2 SAMUEL 15:25 - OTSAO BAIBEL (BSI)

²⁵ Ijama wanghompa-e Zadok ang thüi: “Tsaotsüt Suak a tingnu to chatle chattoxdao. Jowanpa ang ku füi mongzom müikya jangtüi thüiningle nyix-nyix-ta ija ngün ang tamchu ija thomkya onui to hu ang ku chat ang koxüi.

2 SAMUEL 15:25 ပူးပေါင်းရင်းမြစ်များ

JEREMIA 25:30

“Jeremia, nange kue akaxkax pangwüi apuk angkya changpu. Nang ibu khünaknu hama ija kax akax angkya wüi: “‘Jowanpae zangding tokhange tseüi ilaxle zangkho tokhange zang atsaküi. Chixe chix khünaknu zan to kale tseüi; chix a grep ziak fyetkya khünak ngaokya ningle akhongüi. Chaxwannu angkya noknusae chix zing atatüi,

MÜNCHUAK-TSAI 84:10

Nang Zangshwom-Hom ma nyix tuita alyetkya a ojongjong to zangpua hajat tuita alyetkya füi ngaxchu sümüikya changle; chichang-chizangkyabu hom ma ngokya füi ku Zang homtho zünkai ma wüi ngose tsule.

MÜNCHUAK-TSAI 26:8

Jowanpa, kue nang ngokya hom to mongkünpu, nang fuazang ngokya onui to a.

LAIPAO 15:13

Nang tsaotsüt lailaile, nange paole azünkya khünaknu lom azüi; nangtsak-nangzong makhange nang otsao chaxwan to hwom lomzun.

JEREMIA 7:4

Hünzome: ‘Kwom to chem münthüi! Ija a Jowanpa Zangshwom-Homnu changle, ija a Jowanpa Zangshwom-Homnu chang, ija a Jowanpa Zangshwom-Homnu changle!’, le thüikya dyen-lakya zangwün to mongongkya zakdao.

ISAIA 38:22

Ifüima Wanghompa Hezekiah-e atüi: “Ku a Zangshwom-Hom to pao ang tho angkya bama münwan ang chem tüi?”

MÜNCHUAK-TSAI 122:9

Jowanpa kem Zang hanpakmale kue nang ahak-aluale tüi angkya hanpakma zangjoppu.

MÜNCHUAK-TSAI 122:1

“Jowanpa hom to donghax”, le hwome ku füi akax pongma, ku ang mongmüikya.

2 SAMUEL 7:2

Ifüima wanghompa-e ajepa Nathan ang thüi: “Ku ikhama Sedar pün füi zingkya homlo ma ngopu, ikoxle Jowanpa Tsaotsüt Suak mix a Nyihom to thomtüi!”

2 SAMUEL 6:17

Hwome ija Suak apüilaxle, Dawid-e ija dan ang onui zingle achwon thomkya Nyihom ma ija Suak dan. Ilaxle chixe Jowanpa ang mama tö hia notom-tusüi tö, ibu koxle Zang shwom.

LAIPAO 33:12

Mosa-e Jowanpa ang thüi: “Ija chaxwan to kue ibu khünaknu azüi angkya bama nange ku füi akaxkya changle, ikoxlechu nange ku füi tomle owa akat angkya hex ija a chiakax. Nange ku müile awanle ilaxle ku füi nang mongto müikya tüipule nange akaxdaoa.

LAIPAO 33:13

Nange ile jangtex thüiningle, ku hama nang mongtex apuale fahüi, chemthüikoxle kue nang thothale ang mong amüile ngo angkya hanpakma. Tamchu texle atak hüi, ija khünaknu a nange ma khünaknu ang lax ang zünle kopdaokya changle.”