2 PITAR 1:5 - OTSAO BAIBEL (BSI)

⁵ Ija khoma hünzom mongong to onüi müikyae bo; onüi müikya to tsingwankyae bo;

2 PITAR 1:5 ပူးပေါင်းရင်းမြစ်များ

FILIPI 4:8

Oshukma kutüi-kunaohom, münchong fakoxle asule tüikya hia oli müikyabu füi hünzom awangle tüikox; thüikoxle, otsingtsing, sukya, changkya, tsaothakya, mongkünkya ilaxle achuak achen ang asule tüikyabue awangle tüikox.

WANWÜNKAX 4:23

Nang mongjang bama khünkhilax; nang khüzün a nang tutexbu makhange tix zingle.

2 PITAR 3:18

Üntoxle kem Jowanpa tamchu khosünpa Jisu Khrista chingcha ma thuithui le tsongle hüilax. Athax üntoxchu othuithuima fuazang chix kux ang naxchang! Amen.

2 PITAR 1:10

Ikhoma, ku mongkün tüinaohom, Zange hünzom nyakkya hia zünle kopkya bama komkaile awan lax ang zongbakle azonglax; hünzome ile jangmok thüiningle otuechu ma mongong dantoxlaxle münpao.

IBRI 6:11

Hünzom pangnusasae wüi ma küntsu monglua oshuk alople thom angkya kwom mongtex, ikoxle tix hünzome monghom ngokya oli changle naxhüi fa ang,

FILIPI 1:9

Tsingwankya hia asukhakkya kaxfün füi tomle hünzom mongkün ma otsün-otsünle tsonghüio le kue joppu;

2 PITAR 3:14

Idaile ku mongkün tüinaohom, hünzome ija nyix tanle nui pongma Zang miksho ma thaikya chemchu chitüi le tamchu chix füi mongsom ma ngo ang zongbakle azonglax.

IBRI 11:6

Mongong chitüi homtoxle owaechu Zang mong amüi ang müntho, chemthüikoxle chix hato hüikya pangnusae, Zang ozün ma tüikya tamchu chix alomlom ang onüi kop-lo ang koxkya to mongong tüi angkya changle.

EFISIA 5:17

Ongat ang taxchang! Ikoxle Zange nang ang chem naxmok le textüipuix, ija lomle shongkoplax.

ISAIA 55:2

Mongzom chimüi angkya ma ngün chem ang bakpu? Hünzome hingchak hom ilaxle woknuak ma büthüikoxle ngopu? Ku kax apalax ilaxle kue chem wünpuix ija moklax, ile jangchangba hünzome sümüikya süt saxle ngo ang kopüi.

FILIPI 2:12

Ikhoma ku mongkün zuikhuibu, ku hünzom füi tomle tüipongma hünzome ku kax ma laxle ngohomkya ningle, ku hünzom füi atsaile ngopongma sisile hünzome ku kax ma laxle ngokya sümüi. Hünzom khosün okho angui ang za-nga le ilaxle abün ngale omok-omok mokkox;

MÜNCHUAK-TSAI 119:4

Jowanpa, nange nang wanlombu kwom ang koxpu ilaxle chiale lüibu kax ma laxle tüi angkya kwom füi akaxpu.

KOLOSI 2:3

Khomle thomkya tuina oja Zang hwon-je üntoxle tsingwankya hex, ibu pangnu ka dap angkya kapatja a chix changle.

JUHAN 6:27

Male paoün angkya süt hanpakma mwot taxmok, ikoxle oshuk chitüikya tsün füi tomwüi ngo angkya süt hanpakma moklax. Ija süt a Khünak Hosae tix hünzom ang koxüi; chemthüikoxle Hopa Zange chix ma münwan shin tople fadaoa.”

KAXHO MÜIKYA LUK 24:21

Üntoxle Israel khangkho zang angai angkya mix chix changüi le kwome ongkya dai! Ile chang füima anyix ile nyix azom sütüna.

KOLOSI 1:9

Ikhoma kwome hünzom bama atatle hüikya tokhange wüi hünzom hanpakma zangjople hüikya changpu. Otsao Chasae fakya hwon-je hia tsingle tsuakkya pangnu füi, tsingwankya chix mongtex füi hünzom awang ang laxkoxle kwome Zang to joppu.

1 PITAR 3:7

Ija lailaile hünzom kakopabuechu ma kakonubu füi, mafüi hwom wüi zong chitüikya le tsingkya füi ngo angkya oli changle. Hwom chathua zakox, chemthüikoxle hwomechu wüi hünzom füi tomwüi Zang angkya khüzün hingho mantswon angkya changle. Hünzom zangjop to poxpyen angkya chemchu chitüi angkya kuxma ija moklax.

IBRI 12:15

Zang chingcha angkya anongle chichat angkya bama khünkhile hunga ngolax. Nyem laxle ija ma tüikya zik hing füi huanuma khünaknu tingtui ang tomkya khaxkya pün tuita ningle owachu taxchang.

1 KORIN 14:20

Tüinaohom, hünzom mongjang ma naosom ningle taxchang; ochax lom ma naosom angchu achanglax, ikoxlechu tutex ma mixmüi ang achanglax.

KAXHO MÜIKYA LUK 16:26

Ibu boma chatlechu, kem bama otuechu chiashuk toxkya chongkya ohua tuita tüile, idaile kwom ha tokya owawachu, paosele texkoxlechu nang hato pao ang müntho, chichangthüiba nang ha tokyachu kwom hato ngui ang müntho.’

ZEKARIA 6:15

Tsailo to ngokya khünakbu nguilaxle Jowanpa Zangshwom-Hom zingkya to asunle changüi. Ilaxle chemtue ija tamchatle zingkya tsuaküihex, Jowanpa Khüthak Zang-e hünzom hato ku tsanle ahüikya awanle laxüi. Hünzome Jowanpa hünzom Zang kaxtombu kax ma laxle jangchang, ibu pangwüi changle hüiüi.

2 PITAR 1:11

Chemthüikoxle iningle tix kem Jowanpa tamchu khosünpa Jisu Khrista oshuk chitüikya wangting to hünzom ngui ang tomüi.

JIHUSUA 7:3

hwom Jihusua hato kaxwün wangle thüi: “Ai tingnu tingtak ang pangwüi chika koxchu müiüi. Hajat anyi hia azom tokhange akatlax. Ikhato azan ang süpahi bakle taxkatngozi; ija a aluile chongkya tingnu münchang.”