2 PITAR 2:4 - OTSAO BAIBEL (BSI)

⁴ Kaxtaimix ngaxchu, ochax lyenkyabu to Zange chishan, ikoxle kaxfün angkya nyix tanle nui ang oja zangnak khato hwom khakle thompuix, ija haolum to hwom tswonle awüt.

2 PITAR 2:4 ပူးပေါင်းရင်းမြစ်များ

JUD LAIZA 1:6

Kaxtaimixbu opang hwom ang fakya wankam ma chingo homle hwom ngwotnui danle toxpuix, ibu texle ataklax; Zange hwom koplaxle fangchi zangnaknu khato, hwom kaxfün angkya achongkya Nyix tan ang khale thomle.

MATHI 25:41

“Ifüima chixe ma nongchi angkyabu füi akaxüi: ‘Hünzom a Zang thuak Zang zom koplax ngokyabu! Ku ha angkya atsaiün! Bao hia chix wangshembu hanpakma achwonle tüikya, tamchu chimax le chuale ngokya okham wünkha to paolax.

ROM NOK HATO ZAKYA POL LAIZA 8:32

Chixe Hosa tomtata ngaxchu chitui le kem ang kox! Chix Hosa ngaxchu kox: chixe mamabu tomning komkaile münfa pia?

ISAIA 14:12

Babilon nok wanghompa, anopningle nyankya lyettsi, nang a zangkangting tokhange dütdaoa! Thochi ma nange chaxwanbu to lütle tsuak, ikoxle athax nang a haxkha to tswonle awütdaoa.

MIKNGÜN-OHÜN 20:10

Ifüima Bao, owae hom dyenle thompuix, chixchu wüi müi hia othai ajebu tswonle awüt thomkya okham wünnu tilo ningle tüikya khato tswonle awüt; ilaxle ikhato hwom zangnak zangngai jento tüle fuxtsüile ngoüi.

EZEKEL 7:4

Kue hünzom opupuchu müntox chichangba opupu tochu chingcha münaho. Hünzome mokle hüidaokya zakkop mwot khoma kue hünzom to sikangün angkya changle, ikoxtix hünzome ku a Jowanpa changle le awan ang kopüi.”

KAXHO MÜIKYA LUK 10:18

Jisu-e hwom kax to lan: “Ding to khange jantsang ajepkya ningle bao dütkya kue ngünpu.

EZEKEL 5:11

“Ile ku a ozün ma tüikya Zang chang koxle: ija a Jowanpa Khüthak Zang zangwün changle: hünzom chichang-chizangkya hia ochax mwotbu füi ku Zangshwom-Hom akhu ang tomkya khoma, chingcha ojao chitüile kue hünzom dakle anguaküi.

JOB LAIPEX 4:18

Zang-e zangkho tokya chix dabu to ngaxchu mün-ong; kaxtaimixbu ma ngaxchu chixe thaikya atakle.

1 JUHAN 3:8

Ochax mwot mokle ngokyabu a bao kux changle, chemthüikoxle baoe ami pongwang tokhange wüi ochax mokle hüipu. Bao-e mokdaokya mwot oli thule amüt ang, ija hanpakmale Zang Hosa ngaipu.

2 PITAR 2:11

Ibu othai hwon-nwotmixbu füi sitsexle tsakzong le tüikya kaxtaimixbue ngaxchu Jowanpa thüntho ma hwom to adix-adale chichang.

2 PITAR 2:5

Zange kaipongkya chaxwannu to ngaxchu chiakhex, ikoxle Zang chilax homtoxle ngokya chaxwannu angkya khunaknu hato tinu mualyemkya apüi; otsao bama kaxho apukkya mix Noa boma hwom mixhuak anüt wüi azang ang tom.

KAXHO MÜIKYA LUK 8:31

Chingchalaxle othong chitüikya tswom khato kwom taxawütünfa le haxshixbue Jisu ma chingcha ju.

JUHAN 8:44

Hünzom a, hünzom hopa Bao (haxshix) makhange hüikya changpu. Hünzome hünzom hopa haxshix mongtex ma mokse tsule. Ami pongwang tokhange wüi chix a mix mik amütkya mix, ilaxle chix ma sukya chitüi koxle otuechu chixe otsingtsing chima chise. Chixe kaxthai akaxkya zuma, chixe chix jaopo ma chem tüipuix, ija mokpu; chemthüikoxle chix a thaikya mix tamchu thaikya hopa.

MARK 5:7

ilaxle akhongle thüi: “Jisu, nang a Taitax Zang Hosa! Nange ku füi büthüise tsupu? Zang münlün laxle thüipu, ku ang sik sütax-angününfa!”

MATHI 8:29

Ijama hulax, hokhie akhongle akax: “Nang a Zang Hosa, nang füi kwom ang chem mwot tüipu? Hanpak manguiba wüi kwom ang sikngün fa ang nang ikhato nguipia?”

JUD LAIZA 1:13

Ti mwop ningle hwom thünzak ngaile ahokya, tüle zongkya tinu tichap hwom changle. Zange opang hanpakma zukya zangnaknu khato ngwotnui achwonle thompuix, samle aham ngokya lyettsibu a hwom changle.

2 PITAR 2:9

Ikhoma, otsao khünakbu chemle thwontsing tokya khosün angkya hex üntoxle chitsaokyabu kaxfünkya nyix hanpakma chemle sikngün ma thomüi hex, ija Jowanpa-e tsing,

EZEKEL 7:9

Kue hünzom opupuchu müntox chichangba hünzom hato chingcha ojao münaho. Hünzome mokle changdaokya zakkop mwot bama kue hünzom to sikangünüi, ikoxtix ku a Jowanpa changle tamchu hünzom to sikangünle ngokya a ku changpule hünzome awanle laxüi.”

JOB LAIPEX 21:30

Zang mongtsik hia sikngün fakya nyix, shanle dantoxkya mix a chichang-chizangkya mix changle.

TSAITONG-KAXTONG 29:20

Iningkya khünak to Jowanpae thailak fakya müntüiüi. Itülüi, hünzom füikya Jowanpa mongtsik wünle ningle laiüi, ilaxle hünzom pangwüi oli thule machang machangle ija laipex ma zale tüikya thama hünzom khangkho ma dütüi.

ROM NOK HATO ZAKYA POL LAIZA 11:21

Zange chix poma zaikya pünkang Jehudi khünakbu ngaxchu münshan; chixe hünzom ning shanüi le texdaicha?

MÜNCHUAK-TSAI 78:50

Chixe chix mongtsik abaxle chitüi chichangba hwom to chak chimokle chitox, ikoxle okak-olak ahüile mik max ang tom.