2 PITAR 3:7 - OTSAO BAIBEL (BSI)

⁷ Ikoxlechu anyix tüikya ding hia haxchu wüi, wün füi amüt angkya hanpakma Zang kaxtom tuitata makhange wüi sünle thomkya changle. Ibu a, Zang chilax homtoxle ngokyabu kaxfün angkya tamchu amüt angkya nyix hanpakmale thomkya changle.

2 PITAR 3:7 ပူးပေါင်းရင်းမြစ်များ

2 PITAR 3:10

Ikoxlechu Jowanpa Nyix a ahuxmix ningle nguiüi. Ija nyix zangdingbu tüle-tüle ozing alai le azutle paoüi, üntoxle ding to tüikyabu tüle-tüle khamkyae ashunle amütüi, üntoxle haxwannuchu ikhama tüikya zünmok füi afomle maxüi.

ISAIA 51:6

Zangdingkhobu to angakle hulax; chaxwannu to hunolax! Zangdingbu a wünkhut samkya ningle samle paoünüi; chaxwannu a nyitsyen buikya ningle sumle paoünüi, ilaxle khünaknu pangwüi hwom zikya ningle zile paoünüi. Ikoxlechu kue apüikya khosün a jento ngoüi; kue lütkya ija a oshuk-okim changüi.

2 PITAR 3:12

Chemthüikoxle hünzom a Jowanpa Nyix, oja nyix ding zokle ashun üntoxle amütüi hex, ilaxle ding angkya lyettsi-lyetsabu tületüle khamkya wünkham to achukle awütüi hex, ija nyix chwonle ngui angkya bama zongle mokmole tamchu tanle hungokyabu changpu.

MIKNGÜN-OHÜN 21:1

Ifüima kue hozün zangkangting hia hozün chaxwannu ngün. Pongwang angkya zangkangting hia pongwang angkya chaxwannu samle max, üntoxle tinu amua le max.

MATHI 24:35

Ding hia hax kaile leüi; Ku kax a tuitachu kaile münleüi.

2 PITAR 2:9

Ikhoma, otsao khünakbu chemle thwontsing tokya khosün angkya hex üntoxle chitsaokyabu kaxfünkya nyix hanpakma chemle sikngün ma thomüi hex, ija Jowanpa-e tsing,

MATHI 25:41

“Ifüima chixe ma nongchi angkyabu füi akaxüi: ‘Hünzom a Zang thuak Zang zom koplax ngokyabu! Ku ha angkya atsaiün! Bao hia chix wangshembu hanpakma achwonle tüikya, tamchu chimax le chuale ngokya okham wünkha to paolax.

MIKNGÜN-OHÜN 20:11

Ifüima kue chongwang tüntong tsekya hia ikha ma thungkya mix ngün. Chix thüntho angkya ding hia hax paole sam üntoxle ibu chatle tamchingün.

MATHI 12:36

“Kue hünzom ang thüipu, khünake chilaxli kax chempang akaxdao laxpuix; kaxfünkya nyix hwome ibu zangwün bama kaxlan fa angkya changle.

JUD LAIZA 1:7

Ilailaile Sodom hia Gomorah tamchu akhople tüikya tingshobu, ojapange kaxtaimixbu ningle ma alüile chinunchakkai mwot to koxpuix ilaxle chimok angkya oli mwot mokle tüipuix, hwome oshuk chitüikya wün ma sikngün apongkyae apyen angkya aho, ibu texle atalax.

1 TIMOTHI 6:9

Ikoxle ahak aluase tsukyabu thwontsing to dütüi üntoxle hwom fang to ajo angkya hia pün angkya hanpakma ongat hia amakya mongzokbu tsün ma amanle.

FILIPI 1:28

Hünzom zanbu thua taxza; jento mongchongle ngolax. Ile changkoxtix hünzome hwom to anaoüi ilaxle hwom chithokya ang achang angkya changle le hwome ngün ang kopüi, chemthüikoxle hünzom ang anao angkya zong a Zange fa angkya changle.

1 JUHAN 4:17

Kaxfün nyix kem ma mongchyen tüi angkya kuxma mongkün a kem ma okhongui ang tompu; üntoxle keme ija kopüijao chemthüikoxle Khrista chemle tüi, chaxwannu ma kem tsünchu ija füi tuita.

2 THESALONIKA 2:3

Tütalom machu owaechu hünzom dyen-ngan ang taxtom, chemthüikoxle owa haolum hanpakma-ole uale thomdao laxpuix, ija chisumüikya mix ngaile malai tanto ilaxle oshukma Zang füi azankya machang tanto ija nyix münhüiüi.

ROM NOK HATO ZAKYA POL LAIZA 2:5

Nang ang na tüikya tokhange, Zang mongtsik hia otsao kaxfün ngaile ahokya nyix kop angkya nang sikngün mix sisile achenle.

MARK 6:11

Khünaknue hünzom pongle chikop chichangba hünzom kax to na chitha, iningkya ting-hax to janghüi thüiba ikha dantoxdao ilaxle hünzom paoüima hünzom cha angkya haxbu ngaxchu hongle toxdao. Ija a hwom hanpak ang kaxkhün tuita ningle changüi.”

MATHI 11:24

Kue nang füi otsingtsing akaxpu, Kaxfün nyix Zange, nang füi Sodom nok hato wüi chingcha süchongle ahoüi!”

MATHI 11:22

Kue hünzom füi otsingtsing akaxpu; kaxfünkya nyix Zange chix chingcha, hünzom füi Tair hia Sidon nyi hato wüi süchongle ahoüi!

MATHI 10:15

Otsingtsingma kue hünzom ang thüipu, Zange kaxfün nyix ija tingkhua angkya khünaknu füi Sodom hia Gomorah nok hato wüi chingcha chongle ahoüi.

ZEFANIA 3:8

“Jowanpae thüi: ‘Nuibang!’ Kue jat-libu pangwüi ma tsaitox-kaxfele changkya nyix tanle nuilax. Kue ku mongtsik mongma tsak-zong atsangle hüikya hwome awanle laxle chang angkya hanpakma jat-li hia wangtingbu asox ang tom angkya ku mong ma zangwünle tsuakdaoa. Ku küntsik-mongmakya chaxwannu pangwüi max ang tomüi.

MÜNCHUAK-TSAI 102:26

Hwom a samle paoüi, ikoxchu nang a ngoüi; hwom pangwüi nyi-za lailaile büile paoüi. Nange hwom nyi-za awütkya ningle awütüi ilaxle hwom a samle paoüi

MÜNCHUAK-TSAI 50:3

Kem Zang nguile ngole, ikoxle dangjajale münchang; tüle zaxkya wün chix tunthoma tüile, tüle shixkya zangtsak-zangdung chix akhople tüile.

MIKNGÜN-OHÜN 17:11

Üntoxle müi oja tam ozün ma tüikya hex, ikoxlechu athax ozün ma tamchitüi, chix a achyet lükya wanghom changpu. Chixchu wüi anüt khama tuita ilaxle amüt angkya nui to chixchu wüi pao angkya changle.

MIKNGÜN-OHÜN 17:8

Ija müi ami ozün ma tüikya, ikoxle athax a ozün ma tammüntüi; ija a othong chitüikya tswomkha tokya alai laxle amüt angkya khato paoüi khakha. Chaxwannu angkya khünaknu opang mün ami khünak zingpong tokhange wüi khüzün laipex ma zale chitüikya hex, hwome ija müi ngünkya zuma tüle abüt maxüi. Ija a ozün ma tamchitüi, ikoxle ija tamchatle ngaiüi.

ISAIA 66:15

Jowanpa a wün füi hüiüi. Chix a zangchei ozang ma piüi ilaxle chix ang mongtsikkyabu to sikangünüi.

DANEL 7:9

Chemtue kue hupuix, wanghom tüntongbu onui ma dan. Jento ozün ma ngole tüikya tüntong tuita ma thung. Chix nyi a jun büta tsele tüikya, ilaxle kho a paiput tsaotsao ningle tüikya. Ochakan füikya chix tüntong a wünle wüi khisumle tüikya,

MALAKI 4:1

Jowanpae akax: “Ongam hia ochax khünakbu tsaxsa zokle ashun pupu le zokle ashun angkya hanpak nguile hüingole. Ija nyix hwom a zokle ashunüi, ilaxle hwom owachu atale chitoxüi.

JUHAN 12:48

Owae ku pongle chikop laxpuix, tamchu ku kax ma chilaxle tüilaxpuix, chix hanpakma kaxfün angkya tuita tüile; kue akax daokya kax, oshuk nyix, chix hanpakma kaxfünpa ang achang angkya changle.

1 KORIN 3:13

Khrista zanghan dongkya Nyix mixhuak nok mwot wüi ngün ang ataküi, chemthüikoxle ija nyix wün makhange noknusa mwot wüi angaile ahoüi; ile wün füi wanüi ilaxle ija chimüikya hia müikya oli otsingtsing ahoüi.

IBRI 12:29

chemthüikoxle kem Zang a zokle ashun angkya wün changle.