2 PITAR 3:1 - OTSAO BAIBEL (BSI)

¹ Ku mongkün tüinaohom, ija a hünzom hato anyi lükya ku laiza changle.

2 PITAR 3:1 ပူးပေါင်းရင်းမြစ်များ

2 TIMOTHI 1:6

Ikhoma, kue nang khangkho ma chak dankya zuma Zange nang ang fakya hingho ozün ma thomhüi le kue nang mongto texle lax ang koxpu.

1 PITAR 1:22

Hünzome otsingtsing kax ma laxkya füi künkux-mongkwomkya chitüi homle, tüinaoe tüinao to mongkün angkya hanpakma hünzom chasa tsaothale zingle fakoxle, hünzom tüinaoe tüinao to mong bakle koxkya füi, küntsao-mongtha le tamchu chizakle akün-aluale tüikox.

1 TIMOTHI 5:22

Owawa Jowanpa mwottho tha ang kam angkya jangchang thüikoxle chix khangkho ma chak dan ang angangle taxmom. Mix ochaxbu khato hak ang taxthüi; ikoxle nange ma alüile atsao thomlax.

MATHI 5:8

“Kün mong tsaothakyabu mohiman; hwome Zang ngün ang kopüi!

MÜNCHUAK-TSAI 73:1

Israel nok hanpakma Zang a otsingtomtata ma müile, mong tsaothale tüikyabu hanpakma a.

MÜNCHUAK-TSAI 24:4

Opang mwot hia tutex ma tsaothale tüipuix, owae chapabu to chishwom puix chichangba othai to tsaosaxle chichangpuix, ibutix nguidong tsuaküi.

2 KORIN 13:2

Amipongma ochax lyenle ngokyabu ilaxlechu mamabu pangnu ang kue kaxkhün fapu; kue othom anyi lükya hünzom waipongma ija kaxkhün fadaoa, ikoxle athax tsaito tüilaxlechu ija kaxkhün chatwüi chatle akaxpu: Tamchatle ku nguikya zuma opupuchu münsho-münnai,

IBRI 6:9

Bachutix tüinaohom, kwome ile akax koxlechu, kwome hünzom to mong münao, hünzom khosün kux ang tüikya sümüikya mohiman hünzom ma tüile le kwome awanle ngopu.

1 PITAR 2:11

Kue mongkünle texkyabu, chaxwannu ma mixwünbu tamchu püntüibu ningle kue hünzom ang thüipu: chasa füi alünle azankya müi-hi-aji küntsu monglua füi hünzom atsaile ngolax.

2 PITAR 3:8

Ikoxlechu ku mongkün tüinaohom, hünzome oli tuita taxalak! Jowanpa miksho ma nyix tuita hia zanglao hajat tuita le malili müntüi; chix zongma monyi wüi tuita changle.

2 PITAR 3:14

Idaile ku mongkün tüinaohom, hünzome ija nyix tanle nui pongma Zang miksho ma thaikya chemchu chitüi le tamchu chix füi mongsom ma ngo ang zongbakle azonglax.

2 PITAR 3:17

Ikoxlechu ku mongkün tüinaohom, hünzome ija awandaoa. Idaile wanlom chilax homtoxle thaile ngokya khünakbue, hünzom azangle ngokya chifün angkya adüt ang jikle chipao angkya bama mik-hingle ngolax.

JUD LAIZA 1:5

Hünzome ibu bakle tsingle ngole, ikoxlechu: tam a Jowanpa-e Israel khünakbu Ijip nok chak tokya khosün, ikoxlechu ofüima, chixe opange chiongpuix hwom amüt, ija bama kue hünzom mongto texle atak ang tomse tsule.