2 SAMUEL 14:14 - OTSAO BAIBEL (BSI)

¹⁴ Kem pangwüi zi angkya changle; kem a haxkha to ti thokle awütkya füima tamchatle tswonle asox ang chimüikya thatha changpu. Zang-e ngaxchu zile paodaokya tamchatle chat ang müntom, ikoxlechu wanghome tütale thüichu paole samngoünkya zandabu apüi ang tsuak.

2 SAMUEL 14:14 ပူးပေါင်းရင်းမြစ်များ

JOB LAIPEX 30:23

Nange ku zik hato paole ngopule kue awanpu; ija a noknusa hanpakma athünle thomkya osho changpu.

IBRI 9:27

Tam a pangnusasa wüi zi angkya changle üntoxle ifüima Zange kaxfün faüi.

HUAKE LAIPEX 35:28

Mix mik amütkya ma thaidaokya khünak tuita a epongma tüile asukya Nguakho zikya kople, chix paole azangkya pünpao tingnu ma ngo angkya changle. Ikoxle nguakho zile changkya füima chix a ma tingsho to chatle chat ang tsuak.

JOB LAIPEX 34:15

ozün ma tüikya pangwüi zile paoüi, ilaxle haxbu ang achangle chatüi.

HUAKE LAIPEX 35:25

Noknue, mix mik amüt laxle pünpao tingnu to paole azangünkya khünak khose laxle chix a pünpao tingnu towüi tamchatle paole ozün ma ngo ang tom angkya oli. Ekhato chix epongma tüile asukya Nguakho zikya kople ngoüi.

HUAKE LAIPEX 35:15

Tingnu ibu a, Israel nok wüi changlax chichangba mixnok wüi changlax, chichangba nokpu wüi changlax, onox ma ngole toxkya mix wüi changlax, pünpaobu nguile azang angkya onui ang achangüi. Owawa chakchax-jansax ma mix mik amütle changkya khünak ibu tingnu tütapu ma wüi changlax, paole azang ang tsuaküi.

HWON-NWOT-JAONO 9:5

Changle, ozün ma ngokyabue hwom zi angkya wüile tsingle ngole, ikoxle omange chemchu chitsing. Hwome ija thole angkya hingho mama chitüi; hwom ang pangwüi alakle asam.

MÜNCHUAK-TSAI 22:14

Ku janzüi a samdaoa, chaxwan tok to ti thokkya zople paopu ninglea. Ku zapong-kapong bakle atsaile changüna; ku okhax-omong a bakle shanle paoüna.

JOB LAIPEX 14:14

Khünak tuita jangzi daoba, chix azangle chat-tsuak ang chami? Ikoxlechu ija sikngün hanpak ashukle machang tanto; kue sikngün akaikya hanpak tanüi.

ROM NOK HATO ZAKYA POL LAIZA 2:11

Chemthüikoxle Zange pangnusa ang wüi chifün tuita ma kaxfün fale.

MATHI 22:16

Ofüima hwome hwom wangshembu tamchu Herod othom kha angkya khünakbu züita Jisu hato tsanle apao. Hwom nguilaxle thüi: “Nwotmix, kwome nang a mixmüi changpule awanle; khünaknue tütale wüi thütkoxlax tamchu owa thuachu chizale, nange khünaknu hama Jowanpa bama otsingtsing anwot-anole le kwome awan ngopu; chemthüikoxle nange khünak chifün to chihu.

MÜNCHUAK-TSAI 90:10

Zanglao puzombün pong a kem pangwüi ang tüikyajao: keme ma okak-obwot chitüile jangchang zanglao puli pong; ikoxlechu ibue kem ang tingtui hia mongma koxpu wüi; tsün ashukpu, kem paopu.

MÜNCHUAK-TSAI 90:3

Kwom chem changkya hex ija hato chatle chat angkya nange kwom füi akax; nange kwom tamchatle haxbu ang achang.

MÜNCHUAK-TSAI 79:3

Hwome nang khünanknu aji tijenkya lailaile ajendaoa; aji a Jerusalem pangnu khato tijenpupule jenle paole, ilaxle mangzu angkya mix tuita danle chitox.

MÜNCHUAK-TSAI 58:7

Ti zople samkya ningle hwom osün chingünle naxsamün; hwom a lomnu tang tokya fumbu ningle cha füi nakle naxakhix dao.

JOB LAIPEX 34:19

Pangwüi chixe zingkya tomtom daile, mixshix-zasabu zongto naxmale, Chixe Wanghom hia hakpa-luapabu chima münse.

2 SAMUEL 11:25

Dawid-e ija kaxhomix ang thüi: “Joap mong achenkox ilaxle chix ang mong taxma ta thüikox, chemthüikoxle zantam ma owapang mik max angkya hex nang chiawan. Chix ang anaolechu ifüi süzongle singlaxle ija tingnu kople tsuak angkya akaxkox.”

TSAITONG-KAXTONG 10:17

Jowanpa hünzom Zang a baozangbu pangwüi thakma achongkya tamchu pangwüi thakma chatsak-muazongle tüikya Zang changle. Chix a tüle chongle tamchu athakle tüile, ikhoma chix chathua a za angkya wüi changpu. Chixe masüi-mixlüile münchang tamchu zuizun münlax.

LIWI 26:40

“Ikoxle hünzom tamchu hünpu hünpa hwom opange ku kax ma chilax tamchu ku zan to kale tüidaolaxpuix,

1 PITAR 1:17

Khünaknu nok ang, mamwot mwot ma thütle, mapai mix chizün homle otya kaxfün fa angkya Zang ang zangjop pongma hünzome “Apa”, le nyaktüi; jangchang thüiba ija chaxwannu ma tsün ngotanto chix chathua zale ngokox.

WANGSHEMBU MWOT 10:34

Pitar akax ang süt: “Zange khünak nok to chipai chizün le tomwüi hule le athax kue awan ang kopdaoa.

LAIPAO 21:13

Ikoxlechu ija a chakchax-jansax jangchang, kue hünzom hanpak ang zünle thomkya pünpao tingnu to chix paole azang ang tsuak.

2 SAMUEL 14:15

Wanghompa, athax ku ikhato nang füi zangwün ang nguikya kaxtong a, khünaknue ku azale, ikhoma kue nang füi chem akaxpuix ija nange mokle fa angkya changle le monghom tuita füi kue ija kax nang füi akax angkya ku mongto mongzangwünle tsuakle.

1 WANGHOMBU 11:39

Solomon ochax khoma kue Dawid sixli hwom to sikangünüi, ikoxlechu othuithui male münchang.’”

MÜNCHUAK-TSAI 22:15

Ku dingdua a labu ningle zanle zuadaoa, üntoxle ku le a kaxnat to atsamle myendaoa. Haxkozan to nange ku naxzilax ang danle toxkoxpu.

MÜNCHUAK-TSAI 77:8

Chixe kem to mongkünkya dan dao pia? Chix kaxtsaobu otia ma müntüi hia?

MANGSOP 3:31

Jowanpa ma chingcha tüile ilaxle chixe kem othuithuima awütle münthom.

EZEKEL 18:23

Ochax khünakbu zikkya ngünlaxle ku ang mongmüile le nange thütpuix nyi?”, le Jowanpa Khüthak Zang-e atüi. “Ile münchang, itülüi kue hwom künlop-monglüi laxle ozün ma ngokya ngünse tsupu.