2 SAMUEL 11:15 - OTSAO BAIBEL (BSI)

¹⁵ Chixe za: “Uriah a zan to tunpa ma sütle akatkox. Zan sümakya khama chix dankox ilaxle hünzom anongle chatkox, ile chix zan to max ang tomkox.”

2 SAMUEL 11:15 ပူးပေါင်းရင်းမြစ်များ

2 SAMUEL 12:9

Jangchangthüiba nange ku kaxtom kax ma büthüikoxle chilax? Nange ija ochax büthüikoxle mok? Nange Uriah a Amon nok zan ma max ang tsanpu ilaxle nange chix kakonu nang kako ang laxpu!

1 SAMUEL 18:17

Ifüima Sol-e Dawid ang thüi: “Ku sacha nüchongnu Merab ima tüile. Nange tuita mongchongkya mix tamchu kax ma laxkya süpahi tuita ningle ku thotha laxle Jowanpa hanpakma achax-azanüile mongtsukya ningle kue ku sacha nang kako ang koxüi.” (Sol-e chix tomtatae chilang homtoxle Dawid a Filistia nok zan to amüt angkya hanpakmale ile atsing.)

JEREMIA 20:13

Jowanpa hanpakma tsai ngaokox! Jowanpa achuak kox! Ochax khünakbu chak tokya hwom afangle thomkyabu chixe sünle.

MÜNCHUAK-TSAI 51:14

Ku khüzün panle toxhüi, O Jowanpa, üntoxle ku khosünle kop hüi, üntoxle mongmüi-pwonla atungle kue nang otsao apuküi.

MÜNCHUAK-TSAI 51:4

Kue nang zongto ochax lyenle tüidaoa: nang tata zongto a: ilaxle nange chem münsule thüipuix, kue ija mokdaoa. Idaile nange ku to kaxfün fa angkya asule tüile; ku thaikya ang achangkya tokhange nang sukya ang achangle.

2 SAMUEL 11:17

Zanbu tingnu angkya lailaxle Joap süpahibu füi azan; züizüi Dawid okax-okhobu lang, iningle Uriah chuwüi lang.

1 SAMUEL 18:25

ilaxle Dawid hama ija wün angkya hwom ang kaxkox: “Wanghompa-e nang ma naocha tha jukya mama chemchu müntüi ikoxle Filistia nok langkyabu angkya khwonnüi, chix zanpa hwom to olüix khomkya tuita ningle laxse tsuputa.” (Filistia nok ang Dawid lom ang kox angkya hanpakmale Sol ile atsing.)

1 SAMUEL 18:21

Chixe chix mongto zangwün: “Kue Mikal a Dawid ang wüi koxüi; she a kue chix aman angkya osüt ang twonüi, ilaxle chix a Filistia nok zan to max ang tomüi.” Ikhoma anaole chuwüi Sol-e Dawid ang thüi: “Nang a ku nomsün ang changhüi.”

2 SAMUEL 11:16

Ikhoma Joap-e tingnu hwople kople changpongma, ijongkha ma zan shix lünyi le thütkya khama chixe Uriah akat.

1 WANGHOMBU 15:5

Hit nok Uriah bama thaikya boboma Dawid-e pangnu lom ma chix mong amüile chix kaxtombu kax ma laxle mok.

HWON-NWOT-JAONO 8:11

Chaktung-chaktung ma khünakbue mütkop mwot büthüikoxle mok? Chemthüikoxle mütkop to janpüi ma sikngün fakya chitüikoxle.

JEREMIA 17:9

“Khünaknüsa kün-mong owae tsingthoüi? Ija ningkya huxtsing-loptsang chemchu müntüi; ija a tam chimüikya lima okak füi tüile.