2 SAMUEL 12:5 - OTSAO BAIBEL (BSI)

⁵ Dawid ang ija hakpa sün füi huanuma mongtsik ilaxle thüi: “Kue ozün ma tüikya Jowanpa mün ma tsaopu, khünak owae iningle mokdao laxpuix chix a mik max ang tom angkya changle!

2 SAMUEL 12:5 ပူးပေါင်းရင်းမြစ်များ

ROM NOK HATO ZAKYA POL LAIZA 2:1

O, nang ku zuikhui, nange mix bama kaxfün fapuix nyi? Nang tüta khünak wüi changlax, nang ang thailak müntüi chemthüikoxle nangechu kwom füi talailaile mokngo laxle otue nange mix bama kaxfün fapuix, nange nang alüile ahaipu.

1 SAMUEL 26:16

Nange nang mwotlom ma thaidaoa, Abnar! Kue ozün ma tüikya Zang mün ma tsaosaxle akaxpu, hünzom zompu-zangpabu pangwüi mik amütfang changkya, chemthüikoxle hünzome ma wanghompa kho awa ang chitho. Chix a Jowanpae wanghom ang kamle kopkya khünak tuita changpu. Hunohu! Wanghompa paxlo ojonghex? Chix khangkho angkya tipe ojongto tüi?”

PONGWANG LAIPEX 38:24

Lyet azom tukux füima owawae Judah ang thüi: “Nang nomcha Tamar tsangtsa hangkya mixcha tuita ningle ngolaxle athaxpi she ma naotüiüna.” Judah-e kaxkox: “She kotok to alailaxle zokle langdao.”

KAXHO MÜIKYA LUK 9:55

Jisu-e aküi laxle hokhi to sa.

1 SAMUEL 20:31

Dawid zile machang tanto nang ija wangting ma tuita wanghom ang achang ang münthole nange matsing hexnyi? Athax ile paolax ilaxle chix a ikhato apüihüi; chix mik amüt angkya wüi changle!”

1 SAMUEL 14:39

Ozün ma tüikya Jowanpae kem-kem ang wüi lüt ang tomle hüipu. Kue chix mün ma tsaotsütle thüipu, achaxkya mix a kusa Jonathan wüi changlax, ija khünak a mik max ang tom angkya wüi changpu.” Ikoxlechu owaechu chemle chu chilan.

2 SAMUEL 12:4

Nyixta ija saxpu-luawang hwom hom to wünpa tuita ngui. Chix ang asüt angkya hanpakma ija hakpa süne ma müi langlaxle koxsele chitsu. Ikoxle ija nuakmix hom ma tüikya chun hosa langlaxle ma wünpa ang asüt ang fong achwon.”

2 SAMUEL 14:8

Wanghompa-e lan: “Hom to chatkox. Ija bama kue tiklax angpuix.”