2 PUKAX-PANGAO 7:9 - OTSAO BAIBEL (BSI)

⁹ Hwome tö-tsap atsao ang nyix anüt nui ilaxle Pangpwon hanpak ang mama nyix anüt, le nui. Akiakya nyix hwome wünzua hanpak lax,

2 PUKAX-PANGAO 7:9 ပူးပေါင်းရင်းမြစ်များ

LIWI 23:36

Nyix-anüt mong ma nyixfole hünzome süt tö koxüi. Nyix-achyet lükya nyix chuwüi hünzom zangshwom ang asoxlax ilaxle süt tö koxlax. Ija a zangshwom angkya nyix changle, hünzome mwot chemchu taxmok. (

JOEL 1:14

Chisax-chilingle atsao angkya kax koxlax; khünaknu sele asoxlax! Lompabu asox ang tomlax ilaxlechu Judah angkya khünaknu pangwüi Jowanpa hünzom Zang Zangshwom-Hom to nguilaxle chix hato sople ozing adün ang a!

NEHEMIA 8:18

Ija Pangpwon pongwang nyix makhange oshuk nyix kople hwome nyixfole Zang Wanlom jongpong-jongpong e-le hüi. Hwome ija pangpwon nyix anüt kople nui, ilaxle nyix achyet lükya to, Wanlom ma tüikya ningle, wanpao hanpak lax.

2 PUKAX-PANGAO 30:23

hwom pangwüi ang anaolechu hanpak nyix anüt pangpwon saxle nui ang mongtsu. Hwome tüle mongmüi-pwonlale ija pangpwon sax.

1 WANGHOMBU 8:65

Zangshwom-Hom ma Solomon hia Israel khünaknu pangnusae nyix anüt Pomsa Pangpwon sax. Hamath lomnu makhange shuathongchi Ijip nok longzipong alople khünaknu huanuma tüikya.

TSAITONG-KAXTONG 16:8

Chemthüikoxle ifüi nyix makhange hanpak nyix azok mong ma hünzome twonkhax chiawonle zingkya an-tix sax angkya changle, ilaxle nyix anüt lükya to a hünzom a Jowanpa hünzom Zang to shwom ang asoxüi, ikoxle ija nyix a owaechu mwot chimoküi.

HUAKE LAIPEX 7:10

Tötsap atsaokya mün ma pua angkya hanpakma lompabue chuwüi tö apüi. Chemtue hwome ibu hinghobu tö-tsap ma kox ang achwonle changlaxpuix,

2 PUKAX-PANGAO 7:10

ilaxle ifüi angkya nyix a, anüt lükya lyetnu ma nyixtsa azom lükya to tix Solomon-e khünaknu a mahom-hom to afan. Israel khünaknu to, Dawid to, Solomon to, Jowanpae mohiman fakya pangnu bama hwom ang tüle mongmüi.

LAIPAO 29:37

Ija a nyixfole nyix anüt zinglax. Ifüima tö-tsap a komkaile otsao ang changüi, ilaxle owawae chichangba tütalie ija to lyetle jangchangba ija otsao tsak-zong makhange thamale changüi.

1 WANGHOMBU 8:2

Hwom pangwüi, Ethanim lyet, lyetnu kua anüt lükya to Pomsa Pangpwon pongma hwom pangwüi asox.