nang ang koxkya zünkax-saikax a münmüi.

MÜNCHUAK-TSAI 55:10

zangnak zangngai ija akhople, mik amütkya hia sikngün zolit awangle ngünle.