2 PITAR 2:1 - OTSAO BAIBEL (BSI)

¹ Kaikya khünaknu tu ma othai ajebu lai, ilailaile hünzom khamachu othai nwotmixbu lai angkya changle. Hwome max angkya othai hwon-nwot lai ang tomüi, üntoxle hwom shakle kopkya hopupa müntsing hex le thüiüi, ile alüile osünto ma max angkya thama apüiüi.

2 PITAR 2:1 ပူးပေါင်းရင်းမြစ်များ

MATHI 7:15

“Othai ajebu, opange hünzom hato chun khwone khwop laxle hüipuix, ibu hanpakma khünzai lax; chemthüikoxle hwom kün-mong a tuita shixkya shwon ningle tüile.

JUD LAIZA 1:4

Chemthüikoxle opang oma laiua bama Otsao Lai ma zale tüipuix, hwom züizüi hünzom khato zuile nopngoüna. Hwom a, kem Zang chingcha hwom müi-hi-aji mwot ang laxkyabu tamchu kem khüthak Jowanpa tuita wüi tüikya Jisu Khrista pongle chikopkya, Zang chilax homle ngokyabu changle.

2 PITAR 2:3

Ibu othai nwotmixbue, hwom nüfux tokhange, zingle alaikya pukaxbu zexkya füi achakle hünzom angkya ngun alapüi; kaipong tokhange wüi hwom kaxfün mix achwonle ngole, tamchu hwom mik amüt angkya mix ang mik azangle ngole!

2 TIMOTHI 4:3

Khünaknue changkya anwot-anokya to na chitha angkya hanpak hüiüi, ikoxle ma küntsu monglua lom to leüi ilaxle hwom mongto apase le bule tüikyabu mo wün angkya nwotmixbu hwome süchongchongle asüiüi.

MATHI 24:11

Ija füima othai ajebu huanuma lailaxle khünaknu dyenüi.

GALATIA 2:4

Mongong mix-mix wüihexle atsing üntoxle, Khrista füikya notom ma kwome kopkya khangkho zangngai bama opak otua tikle laxsele khwalop mix ibu kwom othom khato zuile ngui.

1 KORIN 11:19

(Chem mongaoüi, otsingtsing ma sukyabu atsingsho le ngaile aho ang hünzom ile ahak ahan angkya jao changle).

1 JUHAN 4:1

Kutüi kunaohom, chasa tüipule athüithüi nok to taxong, ikoxle hwom ma tüikya chasa Zang tokhange hüikya changcha hex le wanle anolax. Chemthüikoxle othai ajebu pangkha towüi paoüna.

KOLOSI 2:8

Khrista makhange chichang homtoxle khünake wünle hüikya tamchu zangfang apünkya chasabu hwon-nwot jaono tokhange nang owaechu üntoxle chemlechu chilaxle khünak owaechu nang da tuita ang chikop angkya bama khünli lax.

TITA 3:10

Ahak ahankya alaikya mix ang othom anyi tukux ma kaxkhün laxkox, ifüima chix füi saxmok angkya mwot chemchu müntüi.

TITA 1:11

Hwom zangwün abax angkya zongpong jao changle, chemthüikoxle hwome ngun kop angkya thünzak mwot anwot-anokya tokhange hwome kako-kako angkhae lanle mong ama ngole.

FILIPI 3:19

Hwom a haolum to ashuküi; chemthüikoxle hwom zongto Zang a hwom tsangtsa küntsu monglua changle. Hwom azak haxkux ziama hwom ngamle, ilaxle hwome ija chaxwannu ma tüikya mwotkat tata bama ajangle.

1 KORIN 6:20

chixe nang a otha koxlaxle shakdaoa. Idaile nang tsangtsa nange Zang fuazang angkya olom ma twonlax.

MARK 13:22

Chemthüikoxle othai khristabu tamchu othai ajebu tüle lwonüi; ilaxle jangtsuakba otsao khünakbu ngaxchu dyen tsuak angkya kuxma hwome münwan hia ohünotünbu tüle ahoüi.

MIKNGÜN-OHÜN 5:9

Hwome tsaizün ile ngao: “Laitün lax üntoxle, shintop dap ang asule tüile; chemthüikoxle nang a lang daoa, tö koxle nang zikya füi; nange Zang hanpakma, pangnu jat-li tamchu kax-ngao; chaxwan longkho hia li-kan tokya, khünaknu shakdaoa.

MIKNGÜN-OHÜN 2:9

Kue nang tingtuibu awanpu; nang zasa changle le kue awanle, ikoxlechu otsing tomtata ma nang a hakpa tuita! Changjao chichang khato hwom Jehudi nok changpu le akaxkyabu thome nang ang kaxma thüikyabu kue awanle; hwom a baochi ma hakkya othom changle!

IBRI 10:29

Jangchangba, ochax tokya hwom atsaole fakya Zang aji chem angchu chilaxle hwon tamchu chingcha fakya chasa adix-adale opange Zang Hosa tha ajaole changlaxpuix, ajang anohu, hwome kop angkya zothup otukux thama changüihex!

KOLOSI 2:18

Othai to puinai le ahokya üntoxle kaxtaimixbu to shwomkyabu opange ataxkya mikngün ohün tüidaoa le akhokya changpu le thüilaxpuix, iningkya mix owa angchu nang thajao ang taxtom. Chemthüikoxle iningkya mix a tüta khoma lüchu chichangle chix müi-hi-aji mongjang makhange mongngam ahole,

EFISIA 4:14

Ifüima kem, mae zingle alaikya tsingtsang othai hato mix zunle ngokyabu odyen khünakbu hwon-nwot tichape laxlax tox angkya ilaxle zangwin to lexlexchex le jeple paongo angkya athax kem a naosom münchang.

MATHI 24:24

Chemthüikoxle othai Messaiah hia ajebu lwon angkya changle; jangtsuak thüiningle Zange zünle kopdaokyabu ngaxchu dyen angkya hanpakma hwome münwan chongkya hia ohünotün mwotbu mok angkya changle.

MATHI 10:33

Ikoxle khünak thüntho ma owawae ku pongle chikop thüikoxle kuechu zangkangting to ngokya Apa thüntho ma chix pongle münkop.

MIKNGÜN-OHÜN 13:14

Owang pongkya müi thüntho ma ija ang mok ang dankya khomtsik mwotbu mokle ahokya tokhange chaxwannu ma ngokya khünaknu pangwüi dyen. Changlo füi thomzün apongdao koxlechu azangle tüikya müi achuak achenle chix chapa zing angkya ija müie hwom füi akax.

MIKNGÜN-OHÜN 2:13

Haxshix wanghom ngwotnui tüikya khato nang ngokya kue awanle. Haxshix ngwotnui to, kue tüle ongle tüikya Antipas lang pongma ngaxchu nange ku to ongkya danle chitox, ikoxle nang a ku zongto sule ngo.

JUD LAIZA 1:18

Athax hanpak oshuk ma hünzom thajao wünhai angkya tamchu texle chiatakkya hwom mongtex füito azuikya khünakbu lai angkya kax hwome hünzom hama akaxdaoa.

1 JUHAN 2:26

Hünzom dyen ang azongle ngokyabu bama kue hünzom hato ija laiza zangopu.

1 PITAR 1:8

Nang mike tümangün ikoxlechu nange chix to mongkünpu, ipongkhae nange chix chingün, ikoxlechu nange chix to mongongpu. Ikhoma nange kax ma ngai ang chitho le mongmüi ma tamchu fuazangkya füi nang ang pwonla dongpu;

EFISIA 1:7

Chemthüikoxle Khrista zikya makhange tix kem dan-panpu, thüikoxle keme ochaxbu thailak atakpu.

GALATIA 5:20

chapa shwomkya; khunkya; achax-azankya; anu-ahaikya; tuwuk-lajat; miktsak-khangsyen; küntsik-mongma; atsi-alakya; jenu-shipa;

GALATIA 4:17

Ibu mama khünakbue hünzom to zule mong koxkya ahole, ikoxlechu hwom tutexbu a omüi münchang. Hwome hünzom to zule mong koxkya ningle hünzomechu hwom to mong naxkox le, hünzom ku füi afan ajan ang kox angkya, ibibi a hwom tutex changle.

ROM NOK HATO ZAKYA POL LAIZA 16:18

Iningle mokkyabue kem Jowanpa Jisu Khrista mwottho thakya münchang, ikoxle hwom wok hanpakma mokwüi. Hwome kaxmüi makhange tamchu tsaisong kaxnong makhange künlan-monglan ma ngokya khünakbu dyenle.

KAXHO MÜIKYA LUK 21:8

Ikoxle Jisu-e thüi: “Hünzom chichang-chizang lom to zunle chipao angkya bama khünlax. ‘Ku chix changpu, üntoxle hanpak chwonüna’ lükya zangwün füi khünaknu hüiüi. Ikoxlechu ibu füito taxazui.

KAXHO MÜIKYA LUK 6:26

“Ongai khünake hünzom mo amüile wün üihex, maxsax; othai ajebu hanpakma hopu hopa hwomechu ile wüi akaxdaopu.

MATHI 24:5

Khünakbue ku mün ma hüilaxle khünaknu dyenle thüiüi: ‘Ku a Messaiah changpu!’

MALAKI 3:5

Jowanpae thüi: “Hünzom khato kaxfün fa-ang ku ngaiüi, ilaxle chajik muashem mwot mokkyabu, chinunchakkaikyabu, othai kaxkhi koxkyabu, mwotmok mixbu to hingchak mün ma sip-ba le changkyabu, zomnu-khaxsabu hia mixnok wünpa to jemle tüikyabu, Ibu opange ku chathua zakya chitüipuix, hwom pangnu hanpakma, ku mik füi ngündaokya kaxkhi kox ang kue hanhomle tanle münngoüi.

MIKA 3:11

Tingnu angkya pünpa-chongwangbue zuizun kop angkya hanpakmale khünaknu to apün, nguapabue Wanlom a kop ang taile kox, ajebue hwom mikngün ngun hanpak ang tix ngai: ikoxle hwom pange wüi Jowanpa a hwom füi tüile le akax. Hwome thüi: “Kwom hato thomzün chemchu münhüiüi. Jowanpa a kwom füi tüile.”

MIKA 3:5

Hwom ang otha koxle changkyabu ang mongsom koxüile tsaosaxkya ajebue ku khünaknu dyendaoa. Hwom ang otha chikoxkyabu ang ochax-ozan thama apong angkya aza. Ibu ajebu füi Jowanpae akaxle,

MANGSOP 2:14

Nang ajebue nang hama kaxthai zangwün boma mama kaxho angkya chitüi; Hwom hwon-nwote nang ochaxbu kotok to chialaile nang dyenle thom. Hwome nang ang künlop-monglüi angkya mwot müntüile ajang ang tom.

GALATIA 3:13

Ikoxle kem khoma othuak ozom ang achang laxle wanlom tokhange apüikya thuakzom chak tokya Khrista-e kem azündaoa; chemthüikoxle Otsao Lai-e thüile: “Owa pün ma ashaüihex chix a Zang thuakzom fangma tüile.”

1 KORIN 7:23

Hünzom a otha koxlaxle shakdaokya changle; khünak dahai ang taxachang!

MIKA 2:11

“Kaxthai hia dyen-ngankyae awangle, ‘Nang hanpakma ju-sax jenle-jenle naxtüi’ le ajele aham ngokya ajepa ija khünakbue laxse tsule.

HOSIA 9:8

Chix khünaknu Israel ang kaxkhün kox angkya hanpakma Zang-e ku ajepa tuita ningle ahüipu. Ikoxlechu ku apaopao khato, hünzome ku osa amanpupule aman ang azong. Jowanpa Zangshwom-Hom ma ngaxchu khünaknu a ajepa zongto zanpabu ang chang.

JEREMIA 37:19

Nang to tamchu ija haxtok to Babilon noke single münchangpule nang hama ajekya nang ajepabu to chemthüi?

ISAIA 9:15

Zunu-zupa hia tüichong mixmüibu a okhang: ilaxle othai hwon-nwot apüikya ajebu a omüikuachi changüi!

1 WANGHOMBU 22:6

Ikhoma Ahap-e ajebu sele anop. Hwom pangnu athüt koxle 400 khünak changkya, ilaxle hwom ma atüi: “Ku Ramoth tingtak ang chipao hia paoüi?” Hwome thüi: “Singkox, Jowanpae nang ang lüt ang tomüi.”

MIKNGÜN-OHÜN 3:8

Nange chem mokpuix kue awan ngole; nang ma zong hidaole wüi tüikya kue awan ngopu; nange ku hwon-nwot man to ilaxle ku to mongong tüile hüi. Owaechu hak ang chithokya nang thüntho ma kue tuita ka daple fadaoa.

KAXHO MÜIKYA LUK 12:9

Ikoxle owae ku noknu thüntho ma chilaxle awütüi hex, Khünak Hosaechu Zang kaxtaimixbu pomthoma chix to ile hwonüi.

TSAITONG-KAXTONG 32:6

Hünzome Jowanpa to ile hwon angkya olom changcha, hünzom ongat, tutex mong chizaikyabu? Chix a hünzom hopa, hünzom zingpupa, jat-li tuita ang hünzom chixe zingpu.

LAIPAO 15:16

Zakya hia khomtsikya hwom hato hüi. Hwome nang tsak-zong ngünle, O Jowanpa, da ang ngokyabu nange danle khangkho angaikya, nang khünaknue toknople machang-machangle, hwom tüle zangale ajong.

JEREMIA 6:13

Khünak pangnusae, chongkya-hixkya noke, huxtsing-loptsang lom tokhange ngun-syen athün ang azongle; ile ajebu hia nguapabue ngaxchu wüi khünaknu dyenlale changle.

JEREMIA 29:21

“Chix mün ma othai kaxho fale ngokya Ahap sasün Kolaiah hia Maseiah sasün Zedekiah nyi bama Jowanpa, Israel nok Khüthak Zang-e akaxdaoa. Ibu a chixe wanghompa Nebukadnezar tsak-zong chak to koxüi ilaxle wanghompa-e hünzom mikngün ma hwom langle chang angkya kax chixe akaxle.

1 TIMOTHI 5:8

Ikoxle ma tomzi mo ojao chiwünkya mix owawa jangtüi thüiba, tamsüilechu kako ma, chixe mongong tha ajao daoa ilaxle chix a mix mik amütkya mix füi ngaxchu sümakya changle.

MIKNGÜN-OHÜN 6:10

Hwome azaxle akhong: “Khüthak Jowanpa, Otsao üntoxle Otsingtsing! Kwom langkya khoma chaxwannu angkya khünaknu kaxfün angkya tamchu sikangün angkya athaxchu otukux omüi?”