2 PITAR 3:9 - OTSAO BAIBEL (BSI)

⁹ Owawae ajangkya ningle Jowanpa a chix kaxtsao mok ang domdai pule münchang. Itülüi, chix a nang füi adule ngopu, chemthüikoxle chixe owachu amütse le müntsu, ikoxle pangnusa wüi ma ochax tokya khosün hato chatle namhüibae le texpu.

2 PITAR 3:9 ပူးပေါင်းရင်းမြစ်များ

1 TIMOTHI 2:4

owae, pangnusae khosün atak angkya ilaxle otsingtsing awanle naxchangle texlax puix.

ROM NOK HATO ZAKYA POL LAIZA 2:4

Changle nange chix chingcha achongkya, adu thokya ilaxle monglokya, mongto kakle münlax.

HABAKUK 2:3

Ija a chakza ma koplax thomlax, chemthüikoxle ija changle ngai angkya hanpak mangui. Ikoxlechu hanpak a chwonle wüi hüile ngole, ilaxle kue nang hama chem ahodaopuix ija otsingtsingle changle hüiüi. Ija ngui ang süshenkya ningle sütkoxlax, ikoxlechu ija tanle nüilax; ija changle ngai angkya jaojao, ilaxle hanpak alüile münlaxüi.

MÜNCHUAK-TSAI 86:15

Ikoxlechu, O Jowanpa, nang a chingcha hia mongkün füikya, othuithuima adukya, mongkün chingcha üntoxle chialekya mongong füikya Zang changpu.

ISAIA 30:18

Ikoxlechu Jowanpa a hünzom hato chingcha aho ang tanle ngonuiüi. Chix a hünzom to chingcha ang jento achwon ngole chemthüikoxle chixe othuithuima sukya mokpu. Opange Jowanpa to mongong thomtsuak puix hwom a mongmüi khünakbu changle.

MIKNGÜN-OHÜN 2:21

Kue she ang ochaxbu tokya mongchat ang hanpak fadaoa, ikoxle ibu müi-hi-aji mwot tokya she chatse le chitsu.

2 PITAR 3:15

Ilaxle kem Jowanpa-e okuilo le adukya a khosün changpu le elax; ilailaile kem mongkün Pol-echu chix ang Zange fakya je-hwon füi hünzom hato zapu.

1 TIMOTHI 1:16

mama khünakbue hwomechu oshuk chitüikya khüzün tsün atak ang thoüi changa le awanle lax ang kox angkya kuxma sümakya ochax khünak tuita füi ngaxchu chix ipongpong adupu le pangnusa hato afua angkya hanpakma Jisu Khrista-e ku apyen ang twon angkya bama Zange ku to chingcha, ija kax a otsing tomta changle.

IBRI 10:37

Chemthüikoxle Otsao Lai-e akaxkya ningle, “Janba ma wüi, üntoxle hüiüi tüikya mix nguiüi; chix tule le münngo.

LAIPAO 34:6

Ifüima Jowanpa a chix tuntho makhange le ilaxle akhongle thüi: “Jowanpa ku a chingchajajae awangle tüikya Zang changle. Ku ang mong chwonle chitsiküi ikoxle chongkya mongkün hia ojao chialekya mongong-chalom tüipu.

ROM NOK HATO ZAKYA POL LAIZA 9:22

Zange mokkyachu ija lailaile changpu. Chixe chix mongtsik aho ilaxle ma tsakzong awan ang koxse thüt. Amüt ang achwonle thomkya chix mongtsik pebu füi adu angkya chix monglo.

ISAIA 46:13

Lüt angkya din kue chwonle ahüiüi — ija a tsailo towüi lejao münchang. Kue anao angkya shenle ngoüi münchang. Kue Jerusalem sünle kopüi ilaxle ikhama Israel nok hato achuak-achenkya apüiüi.”

LAIPAO 18:23

Nange ija Zang kaxtom ma laxle jangmok thüiningle, nang a itukux aduk-athangle münchangüi, ilaxle ibu khünak zangwün pangwüi müile fün-wünle chang üntoxle mahom to chat ang thoüi.”

1 PITAR 3:20

Hwom a, Noa-e khua müile ngopongma, Jowanpa-e ozulole adule tan koxlechu Zang kax ma chilaxle tüikya chasabu changkya. Ija khua ma tüikya hwom mixhuak achyet, ti zan to max ang chitom le khosün,

LAIPAO 32:32

Chingchalaxle hwom thaikya alak-hüile jupu; ikoxlechu nang ija thailak müntüipu jangthüiningle, chingchalaxle nange nang khünaknu mün zale tüikya laipex ma zale tüikya ku mün shong-apaofa.”

LAIPAO 33:11

Jowanpae Mosa füi thün-khang asaole akax.

MÜNCHUAK-TSAI 77:8

Chixe kem to mongkünkya dan dao pia? Chix kaxtsaobu otia ma müntüi hia?

HWON-NWOT-JAONO 8:11

Chaktung-chaktung ma khünakbue mütkop mwot büthüikoxle mok? Chemthüikoxle mütkop to janpüi ma sikngün fakya chitüikoxle.

EZEKEL 33:11

Hwom hama, ku a mongao chitüikya ozün ma ngokya Jowanpa Khüthak Zang changpu, ochax khünakbu max-samkya to ku mong münmüi. Itülüi kue hwom a, ochax mwotbu dantoxlaxle ozün ma ngokya ngünse tsule. Israel nok, hünzome mokle hüikya ma ochax mwot zakün. Hünzom zise büthüikoxle tsupu?

DANEL 4:29

Lyetjang bün anyi füima wüi, Babilon ma chix wanghom homlo homkho to ahamle ngopongma,

ROM NOK HATO ZAKYA POL LAIZA 13:11

Nange ija mok angkya wüi, chemthüikoxle ija chemtu-chemwan hex nange münawan; nang jiple ngokya zo angkya hanpak zanghan hato nguile hüidaoa. Ami owang pongma keme mongongkya chaxwan zanghan füi athax kem khosün angkya hato wüi süsoxle tüidaoa.

ROM NOK HATO ZAKYA POL LAIZA 13:12

Zangnaknu kai laxle zangngai hax khakha changle. Keme mokle ngokya zangnak mwot dantox daoa, ilaxle zangngai ma azan angkya chang pax laxle koplax.

2 PITAR 1:4

Ibu tokhange kem Zang jaopo ma wom angkya üntoxlechu ochax tutex khoma laikya chaxwannu tuma wanshix tokya azangle tsuak angkya bama, chixe kem ang tsaodaokya achongkya tamchu thalix hinghobu kem ang fadaoa.