2 PITAR 1:1 - OTSAO BAIBEL (BSI)

¹ Jisu Khrista wangshem tamchu chix da tuita Simon Pitar tokhange: Zang hia khosünpa Jisu Khrista otsao ma hwom füi tomle tuita thalix mongong kopkyabu hato:

2 PITAR 1:1 ပူးပေါင်းရင်းမြစ်များ

TITA 2:13

Zang kem Khosünpa Jisu Khrista nguikya nyix chix fuazang angkya to monghom füi ija mohimankya nyix tanle ngotanto keme ile chang angkya changle.

TITA 1:4

Oja tomkux mongong ma kusa tsingtsing hex, Tita, chix hato kue ija lai zapu. Hopa Zang hia kem khosünpa Khrista Jisu-e nang ang chingcha mongsom naxfa.

2 KORIN 4:13

Otsao Lai-e akax: “Ku mongong tüikya khoma kue akaxpu.” Ija chasa tuita mongong ma kwomechu kwom mongong tüikya khoma akaxpu.

JUHAN 12:26

Owawae ku thothase jangtsuba, chix ku füito azui angkya changle; ikoxtix ku ojong khato ngoüihex, ikhato ku dachu ngoüi. Owae ku thotha laxpuix, Apae chix achuaküi.

ROM NOK HATO ZAKYA POL LAIZA 1:12

Ku woktex a, ku mongong tokhange hünzom to fong ilaxle hünzom mongong makhange ku to fongle tomwüi afong angkya hanpakma changle.

2 PITAR 1:4

Ibu tokhange kem Zang jaopo ma wom angkya üntoxlechu ochax tutex khoma laikya chaxwannu tuma wanshix tokya azangle tsuak angkya bama, chixe kem ang tsaodaokya achongkya tamchu thalix hinghobu kem ang fadaoa.

1 PITAR 1:1

Jisu Khrista wangshem Pitar tokhange: Pontas, Galatia, Kapadosia, Asia üntoxle Bithinia haxtokbu to püntüibu ningle chiakle tüikya Zange zünle kopkya khünaknu hato.

EFISIA 4:11

“Khünakbu ang hingho kox”, le thüikyachu chix changpu; chixe züizüi wangshembu ang, züizüi ajebu ang, mamabu a kaxho apuk angkyabu ang, mamabu a chunnyetmixbu ang üntoxle nwotmixbu angle kam.

ROM NOK HATO ZAKYA POL LAIZA 1:1

Khrista Jisu da, ilaxle kamle kopkya wangshem tuita tamchu Kaxho Müikya apuk angkya hanpakma Zange nyakle kopkya mixsün Pol tokhange:

KAXHO MÜIKYA LUK 1:47

Zang ku khosünpa changkoxle ku chasa mongmüile,

1 PITAR 5:1

Hünzom füi tomle ku chuwüi tüichong mixmüi tuita ningle; Khrista sikngün bama kaxkhi tamchu ngaiüi tüikya fuazang ma süntswon angkya mix tuita ningle, kue hünzom kha angkya tüichong mixmüibu zongsaipu:

2 TIMOTHI 1:5

Hünpi Luis hia hünnu Eunis hwom ma tüikya ningle khünkhikhikya nang mong kue texle atakle. Ija lailaile nang machu tüile le kue ongle.

FILIPI 3:9

Wanlom to pongma atakkya ningkya chasa otsao athaxpi kuma müntüi. Athaxpi kuma Khrista to mongongkya makhange kopkya Otsao Chasa tüile, oja Chasa Otsao Zang tokhange hüikya hex üntoxle mongong chifün ang laxlaxle tüipuix.

WANGSHEMBU MWOT 15:14

Chix kux ang hwom kha angkya khünaknu zün ang pongwang ma Zange mixnokbu waikya bama Simon-e athax wünle fadaoa.

MATHI 10:2

Ibu bün anyi mün a ile changpu: Owang angkya Simon, owa ang Pitar lechu wüi nyak; chix honao Andriw; Zebedi sasün Jakop hia honao Juhan nyi;

1 PITAR 2:7

Mongongkyabu hanpakma ija long a thalix changpu; ikoxle chiongkyabu zongto ija a: “Zingpabue chilaxli le awütkya long; homkom-longnu akhokya tuita ang achang.”

1 PITAR 1:7

Ibu a nang mongong ojing tomtata changle le aho angkya hanpakma changle. Ma ang tho angkya hun tangtang ngaxchu wün füi wanle anole; ilailaile nang mongong oja hun füi thanu achongkya hex, Ija a adukya alai angkya kuxma, wan angkya jaojao changle. Ile changkoxtix Jisu Khrista ngaikya nyix nange achuak achenkya, fuazangkya üntoxle chathua zakya kopüi.

TITA 1:1

Zang da tamchu Khrista wangshem Pol tokhange: Zange zün le kopkya khünaknu to fong ang ilaxle oshuk chitüikya khosün monghom chifün ang laxlaxle ngokya kem zanglome anwot-anokya otsingtsing hato hwom zun le apüi ang ku zün le koplax le tsanle apaokya changpu.

FILIPI 1:29

Tamchu chix to ongkya makhange tata le chichangle chix hanpakma sikngün apongkya tokhangechu wüi, hünzom ang Khrista thotha angkya shomüi fadaoa.

EFISIA 4:5

Jowanpa tuita, mongong tuita üntoxle baptikya tuita;

EFISIA 3:5

Amipongma ija huxsa bama khünaknüsa hama apuale chithom, ikoxle Zange Chasa makhange athax a ija wangshembu hia ajebu hato angaile aho.

GALATIA 2:8

Chemthüikoxle chemle Zang tsakzong makhange Pitar Jehudi nok hato wangshem ang zingpuix, ilailaile ku a mixnokbu hato wangshem tuita ang zingkya changle.

2 KORIN 5:21

Ikoxle chix füi notomkya tokhange, kem, Zang otsao ma wom angkya kuxmale, ochax chitüikya Khrista, Zange ochax ang achang.

1 KORIN 15:9

Ku a wangshembu khama oshuk oza tix changlax a, ilaxle kue Zang müimüithom zothup daokya khoma, ku ang wangshem le nyak koxlechu chiasu.

1 KORIN 9:1

Ku a mongtex ma ngo ang dankya mix münchang hexnyi? Ku a wangshem tuita münchang hexnyi? Kue kem Jowanpa Jisu Khrista mangün hexnyi? Jowanpa ma hünzom ku füi tomle üitho münchang hexnyi?

1 KORIN 1:30

Ikoxlechu Zange hünzom Khrista füikya notom hato ahüidaoa, ilaxle tamchu Zange Khrista a kem zongto je-hwon ang zingdaoa. Chix makhange tix kem Zang zongto sukya ang achangle; kem a Zang otsao khünaknu ang achangüna ilaxle kem mongtex ma dandaoa.

ROM NOK HATO ZAKYA POL LAIZA 1:17

Chemthüikoxle Kaxho Müikyae Zange khünaknu chix füi mua amüikya ngaile ahole; owang tokhange oshuk kople ija a mongong makhange tix changüi. Otsao Lai kax ma tüikya ningle: “Mongong makhange Zang füi owa muamüi laxpuix (chix) ozün ma tüile.”

JUHAN 20:21

Jisu-e chatlechu hwom ang thüi: “Hünzom füi mongsom naxtüi! Apae ku chemle tsanle apaopuix ija lailaile kuechu hünzom tsanle apaopu.”

JUHAN 1:42

Ifüima Simon Jisu hato apüi. Jisu-e chix to hulaxle thüi: “Nang a Juhan sasün Simon; nang ang Kefa le nyaküi.” (Ija a Pitar mün long changpu le thüikya tha).

KAXHO MÜIKYA LUK 11:49

Idaile Zang hwon-je e thüile: ‘Kue hwom hato ajebu üntoxle kaxho mixbu ahüiüi, ibu züita hwome langüi, ilaxle mamabu to zothupüi!’

MATHI 4:18

Jisu Galili Shinthuk-titung kax to ahamle ngopongma, Simon owa ang Pitar le nyak, ilaxle honao Andriw, jinu khato sha thuple nyax kople ngokya chixe ngün. Hwom a nyaxlwot mixbu changkya.

JEREMIA 33:16

Judah hia Jerusalem angkya khünaknu kho a sünüi ilaxle hwom a cha-ao-mongsao chemchu chitüile ngo ang kopüi. Ija tingnu ang ‘Jowanpa, kem Khosünpa’ le nyaküi.

ISAIA 12:2

Zang a ku khosünpa changle; Kue chix to mongongüi ilaxle chazakya müntüiüi, Jowanpae ku ang tsak-zong hia janzüi koxle; chix a ku khosünpa.

FILIPI 1:1

Khrista dabu, Pol hia Timothi nyi tokhange: Khrista Jisu füikya notom ma Filipi angkya Zang khünaknu, tamchu müimüithom lomzun mixbu hia fongmixbuchu womle; hwom hato:

JAKOP 1:1

Zang tamchu Jowanpa Jisu Khrista da Jakop tokhange: Chaxwan tok ma chiakle tüikya Zang khünaknu nok hato salam.

JUD LAIZA 1:1

Jisu Khrista wangshem tamchu Jakop sasün Jud tokhange, Zang Hopa ma nyakle kopkyabu tamchu mong akünkyabu, opang Jisu Khrista ma sünle thompuix, ibu hato.