2 SAMUEL 12:10 - OTSAO BAIBEL (BSI)

¹⁰ Athax, nangsu-nangsa hwom tsünthom to, tata zan to kale alang-ahuakle changüi, chemthüikoxle nang ku kaxtom kax ma chilax homtoxle Uriah kakonu a nang kako ang laxdaoa.

2 SAMUEL 12:10 ပူးပေါင်းရင်းမြစ်များ

ROM NOK HATO ZAKYA POL LAIZA 2:4

Changle nange chix chingcha achongkya, adu thokya ilaxle monglokya, mongto kakle münlax.

MATHI 26:52

Iponge Jisu-e chix ang thüi: “Nange chang züpak ma latdao! Chang twonkya khünak chang chak ma lam angkya changle.

1 THESALONIKA 4:8

Idaile, khünak owae ija hwon-nwot kax chilaxle awütüi hex, chixe khünak chiekya münchang, ikoxle Zang, owae Otsao Chasa koxpuix, chix chiepu.

MATHI 6:24

“Owachu hopunu anyi da ang ngo ang müntsuak. Ile changkoxle chixe tuita thua anu ikoxle tuita to a mongkünle changüi. Chixe tuita kax ma laxle tüiüi ikoxle ata kax ma a chilaxle changüi. Hünzome Zang hia Ngun pangnyi thotha ang müntho angkya changle.

AMOS 7:9

Isak susa hwome shwomle ngokya nui a pünle amaüi. Israel nok otsao nui a amale dantoxüi. Kue Jeroboam wangting a ashuk angkya hato ahüiüi.”

2 SAMUEL 18:33

Wanghompa hato chix to lütle jao mongmaxle hüi. Chix ikha angkya ajong ilaxle pan ma tüikya nuikha to donglaxle sop. Chix nui to dongüi lom to: “Ku sasün! O kusa Absalom! Absalom, kusa! Nang lüito ku wüi namzilax-a. Ku sasün! Absalom, kusa!”, le sopngale dong.

1 SAMUEL 2:30

Ku, Jowanpa, Israel nok Zang-e ledaokya ma hünzom homkhae ngua mwot mokle ku thotha angkya hex-ole tsaokya changpu. Ikoxle athax kue thüipu, kue ija tsaotsüt münthom ngoüi! Itülüi, opange ku achuak-achenle changpuix, kue hwom achuaküi, ilaxle ku wünhaile changkyabu to kue e-ma chilaxle hupu.

HUAKE LAIPEX 11:20

ikoxle lyetjang tuita hanpakma hünzom imakhange laile mapao tanto tamchu ija makhange hünzome kak-lak kople machang tanto saxle ngoüi. Hünzome hünzom khama ngokya Jowanpa a pongle chikop ikoxle hünzome Ijip nok dantoxse chitsukya mongjua khoma ile changüi.’”

PONGWANG LAIPEX 20:3

Jata wünmang chito chix hato Zangngai laxle chix füi akax: “Nange ija mixcha laxkya khoma nang a zi angkya changle; chemthüikoxle she a kakonu tuita changpu.”

1 WANGHOMBU 15:5

Hit nok Uriah bama thaikya boboma Dawid-e pangnu lom ma chix mong amüile chix kaxtombu kax ma laxle mok.

WANWÜNKAX 17:13

Nange müikya to oma füi olüix khomle jangchang, nang homkha angkya ochax otuechu atsaile ngo ang müntho.