2 PITAR 2:3 - OTSAO BAIBEL (BSI)

³ Ibu othai nwotmixbue, hwom nüfux tokhange, zingle alaikya pukaxbu zexkya füi achakle hünzom angkya ngun alapüi; kaipong tokhange wüi hwom kaxfün mix achwonle ngole, tamchu hwom mik amüt angkya mix ang mik azangle ngole!

2 PITAR 2:3 ပူးပေါင်းရင်းမြစ်များ

2 KORIN 2:17

Kem a, shiksheple thahangkya khünakbu lailaile küzi-küza le Zang kax apukle ahamkya züitabu ningle chichang; ikoxle Zange kwom tsankya khoma, tuita Khrista da ningle, chix miksho ma kwome mongkoxle akaxpu.

TSAITONG-KAXTONG 32:35

Jowanpae hwom to olüix khomüi ilaxle sikangünüi; hwom nguak angkya hanpak nguile hüiüi; hwom max angkya hanpak soxle tüile.

1 THESALONIKA 2:5

Kwom hünzom hato chiajingkya zangwün koplaxle nguikya münchang le hünzome müile tsingpu, tamchu kwom nüfux to chwop-khom angkya kwome zang chiwün, kwom kaxkhi ang Zang tüile!

ROM NOK HATO ZAKYA POL LAIZA 16:18

Iningle mokkyabue kem Jowanpa Jisu Khrista mwottho thakya münchang, ikoxle hwom wok hanpakma mokwüi. Hwome kaxmüi makhange tamchu tsaisong kaxnong makhange künlan-monglan ma ngokya khünakbu dyenle.

JUD LAIZA 1:15

chix otsao kaxtaimixbu huanuma laxlaxle Jowanpa nguiüi!”

TITA 1:11

Hwom zangwün abax angkya zongpong jao changle, chemthüikoxle hwome ngun kop angkya thünzak mwot anwot-anokya tokhange hwome kako-kako angkhae lanle mong ama ngole.

1 TIMOTHI 6:5

üntoxle khüzi ma mwot chikoxkya tamchu otsingtsing chitüikya khünakbu makhange ohyet-otsi janba to alaile. Ibu a zanglom ma ahak-alua angkya olom tuita le hwome thütle.

2 PITAR 2:9

Ikhoma, otsao khünakbu chemle thwontsing tokya khosün angkya hex üntoxle chitsaokyabu kaxfünkya nyix hanpakma chemle sikngün ma thomüi hex, ija Jowanpa-e tsing,

2 PITAR 2:1

Kaikya khünaknu tu ma othai ajebu lai, ilailaile hünzom khamachu othai nwotmixbu lai angkya changle. Hwome max angkya othai hwon-nwot lai ang tomüi, üntoxle hwom shakle kopkya hopupa müntsing hex le thüiüi, ile alüile osünto ma max angkya thama apüiüi.

2 PITAR 1:16

Kem Jowanpa Jisu Khrista zaxzangle nguikya bama hünzom ang tsingle lax ang tom pongma kwome khünake zingle alaikya pukax to ongle chingo; ikoxlechu kwome ma mik füi chix fuazang ngündaokya mo wünpu.

1 PITAR 5:2

Atsangle chichang homtoxle mongtsutsu le, Zange hünzom ang koxle tüikya chun zyem nyelax. Omün kop ang chichangle otsing tomtata ma thotha ang mongtsukya füi ma mwot mokkox.

TITA 1:7

Ile müimüithom lompa tuita a Zang mwot mok angkya ajepa tuita changkya daile, chix a ofwot chizaile changkoxle müiüi. Chix a makax kax ma wüi laxhüi le chichangba amuaküsa to mongtsik dongkya mix chichangüi, chichangba jutok saxngakya mix, hyetlom mix, ngun to asingkya mix, iningkyabu chichangüi.

JUD LAIZA 1:11

Hwom a maxsax! Hwome Kain man to. Ngun hanpakma hexle hwom alüile Balam thaikya othai chak to kox. Hwome Korah ningle alün-aloxle ajong, ilaxle chix lailaile hwom amüt.

JUD LAIZA 1:7

Ilailaile Sodom hia Gomorah tamchu akhople tüikya tingshobu, ojapange kaxtaimixbu ningle ma alüile chinunchakkai mwot to koxpuix ilaxle chimok angkya oli mwot mokle tüipuix, hwome oshuk chitüikya wün ma sikngün apongkyae apyen angkya aho, ibu texle atalax.

JUD LAIZA 1:4

Chemthüikoxle opang oma laiua bama Otsao Lai ma zale tüipuix, hwom züizüi hünzom khato zuile nopngoüna. Hwom a, kem Zang chingcha hwom müi-hi-aji mwot ang laxkyabu tamchu kem khüthak Jowanpa tuita wüi tüikya Jisu Khrista pongle chikopkya, Zang chilax homle ngokyabu changle.

1 PITAR 2:8

Anaolechu Otsao Lai-e thüile, “Ija a tuita khünaknu asua angkya long; hwom ati ang koxkya longnu tuita changpu.” Hwome chiongkya khoma ija kax ma hwom asua; ikoxlechu ile chang angkya a hwom hanpakma laiua changkya.

1 TIMOTHI 3:8

Müimüithom ma fongmixbu machu müikya zanglom saikha tamchu mongkoxle saxmokkya tüi angkya oli changle; hwome ju aluile chilingüi tamchu ngun-syen to osingkya chitüi angkya changle;

1 TIMOTHI 3:3

chix a tuita jutok saxngakya mix chichangba hyet lom mix ang chichangüi, jonai ma hia mongsom füikya mix ang achang angkya oli changle; chixe ngun syen to mongkünkya chitüi angkya oli changle;

1 THESALONIKA 5:3

Otue khünakbue “Pangnu wüi khuakhomle müile tüile”, le thüiüihex, ipong khae allele thama apongle. Sheko tuita hato naongün wokkak allele chemle ngangle hüipuix, ija lailaile ijachu ngangle hüiüi, ilaxle khünakbu azang ang münkopüi.

JUHAN 2:16

Ilaxle chixe jua-o hangkyabu füi akax: “Ibu a ikha angkya paodaoa; Ku Apa hom a thalex hom ang achang thomkya zakün!”

KAXHO MÜIKYA LUK 22:47

Chixe ile akaxle ngopong khae, chix wangshem tuita Juda le amünkyae zunlaxle khünak othom tuita nguile hüi. Chix Jisu hato dong ilaxle tun apong.

KAXHO MÜIKYA LUK 20:20

Ilaxle hwome oshua to hule ngo. Künkox-mongkoxkya khünak ningle hüilaxle chix dyen angkya hanpakma hwome khünkhi-khikya khünak züita shak ilaxle kax atüikyabu füi Jisu tsün angkya hanpakma hwom tsanle apao. Apün-awangkyabu hia Roman gowarnor chak to chix owüiole koxtsuak angkya kuxmale hwome ile hwon.

KAXHO MÜIKYA LUK 18:8

Kue thüipu, chixe hwom chima sele kaxfün chwonle wüi faüi. Ile changkoxchu chix nguikya zuma chaxwannu ma Khünak Hosae mongong ataklax angma hex?”

MALAKI 1:10

Jowanpa Khüthak Zang-e thüile: “Hünzome ku tö-tsap ma chilaxli wün atsople changkya füi, ija abax angkya hanpakma owawae Zangshwom-Hom kahakle namchangbae le kue thütle. Ku hünzom füi mong münmüi; nange ku hato apüikya tö kue pongle münkop.

HABAKUK 3:3

Edom makhange Zang tamchatle nguingole; otsao Zang a Paran haxnu makhange nguile ngole. Chix sünmüikyae zangdingkho awangle, ilaxle chaxwannu a chix achuakkyae awangle tüile.

MIKA 3:11

Tingnu angkya pünpa-chongwangbue zuizun kop angkya hanpakmale khünaknu to apün, nguapabue Wanlom a kop ang taile kox, ajebue hwom mikngün ngun hanpak ang tix ngai: ikoxle hwom pange wüi Jowanpa a hwom füi tüile le akax. Hwome thüi: “Kwom hato thomzün chemchu münhüiüi. Jowanpa a kwom füi tüile.”

EZEKEL 13:19

Chakpuix tuita wonglai tsax hia an hidaole kople lax angkya hanpakmale hünzome ku khünaknu tunthoma ku wün ahai. Zise pa chichangkya khünak hünzome langle awüt, ilaxle azangle ngose chichangkya pa hünzom ozün ma thom. Ile hünzome ku khünaknu hama othai zangwün ilaxle hwome hünzom to mongong.”

JEREMIA 8:10

Ikhoma kue hwom haxtokbu a haxpu ozünbu ang koxüi ilaxle hwom kakonubu a mix ang koxüi. Chongkya hixkya noknusae wüi thaikya olom tokhange ngun athün ang azongle. Nguapabu hia ajebue ngaxchu khünaknu dyenle.

JEREMIA 6:13

Khünak pangnusae, chongkya-hixkya noke, huxtsing-loptsang lom tokhange ngun-syen athün ang azongle; ile ajebu hia nguapabue ngaxchu wüi khünaknu dyenlale changle.

ISAIA 60:22

Hünzom khama ahixkya hia puinaile tüikya homkha ngaxchu Tüle chongle tüikya onok tuita ningle tsak-zongle tüiüi. Chemtue chaxwan zanghan nguile hüiüihex, Kue ija chwonle chang ang tomüi. Ku a Jowanpa changle!”

ISAIA 56:11

Hwom a tamchu wok afwotle sax ang chikopkya nüfux füikya hi tuita ningle. Lompa ibu ma tsing-wankya chemchu müntüi. Hwome pange wüi ma mongtsutsu ma mokle ilaxle ma fünmüimüi lomle.

ISAIA 5:19

Hünzome thüile: “Jowanpae chixe moküihex-ole akax daokya nonokhaile naxmokdao, ikoxle tix kwome ija ngünle lax ang thoüi. Israel nok otsao Zang-e chix mwot mokle naxle-kox; chix mongto chemle texpuix, keme shong-huhax.”

MÜNCHUAK-TSAI 81:15

Ku to miktsakle ngokyabu zalaxle ku chitong to akhuxse; hwom sikngün ma oshuk chitüile changse.

MÜNCHUAK-TSAI 66:3

Zang ang thüikox: “Nange mokkya mwotbu chemtukuxle ohünotünhex! Nang tsak-zong huanu changpu zanpabue zalaxle nang tong to puile.

MÜNCHUAK-TSAI 18:44

Mixnokbue ku chitong ma akhuxpu; ku zing atatle changpongma hwome ku kax ma laxpu.

TSAITONG-KAXTONG 24:17

“Püntüibu hia khaxsabu ang hwom süntswon chifale müntüiüi, ilaxle ma thashe hanpak thathap ang zomnu tuita angkya nyiwun laxle chichangüi.

JOB LAIPEX 6:27

Changle, hünzome zasa-khaxsabu chizing to nantakle; üntoxle ma zuikhuibu angkya hünzome olüi saxle!

JUD LAIZA 1:16

Ibu khünakbu a jento kax ma alatlanle tamchu mixmo omale wünkyabu changle; hwom a ma ochax küntsu monglua füito azuile; hwome ma bama alüile tsaichong-kaxbongle tüile; ilaxle hwome ma lomtang kop angkya kuxma mix loplüi füt ang tomle.

MATHI 23:14

Wanlom nwotmix hia Farisi, hünzom künkux-mongkwombu! Hünzom maxsax! Hwome zomnubu chwom ilaxle hwom hom angkyabu paole, ikoxle mixe naxngün le ozulole jople. Ija khoma thajao akhokya hünzome kop angkya changle.