2 SAMUEL 14:6 - OTSAO BAIBEL (BSI)

⁶ Alixachong, ku ang sasün hwom tüihukya, ikoxle nyixta hwom zangmole ngokya khato ahe; ikhato hwom abaxle ajan angkya khünak owachu chitüi, ilaxle hwomkha angkya tuitae tüita-naopa tuita lang.

2 SAMUEL 14:6 ပူးပေါင်းရင်းမြစ်များ

LAIPAO 2:13

Anaole ofüinyix laikya zuma, chixe Ibri sün anyi ahele ngokya ngünlelax. Chixe süthaile ngünkya mixsün füi akaxle thüi: “Nange hünzuipa Ibri sün to büthüikoxle chakmokpu?”

PONGWANG LAIPEX 4:8

Ifüima Kain-e honao Abel ang thüi: “Künyi pi wunsa khato kahax.” Ile hokhi wunsa khato tüipongma, Kain a honao Abel zan to ka ilaxle chix langle awüt.

2 SAMUEL 14:5

Wanghompa-e ija mixcha ma atüi: “Nange chem laxse tsukya?” She-e lan: “Ku a thanucha, tuita nuakmix changle. Ku kakopa zile paodaoa.

2 SAMUEL 14:7

Ilaxle alixachong, athax a ku haxnu-homsa komle ku zongto zan ang changle hüile ilaxle hwome ku ma ija ku sasün hwom chak to apüile kox angkya wüile atsangle; ija a chixe tüinao tuita langkya khoma hwome chix langle awüt ang lomkya changle. Hwome ile jangmok thüiningle, ku a sasün tuita chitüile tox angkya changle. Hwome ku monghom akiakya amütle jangchang, hwome ku kakopa hanpakma chix mün thom angkya miktsang tuita chitoxle hwon angkya changle.”

2 SAMUEL 13:28

ilaxle chix dabu ang adangle fa: “Amnon-e ju okhonguile lingkya to hule ngohüi, ilaxle chemtue kue kaxkoxle changpuix, chix lang kox. Ojao taxza. Ija bama hünlit kue laxlax angpu. Mongchong kox ilaxle cha-ao-mongsao taxtüi!”

2 SAMUEL 13:29

Ikhoma dabue Absalom-e adangle fakya kax ma lax ilaxle Amnon lang. Ikhama tüikya Dawid sasün hwom mamabu a mankho ma nga ilaxle paole azang.