2 SAMUEL 12:8 - OTSAO BAIBEL (BSI)

⁸ Kue nang ang chix wangting hia chix kakonubu koxle changpu; kue nang a Judah hia Israel pangnyi to ole wanghom ang achangpu. Ibibi chuwüi nang zongto chingui thüiningle kue anaole chuwüi othom anyie nüile jao koxse.

2 SAMUEL 12:8 ပူးပေါင်းရင်းမြစ်များ

MÜNCHUAK-TSAI 84:11

Chingchajaja hia achuak-achenkya füi kem to mohimankya Jowanpa a kem kho-awapa tamchu fuazangkya chongwangpa changle. Sukya mwot mokle changkyabu ang mokle fa angkya Chixe müikya oli tütali tochu münle münthüi.

2 SAMUEL 9:7

Dawid-e thüi: “Taxza, hünpa Jonathan khoma kue nang ang chingcha ahoüi. Hünpu Sol haxtok pangwüi kue nang ang achatle koxüi, ilaxle nang ku fongsüt ma wom angkya jento pongle koppu.”

ROM NOK HATO ZAKYA POL LAIZA 8:32

Chixe Hosa tomtata ngaxchu chitui le kem ang kox! Chix Hosa ngaxchu kox: chixe mamabu tomning komkaile münfa pia?

2 SAMUEL 12:11

Kue tsaosaxpu, nang homkha angkya tütapue nang hato tingtui apüi angkya changle. Kue nang kakobu nang chak angkya pale paolaxle mix ang koxle changkya zuma nange ija nang mik füi ngün ang kopüi; ilaxle khünak ibue zangngai zezele hwom füi chinunchakkaile changüi.

2 SAMUEL 7:19

Ikoxle nange athax sisi sümokmokpu, Khüthak Jowanpa, nange athax füichima tüi angkya ku sixli hanpak tsaosaxle changpu; nange ija a khünake ngün ang tomfa, Khüthak Jowanpa!

2 SAMUEL 5:5

Chixe Hebron makhange Judah nok thakma zanglao anüt lyetjang azok apün, ilaxle Jerusalem makhange Judah hia Israel nok pangnyi thakma zanglao 33 apün.

2 SAMUEL 2:4

Ifüima Judah angkya khünaknu Hebron to nguilaxle Dawid a Judah nok wanghompa ang kamle münga füi pa. Gilid angkya Jabesh noke Sol mang akhünkya bama chemtue Dawid-e atatle laxpuix,

1 SAMUEL 15:19

Jangchangba, nange chix kax ma büthüikoxle chilax? Büthüikoxle nange tingtak pongma kopkya tuina kop ang ziklaxle Jowanpa ang mong amapu?”

MÜNCHUAK-TSAI 86:15

Ikoxlechu, O Jowanpa, nang a chingcha hia mongkün füikya, othuithuima adukya, mongkün chingcha üntoxle chialekya mongong füikya Zang changpu.

1 WANGHOMBU 2:22

Wanghompa-e atüi: “Abishag chix ang kox angkya nange ku ma büthüikoxle atüipu? Nange ku ang chongwang tüntongchu chix ang wüi shan angkyachu akax koxlax. Chix a ku atüi tomta changpu ilaxle nguapa Abiathar hia Joap hokhi a chix chima tüile!”

2 SAMUEL 12:2

Saxpu-luawang homkha ma maihu hia chunbu tüle tüikya,